sábado, 31 de decembro de 2022

Concerto de Nadal 2022 (I)

   O Concerto de Nadal é unha das citas importantes para os compoñentes do Orfeón tanto polo número de seareiros que acostuman a presencialo, aos que agradecemos, como pola satisfacción persoal que produce nos proprios cantores.

  Agradecemos á Catedral e ao seu Prefecto de Música, Luís Varela Castiñeira, que nos permitiran organizar este acto o día 30 de decembro no seu marco incomparable.

 Baixo a dirección de Marcos Fernández Mosquera, interpretamos o seguinte repertorio:


   - Dadme albricias. Anónimo S. XVII. Cancioneiro de Upsala.

   - Gaudete. Piae Cantiones 1582.

      Solistas: 

            Carlos Rodríguez Otero

            Carlos Sánchez Carrera

            Guadalupe Enríquez Parga

            Silvia Nadela Villarino

      Percusión: 

            Guadalupe Enríquez Parga

   - Niño Dios d'amor herido. F. Guerrero.

      Intérpretes: 

             Sara Pérez Cruz, soprano.

             Beatriz Enríquez Parga, contralto.

             Carlos Rodríguez Otero, tenor.

             Marcos Fernández Mosquera, baixo.

   - Los Reyes siguen la estrella. F. Guerrero.

   - En una choza. M. Praetorius.

   - Adeste fideles. J. Reading?

      Piano:

              Nacho Samena

   - The one horse open sleigh. J. Pierpont.

      Solista:

              Francisco Javier Pérez-Schofield

      Piano:

               Nacho Samena

      Percusión: 

               Guadalupe Enríquez Parga

   - Señor, oye mi voz. A. Cuevas Castillo.

   - Linda noite. Pop. do Algarve.

   - Noite boa. J. Castiñeira.

   - Hacia Belén va una burra. Pop. Córdoba. Harm. F. Civil.

   - Dime, Niño, de quién eres. Popular.

   - Noche de Dios. F. Gruber.


     

                                             Foto tomada de El Progreso 31/12/2022




   

   


mércores, 28 de decembro de 2022

Nadal na rúa

  Por invitación da Deputación Provincial e dentro do programa Tradigalu o Orfeón Lucense participou como outros anos na animación da rúa no Nadal. 

  Actuamos os días 20 de decembro na rúa San Pedro e na Praza Maior e o 27 na rúa da Raíña e na Praza do Campo entoando panxoliñas de diferentes épocas e estilos para acompañar con harmonías e ledicia o devir da vida dos lucenses.

   O repertorio interpretado foi o seguinte:

   - Dadme albricias. Anónimo S. XVII. Cancioneiro de Upsala.

   - Gaudete. Piae Cantiones 1582

   - Los Reyes siguen la estrella. F. Guerrero.

   - En una choza. M. Praetorius.

   - Adeste fideles. J. Reading.

   - Na noite máis fermosa. Adap. V. R. Abeijón.

   - Linda noite. Popular do Algarve.

   - Señor, oye mi voz. A. Cuevas Castillo.

   - Ya viene la vieja. Trad. español.

   - Noite boa. J. Castiñeira.

   - Dime, Niño. Popular.

   - Hacia Belén va una burra. Pop. Córdoba.

   - Noche de paz. F. Gruber.

   Na imaxe un momento da actuación na rúa da Raíña.




martes, 13 de decembro de 2022

Nadal 2022

   Pasada a festividade da Inmaculada, comeza para o Orfeón o tempo de Nadal.
Este ano son numerosas e variadas as actuacións previstas. Entre o 18 e o 30 de decembro levaremos os cantos de Nadal a diferentes lugares, como se especifica no fermoso cartaz elaborado pola nosa compañeira Sara Pérez Cruz. Noraboa por este estupendo traballo, Sara!!!




                
                                                  Cartaz de Nadal
                                             Autora:  Sara Pérez Cruz

sábado, 10 de decembro de 2022

Ata sempre, Marcos

 Hoxe é unha desas datas que non queremos volver a vivir. Soubemos do pasamento do noso compañeiro Marcos Rodríguez González hai poucos días.

  Coñecemos a Marcos este curso. Comezou os ensaios con entusiasmo e asiduidade e  foi acadando un sitio nos nosos corazóns pola súa amabilidade e compañeirismo.

