venres, 29 de decembro de 2023

Corais de Nadal

    Baixo o patrocinio da Deputación Provincial e Tradigalu vén sendo habitual desde hai anos a animación das rúas lucenses  durante o Nadal a cargo das agrupacións corais da cidade. Nesta ocasión o programa botou a andar coa nomenclatura de Corais de Nadal.

   O Orfeón deu resposta á convocatoria cultural, como acostuma, actuando os días 26 e 28 de decembro cantando panxoliñas de distintas épocas e lugares de procedencia nos emprazamentos do centro histórico que lle foron asignados. 

   Na primeira das datas actuamos na rúa da Raíña e na rúa de San Pedro e na segunda na Praza de Santo Domingo e na Praza Maior. En ambos casos o repertorio foi o seguinte:

   - Gaudete. Piae Cantiones. S. XVI.

     Solistas:

       Carlos Rodríguez Otero

       Carlos Sánchez Carrera

       Abraham Sánchez Pujante

     Percusión:

       Guadalupe Enríquez Parga

   - Es ist ein´Ros´entsprungen. M. Praetorius. S. XVI-XVII.

   - Ecce novum gaudium. 17th century Scottish song-books.

   - Eu hei-de m´ir ao presépio. M. de Sampaio Riveiro. S. XIX-XX.

   Natal de Elvas. (O Menino que nasceu). M. de Sampaio Riveiro. S. XIX-XX.

   - One horse open sleigh. J. Pierpont. S. XIX.

        Solista: 

                Francisco Javier Pérez-Schofield

        Percusión:

                Guadalupe Enríquez Parga

    - Na noite máis fermosa. J. E. Spitman. Adap. V.R.Abeijón.

    - Chiquirriquitín. Pop. de Córdoba. Harm. O. Martí.

    - Noche de Dios. F. X. Gruber / Arr. J. Castiñeira. S. XIX-XX

    - Adeste fideles. J. F. Wade. S. XVIII.

   Este ano tivemos a sorte de contar en varias pezas coa colaboración inestimable de dous frautistas membros do Orfeón, David Ocón Ruiz e Abraham Sánchez Pujante, que interpretando acompañamentos, preludios ou interludios contribuiron de maneira especial  a facer máis rica a intervención do coro no nadal lucense.

   Na imaxe un momento da actuación na rúa San Pedro.






   


      


sábado, 23 de decembro de 2023

Concerto de Nadal 2023

   O 22 de decembro tivo lugar na Catedral o concerto de Nadal que o Orfeón Lucense, dirixido por Marcos Fernández Mosquera, acostuma a ofrecer nestas datas.

 Dada a situación sociosanitaria e climatolóxica, bastantes membros da agrupación estaban afectados por doenzas respiratorias que non facilitaron o noso cometido, pero aínda así puidemos ofrecer o mellor de nós mesmos aos nosos seareiros cantando un repertorio variado no espazo e no tempo:

   - Gaudete. Piae Cantiones. S. XVI.

      Solistas:

              Abraham Sánchez Pujante

              Silvia Nadela Villarino

              Carlos Sánchez Carrera

      Percusión:

               Guadalupe Enríquez Parga

   - Los Reyes siguen la estrella. F. Guerrero. S. XVI.

   - Es ist ein´Ros´entsprungen. M. Praetorius. S. XVI-XVII.

   - Ecce novum gaudium. 17th century Scottish song-books.

   - Eu hei-de m´ir ao presépio. M. de Sampaio Riveiro. S. XIX-XX.

       Solistas:

               Ana Manuela de Acebedo

               Abraham Sánchez Pujante

               Silvia Nadela Villarino

               Nuria Fernández Álvarez

   - Natal de Elvas. (O Menino que nasceu). M. de Sampaio Riveiro. S. XIX-XX.

   - Christmas Lullaby. J. Rutter. S. XX-XXI.

   - O Magnum Mysterium. Evan Ramos. S. XX-XXI.

   - One horse open sleigh. J. Pierpont. S. XIX.

        Solista: 

                Francisco Javier Pérez-Schofield

        Percusión: 

                 Guadalupe Enríquez Parga

   - Na noite máis fermosa. J. E. Spitman. Adap. V.R.Abeijón. 

   - El tío Pascual. C. Vila de Forns. S. XIX-XX.

   - Chiquirriquitín. Pop. de Córdoba. Harm. O. Martí.

      

   Na imaxe un momento da actuación.