  Agradecemos todos os momentos que compartimos xuntos e sentímonos afortunados por iso. Lembramos con agarimo os sorrisos desfrutados na súa compaña ó longo da última xuntanza, quen sabe se foron os seus derradeiros.

 Marcos, déixasnos sumidos nunha fonda tristura! Este Nadal estarás presente, acompañándonos coa túa expresión doce en cada canto que entoemos; en cada rúa que animemos e especialmente nesa 'estrela' que seguen 'Los Reyes'; porque iso te fixo feliz. 

  Ata sempre, Marcos! Descansa en Paz.



venres, 9 de decembro de 2022

Misa da Inmaculada

 O xoves, día 8 de decembro, honramos a festividade da Inmaculada Concepción cantando a súa misa na Catedral.

  Presidida polo prelado da diócese, monseñor Carrasco Rouco, coa dirección coral de Marcos Fernández Mosquera e ao órgano Xavier de Acosta, o Orfeón interpretou o seguinte repertorio:

- ¡Qué hermosa sois!

- Kyrie. Misa de Lourdes. J. P. Lécot.

- Gloria. Misa de Lourdes. J. P. Lécot.

- Cantad al Señor un cántico nuevo. (Salmo).

- Aleluya. A. Lesbordes.

- Sanctus. Misa de Lourdes. J.P. Lécot.

- Agnus Dei. Misa de Lourdes. J. P. Lécot.

- Hija del pueblo. A. Taulé.

- Senza te, Sacra Regina. A. de Antiquis Venetus.



Inmaculada Concepción

B. E. Murillo



xoves, 24 de novembro de 2022

Concerto de Santa Icía

  Por primeira vez catro coros de Lugo, coa colaboración dos organistas Giulio Mercati e Nicolás Varela e a soprano Lidia Basterretxea, ofrecemos un concerto na Catedral con motivo da festividade de Santa Cecilia.

   Concentus Lucensis, Coro do Hospital, Sólo Voces e Orfeón Lucense dirixidos por Giulio Mercati, Fernando Gómez Jácome e Marcos Fernández Mosquera interpretaron un repertorio coral dos séculos XV ao XVIII na capela do Bo Xesús segundo se pode apreciar no programa do acto que enlazamos a continuación.





   


Misa de Santa Icía

   Como vén sendo habitual o 22 de novembro todos os coros de Lugo honran a padroa da Música e dos músicos cunha misa na Catedral.

    Presidiu a celebración o coengo Prefecto de Música da seo, Luís Varela Castiñeira e tivemos a honra de contar coa colaboración da soprano Lidia Basterretxea e o organista Giulio Mercati que actuaron en distintos momentos.

    Nesta ocasión concurrimos na celebración:

    - Cantar Delas

    - Conxunto Vocal Lugh

    - Coral Amigos do Camiño

    - Coral Ecos do Miño

    - Coro do Hospital de Lugo

    - Grupo Vocal Sólo Voces

    - Orfeón Lucense

    - Orfeón Xoán Montes

    - Schola Gregoriana Lucensis


    Cada agrupación interviu entonando un canto durante unha parte da liturxia. Ao Orfeón correspondeulle abrir a solemnidade co Canticorum Iubilo de G. F. Haendel.

   Finalizou a solemnidade coa actuación de Giulio Mercati ao órgano interpretando unha composición de J. S. Bach.






luns, 31 de outubro de 2022

Misa na honra de D. José Castiñeira

  O día 31 de outubro fará 33 anos do pasamento de D. José Castiñeira Pardo, coengo, mestre de capela da catedral, compositor, profesor de Música, gran dinamizador da vida cultural de Lugo e refundador do Orfeón Lucense hai 40 anos.
   
   Comezou a xornada de celebración cunha misa na seo oficiada por D. Luís Varela Castiñeira, prefecto de Música e sobriño do homenaxeado, e concelebrada por D. Xesús Mato, exdirector do Orfeón.

   A nosa coral, dirixida por Marcos Fernández Mosquera e acompañada ó órgano por Xavier de Acosta, interpretou un repertorio do mestre case na súa totalidade:
   
    - Aledémonos. J. Castiñeira.
    - Señor ten piedade. Misa Galega. J. Castiñeira.
    - Gloria. Misa Galega. J. Castiñeira.
    - Interleccional. J. Castiñeira.
    - Santo. Misa Pascual. J. Castiñeira.
    - Cordero de Dios. Misa Pascual. J. Castiñeira.
    - O salutaris Hostia. L. Perosi.
    - Reina del cielo. J. Castiñeira.