   

   

    

Proxecto ´Cantamos´ no Auditorio de Galicia

   O 21 de decembro, tal como se dixo nun post anterior, tivo lugar en Santiago de Compostela un concerto colaborativo de dez coros galegos dirixidos por Javier Fajardo e acompañados pola Real Filharmonía de Galicia.

   O proxecto´Cantamos´, que botou a andar en setembro convocando ás corais que estiveran interesadas nel, foi traballado de maneira individual en cada agrupación e posto en común en tres ensaios no Auditorio de Galicia, dous deles vocais con acompañamento de piano e o último coa orquestra.

   Participamos neste acto as seguintes agrupacións:

   - Orfeón Terra a Nosa
   - Grupo Vocal Sólo Voces
   - Coral Harmonía Stellae
   - Coro de Cámara Thalassa
   - Coral Polifónica Salcedo
   - Coro do Hospital de Lugo
   - Coro Fingoi
   - Orfeón Lucense
   - Coro Asubío
  -  Coro de adultos da Escola Municipal de Música de Santiago

   O chamamento foi respondido coa asistencia duns 270 coralistas, cuxa colocación na escea requeriu unha instalación de gradas, quizáis nunca experimentada no Auditorio, rodeando as tres paredes que conforman o espazo de actuacións. Merece ser felicitada a persoa que organizou tanto o emprazamento dos cantores como os movementos de entrada e saída na escea pola precisión e rapidez coa que se executaron.

   As obras interpretadas foron:

   - Fidelio. Obertura. L. van Beethoven.
   - Misa em honra do Apóstolo Santiago. Xoán Montes. Arr. Joam Trilho.
   - Merry Christmas Beethoven. Juan Durán.

   Abriu o concerto a Real Filharmonía coa Obertura de Fidelio que deu paso ás obras corais todas elas seguidas con gran atención por un numeroso público que encheu o aforo.

  Cabe destacar a sonoridade de toda a Misa de Xoán Montes e a emotividade do Benedictus interpretado sotto voce sen acompañamento orquestral. En canto á obra de Juan Durán, encantounos a idea de artellar panxoliñas universais sobre melodías de Beethoven ben coñecidas para rematar cun FELIZ NAVIDAD!!! sonorísimo de todos os participantes.

   Merece unha mención especial quen organizou todo este complexo proxecto, Javier Fajardo, pola súa valía persoal e profesional, pola idea de achegar aos coros amateurs á profesionalidade dunha gran orquestra como é a Real Fliharmonía e pola afabilidade e a cercanía coa que fomos tratados en todo momento.

   Ao remate da actuación foron chamados á escea os directores de todos os coros e Juan Durán, compositor de Merry Christmas Beethoven, que foron obsequiados co aplauso dos asistentes.

   Non é fácil expresar con palabras a emoción de formar parte deste acto nun marco tan memorable e percibir a vibración de cada son que emitimos  potenciado polas distintas harmonías vocais e instrumentais de tantos músicos e cantores.

    Sentímonos moi recompensados polo noso traballo e esperamos que haxa unha nova ocasión.

    A imaxe corresponde ao momento final do concerto no Auditorio de Galicia.




   


   

   

   

   
 


   

   

   

martes, 19 de decembro de 2023

Misa de clausura da novena da Virxe da Esperanza

   O 18 de decembro celébrase a clausura da novena da Virxe da Esperanza na igrexa da Nova. Este ano tamén o Orfeón acudiu á cita para cantar esta misa.

   Nesta ocasión o repertorio foi o seguinte:

   - Hija del pueblo. (Letra adaptada por Ángeles R. Fontela) L. Deiss.

   - Kyrie. Misa de Lourdes. J. P. Lécot.

   - Aleluia dit Irlandais. L. Deiss.

   - Ave Verum. J. P. Lécot.

   - Sanctus. Misa de Lourdes. J. P. Lécot.

   - Cordero de Dios. Messe Peuples de la Terre. J. P. Lécot.

   - Na noite máis fermosa. J. L. Abeijón.

   - Adeste fideles. J. F. Wade / J. Reading.

   

   Para finalizar, dada a proximidade das datas navideñas, o Orfeón obsequiou aos presentes con tres panxoliñas:

   - Noche de Dios. F. X. Gruber. Adap. J. Castiñeira.

   - Natal de Elvas. Trad. portuguesa.

   - Chiquirriquitín. Pop. de Andalucía.


                  
                                          Imaxe da Igrexa da Nova


   

Misa da Inmaculada 2023

   Ás 13:00 h. deu comezo na Catedral a misa da Inmaculada, presidida polo prelado da diócese D. Alfonso Catrasco Rouco, asistido por varios coengos, con D. David Varela como salmista, D. Luís Varela Castiñeira como organista e o Orfeón Lucense dirixido por Marcos Fernández Mosquera no coro aportando a parte musical.

    O repertorio  para esta ocasión foi o seguinte:

  - ¡Qué hermosa sois! F. Schubert.

  - Señor ten piedad. Misa Alrededor de tu Mesa. F. Palazón.

  - Gloria. Misa Alrededor de tu Mesa. F. Palazón.

  - Cantad al Señor un cántico nuevo. Salmo.

  - Aleluya. I. García Ramos.

  - Ave María. T. L. de Victoria.

  - Hija de Sión. L. Deiss.

  - Ave Verum. W. A. Mozart.

  - Salve Regina. Gregoriano.




                         Detalle da imaxe de Nosa Señora dos Ollos Grandes

xoves, 23 de novembro de 2023

Misa de Santa Icía 2023

    Todos os anos nesta data os coros de Lugo reúnense na Catedral para festexar a Santa Icía, padroa da Música e  dos músicos.

   A cerimonia foi oficiada por D. Luís Varela Castiñeira, coengo prefecto de Música da Catedral, quen na homilía resaltou a importancia da Música na vida e na sociedade e  fixo referencia a Santa Icía como muller mártir cristiá do século III que faleceu entoando cánticos a Deus, de aí o seu padroado.

  Actuou como salmista D. David Varela e como organistas Xavier de Acosta  acompañando ao Orfeón Lucense e Esperanza Iglesias ao Coro do Hospital.

  Unha vez máis soaron as nosas voces para cantar unha misa na que participou cada colectivo individualmente entoando as melodías de cada parte. Os coros participantes este ano foron os seguintes:

   - Cantar Delas

   - Conxunto Vocal Lugh

   - Coral Amigos do Camiño

   - Coral Ecos do Miño

   - Coro do Hospital de Lugo

   - Coro Parroquial de S. Francisco Javier

   - Coral Xolda

   - Grupo Vocal Sólo Voces

   - Orfeón Lucense

   - Orfeón Xoán Montes


   Ao Orfeón Lucense, dirixido por Marcos Fernández Mosquera, correspondeulle interpretar dúas obras:

   - Gloria de Lourdes. J. P. Lécot

   - Ave Verum. J. P. Lécot

   Ao remate do acto o oficiante agradeceu a asistencia ás corais participantes, aos seus directores, aos músicos e a todos os presentes e quedamos emprazados para o vindeiro ano.

   Sempre é un pracer reunirse con outros amantes da Música e nese sentido todos os cantores de Lugo debemos tributo a D. Luís Varela Castiñeira, quen é o organizador de moitos dos eventos nos que convivimos tantas agrupacións corais, entre as cales sempre existe un bo ambiente  de colaboración.

   Na imaxe o cartaz da celebración.



    


martes, 7 de novembro de 2023

Participación no proxecto 'Cantamos'

   A Real Filharmonía de Galicia fixo un chamamento no mes de setembro a todos os coros galegos para participar nun concerto colaborativo que se celebrará o 21 de decembro no Auditorio de Galicia. É o proxecto 'Cantamos', no que o Orfeón Lucense vai participar.

   Seremos uns 270 cantores acompañados polos músicos da orquestra e dirixidos por Javier Fajardo interpretando a Misa em honra do Apóstolo Santiago de Xoán Montes, con arreglo de Joam Trilho, e Merry Christmas Beethoven, de Juan Durán.

   O pasado domingo, día 5, congregámonos para un primeiro ensaio no lugar do concerto todos os coralistas pertencentes aos dez coros participantes:

   - Orfeón Terra a Nosa
   - Grupo Vocal Sólo Voces
   - Coral Harmonía Stellae
   - Coro de Cámara Thalassa
   - Coral Polifónica Salcedo
   - Coro do Hospital de Lugo
   - Coro Fingoi
   - Orfeón Lucense
   - Coro Asubío
  -  Coro de adultos da Escola Municipal de Música de Santiago

   Foi moi gratificante compartir esta primeira toma de contacto. Animamos a todos os amantes da Música a asistir a este concerto que promete estar cheo de emocións. 

   Este é o cartaz anunciador do evento:





   

   


luns, 30 de outubro de 2023

Misa 34 cabodano de D. Xosé Castiñeira

   O 31 de outubro de 1989 falecía en Lugo D. Xosé Castiñeira Pardo, Rector do Seminario, coengo e Prefecto de Música da Catedral. 