   Antes da beizón o noso presidente, Xulio Xiz, pronunciou unhas sentidas palabras glosando a figura do ilustre compositor que reproducimos máis abaixo.

   Finalizada a liturxia, trasladámonos á sepultura de D. José onde os membros máis antigos do Orfeón, contemporáneos del, fixeron unha ofrenda floral e a nosa compañeira Nuria Fernández Álvarez interpretou á viola a composición arreglada por L. Manson Más cerca, Oh, Dios, ante uns asistentes respectuosos e uns familiares emocionados.

  O Orfeón cantou para rematar os actos na catedral a peza que leva por título Noite boa, do insigne profesor.

  Coa colocación dun ramo de flores ó pé do busto que o Orfeón adicou a D. José Castiñeira na Praza Horta do Seminario e cun xantar de confraternidade demos término a esta xornada festiva de conmemoración do 33 cabodano do seu pasamento e 40 da refundación da nosa agrupación coral.


                                    Ofrenda do Orfeón ante o busto de D. José Castiñeira


  Texto de Xulio Xiz

Presencia de Don José Castiñeira. Catedral de Lugo, 30.10.2022
Mañá, luns, fará 33 anos do pasamento de Don José Castiñeira Pardo, prefecto de música da Catedral de Lugo, compositor, director de agrupacións corais, profesor de música, destacado avivecedor cultural da capital lucense e unha magnífica persoa. Era un mozo de 61 anos que se nos foi moi cedo, pero deixounos na memoria e no corazón o amor pola música, que el tiña desbordante… e deixounos a nós como parte viva da agrupación que el creou fusionando varios coros que dirixía, dándonos o nome do coro que fundara Xoan Montes a finais do século XIX. Nominalmente, connosco, volvía á vida o histórico ORFEÓN LUCENSE.
Nunha celebración coma esta, lembrando ao noso fundador, temos que ter tamén na memoria ao seu irmán Don Manuel, que dedicou a súa vida como sacerdote, como persoa, ao culto neste templo catedralicio, e que foi para nós sempre un mentor, un exemplo, un amigo. E naturalmente ao resto da súa familia máis directa que sempre nos acompaña: súa irmá, seu cuñado, seu sobriño Luis - que oficia esta celebración, xunto co noso Director emérito Xesús Mato – que son para nós familia propia, non só por selo do noso fundador, senón tamén por ter sempre neles compañía, comprensión, ánimo, amizade…
A razón de iniciar este ano o que pretendemos sexa anual recordo, ben pode ser porque se cumpren 33 anos da morte física de Don José, esa cifra simbólica, que sempre tomamos como referencia ao referirnos aos anos de vida de Xesús de Nazaret,  e porque tamén este ano se cumpren os 40 de que Don José crease este Orfeón con todos os coros que dirixía.
Don José foi un exemplo de dedicación á Igrexa e á música, que el coido entendía como consustanciais, tendo a Igrexa, a fe, as persoas, a Deus como fin primeiro e último, e tendo a música como vieiro, como expresión, como universal idioma de paz para enterderse entre as persoas, e en base a ese entendemento como linguaxe única para trascender, para elevar os nosos actos e as nosas palabras e facelas chegar a quen mellor pode comprendernos; para mellor conectar coa Luz… Como dixo Don Ramón Cabanillas: “Irmáns! En pé, sereos, / a limpa frente erguida, / envoltos na brancura / da luz que cai de riba”. Don José irradiaba luz.
Castiñeira ensinounos o xeito de falar coa Luz.E por iso lembrámolo, agradecidos, 33 anos despois, con palabras, cancións, música e fe. E ímolo facer, tamén despois da misa, no claustro, con flores, e de novo música, e invitámosvos a que nos acompañedes para lembrar – coñecéradelo ou non – aquel home xeneroso, bo, sorriso franco, man firme apretando mans, que era todo corazón, todo bondade, todo amor e ¡todo música!.
   

venres, 14 de outubro de 2022

Misa en latín

   A asociación de antigos alumnos da Escola de Artes Aplicadas Ramón Falcón de Lugo contou unha vez máis co Orfeón para cantar a Misa en latín que organiza todos os anos coincidindo co mercado medieval do 12 de outubro.