   Home de ampla formación humana, relixiosa e musical, como pode apreciarse no enlace ao post que no trinta aniversario se publicou neste blog, adicou a súa vida ao estudo e a difusión da Música, tendo entre os seus méritos o de ser pioneiro en levar o galego ás súas composicións relixiosas e profanas para seren interpretadas polos coros que el dirixiu.

   O Orfeón Lucense, refundado por el, non podía ser alleo á celebración desta data, por iso canta anualmente unha misa na súa honra, que este ano vén de ser o domingo pasado na sé.

   A cerimonia foi oficiada por D. Luís Varela Castiñeira, actual Prefecto de Música e sobriño do finado mestre, actuando como salmista Carlos Sánchez Carrera, como organista Xavier de Acosta e como director do Orfeón Marcos Fernández Mosquera.

   O oficiante fixo unha afectuosa semblanza do falecido, destacando o seu carisma e a admiración que sentía por el aos seus oito anos, idade que tiña cando seu tío morreu, ao tempo que deu as grazas pola asistencia a todos os presentes.

   O repertorio coral nesta ocasión estivo constituído na súa maioría por pezas da autoría de D. Xosé e foron as seguintes;

   - Aledémonos. X. Castiñeira.
   - Señor ten piedade. Misa Galega. X. Castiñeira.
   - Gloria. Misa Galega. X. Castiñeira.
   - Yo te amo, Señor. Salmo.
   - Interleccional. X. Castiñeira.
   - C´est toi, Seigneur.J.P.Lécot.
   - Santo. Misa Solemne. X. Castiñeira.
   - Cordero de Dios. Misa Pascual. X. Castiñeira.
   - O salutaris. L. Perosi.

   Antes de finalizar a misa, Xulio Xiz, presidente da nosa entidade coral, pronunciou unhas emotivas palabras lembrando ao ilustre profesor e agradecendo a todos a súa presenza.
   
   Xa no claustro da Catedral, onde repousan os restos de D. Xosé e do seu irmán D. Manuel, tamén coengo desta sé falecido no ano 2019, ao pé das súas sepulturas foron depositados por dúas coristas de recente incorporación ao Orfeón sendos ramos de flores, despois do cal o coro interpretou Reina del Cielo, composición do noso refundador.

  Rematada a celebración relixiosa, familiares e membros da agrupación coral dirixímonos ao busto que o Orfeón lle adicou ao seu mestre na Avenida de Ramón Ferreiro desta cidade, onde se fixo unha ofrenda floral na súa lembranza.

    Por último os membros do coro, irmáns do ilustre musicólogo e amigos que foron invitados, celebramos un xantar de confraternidade co que se puxo fin a esta emotiva xornada.

   A continuación reproducimos o texto pronunciado por Xulio Xiz en lembranza de D. Xosé Castiñeira Pardo:


34º Cabodano de José Castiñeira Pardo, 29.10.2023 

Pasado mañá, cúmprense 34 anos desde o pasamento do creador da Agrupación de amigos cantores que arroupan esta celebración, que levamos o nome de Orfeón Lucense, coro oficial desta S.I.C.B., ao que acompaña o organista da catedral, Xavier de Acosta.

Adóitase conmemorar de xeito especial as efemérides con cifras rotundas: os vinte, os trinta… pero o Orfeón, tendo presente o espíritu, a forza, o legado, e mesmo a presencia do noso Mestre, acordou lembralo ano a ano - e cúmprense 34 -, non só para doernos pola perda senón tamén para glorialo e gloriarnos polo ben que nos fixo ao facernos nacer, polo seu traballo na Igrexa e na música, e pola lembranza garimosa que deixou en todos os que o coñecemos e queremos.

Antes houbera un histórico Orfeón Lucense creado polo xenial Xoán Montes, que sólo era un recordo. E o noso -e voso – Don José quixo volvelo á vida dando ese nombre ao conxunto de voces cantoras dos varios grupos que dirixía. E nacemos de novo, renacemos, hai 41 anos. 


E a estas alturas dun novo século, sentimos que seguimos sendo os mesmos, aínda que lóxicamente poucos quedamos daquel tempo xa  lonxano; que seguimos tendo o mesmo ánimo que el nos insuflou, o mesmo amor á música, a mesma devoción polo canto… Que amamos as mesmas cousas, os mesmos lugares (especialmente esta gran casa, a primeira igrexa da diócese), que a mesma música nos da a mesma vida; que do mesmo xeito que somos fillos duns pais que nos fixeron nacer, todos nós – mesmo os que acaban de incorporarse nos últimos tempos -somos fillos musicais, espirituais, daquel crego tan humano, tan moderno que os rapaces de hai medio século buscabamos polos confesionarios para confiarlle as nosas angueiras.

Por iso estamos aquí, e estaremos todos os anos se Deus o quere, para cantar na súa lembranza e proclamar ata onde chegue a nosa voz que o noso Pai musical está máis vivo ca nunca na súa música, nas nosas partituras, nas nosas voces, no noso ánimo.

E cando a misa remate, iremos con todos os presentes que queirades acompañarnos ao Claustro da Catedral onde está enterrado para deixarlle  unhas flores e outra canción, e tamén deixarlle flores ao seu irmán Don Manuel, que tanto nos ten comprendido e axudado nesta Catedral. 

Se lembrando a D. José as grazas permanentes van implícitas, o Orfeón da as grazas máis expresivas á familia Castiñeira –  Luis, sobriño, oficiante; súa irmá, seu cuñado… - que o P. Castiñeira fixo que sexan tamén da nosa familia, e sempre están connosco. 

E xa que o tempo do alén é a “mellor vida”, felicidades, José Castiñeira, polos 34 anos desa vida mellor.





   

venres, 13 de outubro de 2023

Misa en Latín 2023

   Organizada polos antigos alumnos da Escola de Artes e Oficios Artísticos Ramón Falcón acostuma a celebrarse o día 12 de outubro unha Misa en Latín na catedral  como preludio da Feira Medieval e outras actividades organizadas por este colectivo neste último día das festas do patrón.

  A misa foi celebrada no altar do Bo Xesús por D. Manuel Castro Gay, coengo desta Catedral, asistido por membros do colectivo mencionado máis arriba e contou coa asistencia de numerosos fieis, entre os que se encontraba un certo número de damas e cabaleiros vestidos con atuendos medievais que contribuiron a situarnos na época.

  As diferentes partes da misa foron pronunciadas en Latín, tal como acostumaba a ser antes de 1965, ano no que o papa Pablo VI dixo a primeira misa en italiano, lingua á que se foron engadindo todas as demais. 

 O Orfeón Lucense situouse excepcionalmente na nave dereita da sé, e o  repertorio interpretado nesta ocasión especial baixo a dirección habitual de Marcos Fernández Mosquera  foi o seguinte.

   - Adoramuste, Christe. Th. Dubois.

   - Kyrie. Misa de Angelis. Gregoriano.

   - Alleluia. Gregoriano.

   - O salutaris hostia. P. de la Rue

   - Sanctus. Misa de Angelis. Gregoriano.

   - Agnus Dei. Gregoriano.

   - Da que Deus mamou. Cantiga 77. Afonso X O Sabio.

   - Canticorum Iubilo. G. F. Haendel.


   Na imaxe, momentos previos ao inicio da Misa.


                                     

venres, 6 de outubro de 2023

Misa de San Froilán 2023

   Puntuais á cita anual coa celebración do patrón de Lugo acudimos á Catedral de Santa María para cantar unha misa solemne.

 Estivo presidida polo prelado da diócese, D. Alfonso Carrasco Rouco, foi concelebrada por diferentes membros do cabildo catedralicio e contou coa asistencia da Corporación Municipal encabezada por Dona Lara Méndez, alcaldesa de Lugo, e asimesmo coa presenza doutras autoridades.

  Na parte musical estivo o Orfeón Lucense, dirixido por D. Marcos Fernández Mosquera, acompañado ao órgano polo coengo Prefecto de Música da Catedral, D. Luís Varela Castiñeira.

   A continuación especifícase o repertorio interpretado:

   - Procesional de entrada. J. Molejón.

   - Señor ten piedade. Misa Galega. J. Castiñeira.

   - Gloria. Misa Galega. J. Castiñeira.

   - Amósame, Señor. Salmo.

   - Aleluya. X. R. Estévez.

   - Eiquí están, Señor. L. Sánchez.

   - Santo. Misa Galega. J. Castiñeira.

   - Año de Deus. Misa Galega. J. Castiñeira

   - Eucaristía. Taizé / Fdez. León.

   - Non vou só. I. García Ramos.

   - Himno a San Froilán. J. Molejón.

   Máis abaixo, un momento da celebración do Día do Patrón tomada da web de La Voz de Galicia na que se pode apreciar a numerosa concurrencia, a Corporación Municipal e o Orfeón Lucense no Coro da Catedral.









   

   

   

domingo, 24 de setembro de 2023

Concerto en Burela

  A primeira actuación deste curso foi na Casa da Cultura de Burela por invitación da Coral Polifónica de dita localidade que retomaba a actividade co seu I Concerto de Outono despois dun tempo de pausa.