   A celebración estivo oficiada por D. Manuel Castro Gay na capela de San Froilán da catedral coa asistencia de numerosos fieis.

  A nosa agrupación cantou na parte posterior da capela dirixida por Marcos Fernández Mosquera e o repertorio foi o seguinte:

   - Canticorum Iubilo. G. F. Haendel.

   - Kyrie. Misa de Angelis. Gregoriano.

   - Alleluia. Gregoriano.

   - O salutaris. L. Perosi.

   - Sanctus. Misa de Angelis. Gregoriano.

   - Agnus Dei. J. P. Lécot.

   - Ave María. T. L. de Victoria.

   - Benedicat vobis. G. F. Haendel.





xoves, 6 de outubro de 2022

Misa de San Froilán

    Comezamos o curso cantando a misa ao patrón da cidade de Lugo, San Froilán.

   Na Catedral de Sta. María e coa asistencia das autoridades, celebrouse a liturxia presidida polo prelado da diócese, monseñor Carrasco Rouco.

    O Orfeón, dirixido por Marcos Fernández Mosquera e acompañado ao órgano por D. Luis Varela Castiñeira, interpretou nesta ocasión o repertorio seguinte:

   - Procesional de entrada. J. Molejón.

   - Señor ten piedade. Misa Galega. X. Castiñeira.

   - Gloria. Misa Galega. X. Castiñeira.

   - Salmo: Amósame, Señor os teus camiños. A. Fdez. León

   - Aleluya. X. R. Estévez.

   - Ven, Señor ás nosas almas. L. Olano.

   - Himno a San Froilán. J. Molejón.



Capela de San Froilán (Catedral de Lugo)



domingo, 21 de agosto de 2022

O Orfeón busca novas voces

 O Orfeón Lucense prepárase para comezar un novo curso. Os obxectivos que nos propoñemos acadar este ano requiren recursos humanos en número e diversidade suficientes. Precisamos cantores masculinos principalmente, aínda que as voces  femininas serán benvidas.

 Se che gusta a boa música coral traballada con rigor á vez que de forma amena, ven presenciar un ensaio calquera martes despois do día 6 de setembro ás 19:30 no local parroquial de San Froilán e, se che gusta, fai unha sinxela proba de canto para poder pertencer ao noso colectivo.

 Anímate¡!!Seguro que será unha experiencia positiva e gratificante.

 A continuación enlazamos o anuncio publicado en El Progreso para tal fin.




martes, 16 de agosto de 2022

Misa de Nosa Señora

  Presidida polo prelado da diócese, monseñor Carrasco Rouco, e coa asistencia de distintas autoridades e numerosos fieis celebrouse a misa solemne de Nosa Señora dos Ollos Grandes, padroa da cidade de Lugo.

  O Orfeón Lucense dirixido por Marcos Fernández Mosquera, fiel á súa cita, puxo música á solemnidade acompañado por Xavier de Acosta ao órgano.

  O repertorio interpretado foi o seguinte:

   - Himno a la Virgen de los Ojos Grandes. J. Ortiz Peña.

   - Kyrie en Re Majeur. J. P. Lécot.

   - Gloria de Lourdes. J. P. Lécot.

   - Aleluya.I. García Ramos.

   - Ave María. T. L. de Victoria.

   - Sanctus de Lourdes. J. P. Lécot.

   - Agnus Dei. Messe Peuples de la terre. J. P. Lécot.

   - Hija del pueblo. A. Taulé.

   - O salutaris hostia. P. de la Rue.

   - Salve Regina. Gregoriano.

   

   Rematada a cerimonia, celebrantes, asistentes e Orfeón trasladámonos ao camarín da Virxe dos Ollos Grandes onde unha concelleira presentou unha ofrenda floral á padroa mentras o coro interpretou a cantiga nº 72 de Afonso X O Sabio, Da que Deus mamou, na que se narra o milagre da curación dunha muller tolleita atribuído á Virxe e acontecido en Lugo.