 Compartimos escea coa agrupación anfitriona e a Rondalla Estrelecer de Fene, dirixidas por Lucía Expósito Martínez e Javier Amado, respectivamente.

  En primeiro lugar a Rondalla Estrelecer interpretou as seguintes composicións:

   - Canción del mar. Adap. Javier Amado Fdez.
   - India. Adap. Javier Amado Fdez.
   - El mar. Adap. Javier Amado Fdez.
   - Río de Camalotes. Versión Javier Amado Fdez.
   - O vira vira. Fuxan os Ventos.

   A continuación o Orfeón, dirixido por Marcos Fernández Mosquera, interpretou o seu repertorio:

   - Gabriel's oboe. E. Morricone. Arr. P. Rowlands.
   - Ó rama. Popular portuguesa. Arr. A. Martins.
   - Bullerengue. Ritmo colombiano. Arr. J. A. Rincón.
   - La flor. E. Martínez Torner.
   - Cando vexas. Popular galega. Arr. J. Castiñeira.

   Cerrou o turno de actuacións a Coral Polifónica de Burela que ofreceu aos asistentes estas  pezas:

   - Senhora do Almurtao. Trad. de Portugal. Harm. Julio Domínguez.
   - Guantanamera. Joseíto Fernández. Arr. Electo Silva.
   - Siyahamba. Canción zulú.
   - Quen puidera namorala. Letra: A. Cunqueiro. Música: E. Batallán.

  Hai que destacar que neste concerto facían o seu debut catro compoñentes do noso coro: Ricardo Coria Abel, María Paz Gómez Cabanas, Rosa Souto Saá e Trinidad  Vázquez Luaces; todos eles coa ilusión natural da súa primeira vez.

  Despois das actuacións as tres corais compartimos un ágape de confraternidade que rematou con cantos compartidos e afectuosas mostras de agradecemento e despedida.

  Nas imaxes, un momento do noso concerto na Casa da Cultura de Burela.








   
   

   

sábado, 9 de setembro de 2023

Preparando a volta

   Despois dun breve descanso estival, coa chegada da luz de setembro o Orfeón Lucense volta á actividade normal de ensaios e actuacións con entusiasmo e novos ánimos.

   Para unha primeira toma de contacto reunímonos no local da agrupación e, tras os saúdos propios da situación, comezamos a preparar o primeiro concerto ao que fomos invitados pola Coral Polifónica de Burela baixo a dirección habitual de Marcos Fernández Mosquera.

   Nas imaxes, momentos da actividade.

    



domingo, 20 de agosto de 2023

Misa da Nosa Señora

   O 15 de agosto celebramos a festividade da Virxe dos Ollos Grandes, padroa de Lugo, cantando unha misa na súa honra na Catedral.

   A misa estivo presidida polo prelado da diócese, D. Alfonso Carrasco Rouco. Actuou como organista D. Luís Varela Castiñeira, Prefecto de Música da sé, coa aportación das harmonías vocais do Orfeón, dirixido por Marcos Fernández Mosquera, interpretando o repertorio que se detalla a continuación:

   -Himno a la Virgen de los Ojos Grandes. J. Ortiz Peña. Arr. J. Molejón.

   - Señor ten piedad. Misa Alrededor de tu Mesa. F. Palazón.

   - De pie a tu derecha. Salmo. L Elizalde.

   - Aleluya. I. García Ramos.

   - Ave María. T. L. de Victoria.

   - Santo. Misa Alrededor de tu mesa. F. Palazón.

   - Cordero de Dios. Misa Alrededor de tu mesa. F. Palazón.

   - Hija de Sión. L. Deiss.

   - Ave Verum. J. P. Lécot.

   - Salve Regina. Gregoriano.

   Concluída a cerimonia, os asistentes, celebrantes e Orfeón desprazámonos ao camarín da Virxe dos Ollos Grandes, obra de Casas Novoa, onde o concelleiro de transición ecolóxica e impulso rural, Miguel Fernández, fixo unha ofrenda floral en nome da Corporación Municipal.

   Finalmente, o Orfeón Lucense interpretou a Cantiga nº 77 de Afonso X O Sabio, titulada Da que Deus mamou, na que se narra o milagre da curación dunha muller tolleita acontecido en Lugo e atribuído á Virxe.

   Na imaxe, un momento da ofrenda floral.



                                    Tomada de Facebook. Catedral. 15/08/2023





   

martes, 18 de xullo de 2023

Misa da Virxe do Carme

    Fomos invitados a cantar un ano máis a Misa da Virxe do Carme. Por obras de restauración na capela do seu nome, a celebración levouse a cabo na Igrexa de San Pedro. 

   A liturxia estivo presidida por D. Alfonso Carrasco Rouco, prelado da diócese, e nela o Orfeón Lucense interpretou o repertorio seguinte:

   - Hija del pueblo. Música: Alberto Taulé. Letra: Ángeles R. Fontela.

   - Kyrie. Misa de Lourdes. J.P.Lécot.

   - Gloria. Misa de Lourdes. J.P.Lécot.

   - Alleluia dit irlandes. J.P.Lécot.

   - Ave Verum. J. P. Lécot.

   - Sanctus. Misa de Lourdes. J.P. Lécot.

   - Ave María. T. L. de Victoria.

   - Himno a la Virgen del Carmen. M. Letamendia. 


Igrexa de S. Pedro



   

domingo, 9 de xullo de 2023

V Noite Coral Lucense

  Comezou este ano o circuito de concertos na noite lucense coa actuación do Orfeón na Igrexa de San Pedro, dirixido oor Marcos Fernández Mosquera, acompañado á viola por Nuria Fernández Álvarez e ao órgano por Luís Varela Castiñeira interpretando o seguinte repertorio:

- O salutaris. P. de la Rue.
- Giesù sommo conforto. Anónimo.
- Vero Amor e Gesù. Anónimo.
- Ecce novum gaudium. Anónimo.
- Qui presso a te. W. A. Mozart (atr.)
- Requiem. G. Puccini.
- Reina del cielo. J. Castiñeira.

  A continuación actuou o Grupo Vocal Sólo Voces na igrexa de San Froilán, seguido de Son de Corda na igrexa de Santiago A Nova e do Gruppo Vocale San Bernardo nos Franciscanos.

 Finalmente todos os coros reunidos no altar do Bo Xesús da Catedral, interpretamos a Missa Brevis nº 7 de J. Haydn, dirixidos por Fernando Gómez Jácome e acompañados polo Concentus Instrumentalis Lucensis, actuando como solista no Benedictus Esperanza Iglesias Méndez.

  Esta iniciativa da Diócese de Lugo e do Lucense Eucharisticum Centrum sempre resulta gratificante para todos os participantes, músicos e ouvintes, tanto pola música, sempre selecta, como polo marco no que é interpretada,  os templos do casco histórico lucense, fermosos en si mesmos. A todo iso hai que engadir a beleza dunha noite de verán, noites que na actualidade son cada vez máis benignas.

  A continuación enlazamos o audio do Requiem de Puccini interpretado no noso concerto.


sábado, 1 de xullo de 2023

Preparando a V Noite Coral

  Faltan moi poucos días para que voces procedentes de lugares ben distantes no mapa poidamos encher de son a noite lucense. 

 O Gruppo Vocale San Bernardo, Sólo Voces, Son de corda e o Orfeón Lucense levamos un tempo preparando cadanseu recital individual e un concerto final conxunto na Catedral, acompañados polo Concentus Instrumentalis Lucensis, co que obsequiaremos a todo aquel que queira desfrutar de boa música coral. Merece a pena!!!

  Eis a imaxe do cartel. Picando nela accédese ao programa.






luns, 19 de xuño de 2023

Misa da Ofrenda do Antigo Reino de Galicia 2023

  Os antecedentes deste emotivo acto son os seguintes:

  En 1618 o cabildo catedralicio pediu ao rei Filipe III axuda para dar maior énfase á adoración ao Santísimo. No 1666 a proposta do coengo maxistral, Juan Velo, pídese á Xunta do Reino de Galicia unha aportación económica con este mesmo fin e no 1668 faise esta mesma petición ás sete cidades do Antigo Reino, A Coruña, Lugo, Ourense, Santiago de Compostela, Betanzos e Tui.

  No 1669 a Xunta do Antigo Reino fixa unha asignación suficiente para o gasto de catro velas que alumasen dia e noite e acorda que se celebre unha misa con procesión "pola exaltación da fe, saúde das Súas Maxestades e bos feitos e prosperidade do Reino".

  A ofrenda tal como a coñecemos hoxe comeza en 1925. Un alcalde, por turno rotatorio, fai de oferente e, normalmente, respóndelle o bispo da súa diócese. Materialmente, na actualidade o tributo consiste nunha aportación monetaria simbólica. Antes do acto en si tén lugar unha recepción das autoridades no concello e o traslado das mesmas a pé desde alí á catedral.

  Este ano, como de costume, iniciouse a cerimonia coa interpretación do Himno do Antigo Reino de Galicia a cargo de Luis Varela Castiñeira ao órgano e Óscar Pérez á gaita, aos acordes do cal entraron as autoridades na seo. A misa foi oficiada polo bispo de Ourense, monseñor Leonardo Lemos Montanet, quen recibiu a ofrenda do alcalde da mesma cidade, Gonzalo Pérez Jácome.

  O Orfeón estivo oresente aportando a parte musical co seguinte repertorio:

  - Aledémonos. J. Castiñeira.
  - Señor ten piedade. Misa galega. J. Castiñeira.
  - Gloria. Misa Galega. J. Castiñeira.
  - Amósame, Señor. Salmo.
  - Aleluia dos irlandeses. J. P. Lécot.
  - Velaquí, Señor, o viño. F. Diéguez.
  - Santo. Misa Galega. J. Castiñeira.
  - Año de Deus. Misa Galega. J. Castiñeira.
  - Eucaristía. Taizé / Fdez León.
  - Anima Christi. M. Frisina.
  - O pan do ceo. X. Portas Ferro / i. García Ramos.
  - Cantemos al Amor. J. I. B de Sagastizábal.% 
  - Pange lingua. Gregoriano.
  - Alabado sea el Santísimo. Tradicional.

  A continuación unha imaxe do acto.






luns, 12 de xuño de 2023

Misa de Corpus Christi 2023

 A Praza de Sta. María un ano máis engalanouse para a celebración do Corpus Christi. Desde ben cedo dispúxose un altar rodeado de flores, distintivos eucarísticos nos balcóns do Pazo Episcopal e moreas de sillas brancas que acollerían os numerosos fieis congregados alí máis tarde.

  A celebración estivo presidida polo prelado da diócese, D. Alfonso Carrasco Rouco, acompañado de distintos membros do cabildo e coa presenza das autoridades locais.

 A climatoloxía benigna favoreceu a brillantez do acto, á que contribuiu a actuación da Banda Filarmónica, dirixida por Iván Martínez Sabio; o Coro do Hospital de Lugo, dirixido por Fernando Gómez Jácome; o Orfeón Lucense, dirixido por Marcos Fernández Mosquera e o acompañamento de órgano por Xavier de Acosta.

  O repertorio interpretado foi o seguinte:

- O pan do ceo. X. Portas Ferro / I. G. Ramos.

- Señor ten piedad. Misa Solemne. J. Castiñeira.

- Gloria. Misa Solemne. J. Castiñeira.

- Glorifica al Señor. Salmo.

- Aleluya de los irlandeses. J. P. Lécot.

- Santo. Misa Solemne. J. Castiñeira.

- Cordero de Dios. Misa Solemne. J. Castiñeira.

- Pescador de hombres. C. Gabarain / B. Corona.

- Pange lingua. Gregoriano.

- Ave Verum. W. A. Mozart.

- Alabado sea el Santísimo. Tradicional.

- Tantum ergo. Gregoriano.

- Cantemos al Amor. J. I. B. de Sagastizábal.

 Desfrutamos ademais da presenza do grupo tradicional Os Xílgaros que actuaron durante a procesión que tivo lugar polas rúas do casco histórico, como é costume.

 Á recollida da procesión, que fora iniciada cun potente repique de campás, entoáronse os últimos cantos e rezos e pouco a pouco a praza foi volvendo ao seu ritmo habitual.

  Na imaxe un momento previo á celebración.

   






xoves, 18 de maio de 2023

Letras Galegas 2023

  Un ano máis os coros de Lugo festexamos o Día das Letras Galegas, nesta ocasión adicado a Francisco Fernández del Riego, animando cos nosos cantos as rúas da cidade. Cada agrupación ocupou un lugar dentro do recinto histórico e á hora convida deu un pequeno concerto de dúas pezas con letra dun autor xa homenaxeado en tal día.

 O Orfeón interpretou dúas pezas de Rosalía de Castro e Manuel Curros Enríquez, respectivamente, ambas harmonizadas para coro por Xosé Alfredo Oliveira:
   
   - Soia.
   - A nena na fonte

 Rematadas estas actuacións, Coral Ecos do Miño Astelu, Orfeón Xoán Montes, Schola Gregoriana Lucensis, Coral Xolda Polifónica, Sólo Voces, Conjunto Vocal Lugh, Cantar Delas, Coral do Hospital de Lugo, Coral Amigos do Camiño e Orfeón Lucense reuníronse nas escaleiras do fondo da Praza Maior para entonar xuntos a Negra Sombra e o Himno Galego e así dar remate a este emotivo acto.

  Na imaxe, o programa desta edición.