   Na imaxe, un momento da actuación do Orfeón Lucense.




domingo, 17 de xullo de 2022

Misa da Nosa Señora do Carme

  Onte, 16 de xullo, celebrouse na capela do Carme a misa na honra da súa padroa e o Orfeón foi invitado a amenizar musicalmente este solemne acto.

   O repertorio interpretado foi o seguinte:

   - A Vós, Reina venimos. Fr. José J. de la Natividad, C.D.

   - Kyrie en Re Majeur. J. P. Lécot.

   - Gloria de Lourdes. J. P. Lécot.

   - Alleluia (Cántico dell'Agnello). M. Frisina.

   - Deus do Universo. L. Olano.

   - Santo. Misa Alrededor de tu Mesa. F. Palazón.

   - Cordero de Dios. Misa Alrededor de tu Mesa. F. Palazón.

   - O Pan do Ceo. X. Portas Ferro.

   Despois da celebración iniciouse unha procesión até a catedral seguida por numeroso público e alí o Orfeón despediu a celebración cantando o Himno a la Virgen del Carmen.

   Na imaxe dous momentos previos ó inicio da solemnidade.

     



domingo, 10 de xullo de 2022

IV. Noite Coral. As voces da Cidade

 Recuperamos o formato da Noite Coral, sen restricións, tal como foi concebido antes da pandemia e nunha noite espléndida, mesmo impropia destas latitudes, iniciamos a serie de concertos que compoñen este circuito artístico e espiritual polos templos da cidade e o Círculo das Artes.

  Orfeón Lucense, Sólo Voces, Coro do Hospital e Gruppo vocale San Bernardo interpretaron concertos sucesivos en San Pedro, San Froilán, A Nova e Círculo das Artes, respectivamente, dando tempo aos seus seareiros a trasladarse dun lugar ao outro.

   O repertorio interpretado polo Orfeón foi o seguinte:

   - O salutaris ostia. Pierre de la Rue.

   - Cristo al morir tendea. Fra Marc'Antonio da San Germano.

   - Gabriel, el Ángel. Trad. vasca. Harm. E. Pettman. Trad. Carlos Rodríguez.

   - Adoramus te, Christe. Theodore Dubois.

   - Virgo Gloriosa. Johan August Söderman.

   - Cantico dell'Agnello. Marco Frisina.


   Tras os concertos de cada agrupación, ás corais anteriores uníronse o Quartetto di Brescia aos trombóns e Nicolás Varela ao órgano, e todos dirixidos por Giulio Mercati interpretamos tres pezas de polifonía renacentista a 12 voces no altar do Bo Xesús da Catedral:


   - Sapientiam omnium. Jacob Handl.

   - Super flumina Babylonis. Luca Marenzio.

   - Tota pulchra es, amica mea. Hieronymus Praetorius.


  Foi unha experiencia intensa e emocionante que compensou todo o traballo e esforzo que supón a preparación dun evento destas características con persoas que, nalgúns casos, vivimos a miles de kilómetros de distancia.

   Durante unhas horas a cidade encheuse de harmonías diversas e marabillosas que os afeccionados á música sacra coral e os intervintes no acto puidemos desfrutar, ao tempo que un percorrido polo casco histórico nun solpor fermosísimo de verán completou unha xornada de música e convivencia cuxos ecos perdurarán nos nosos ouvidos por moito tempo.

   Na imaxe dous momentos da Noite Coral: Concerto do Orfeón e concerto final.







luns, 4 de xullo de 2022

Preparando a IV NOITE CORAL

 Despois dun tempo de ensaios en cada coro intervinte neste evento por separado, chegamos á fase de probar como artellamos as diferentes pezas deste complicado puzle que é un concerto a doce voces mixtas.

 Esperámosvos o sábado, día 9. Será un magnífico paseo sonoro polas igrexas do casco histórico, o Círculo das Artes e a Catedral. O programa completo pode verse neste enlace e promete un desfrute intenso para calquera amante da boa música coral. 

 Nas imaxes, momentos previos ao inicio do ensaio conxunto do Coro do Hospital, Sólo Voces e Orfeón Lucense na parroquia do Bo Pastor.





   

domingo, 26 de xuño de 2022

Ofrenda do Antigo Reino de Galicia ao Santísimo. 2022

  Celebramos este ano o 350 aniversario da Ofrenda do Antigo Reino de Galicia ao Santísimo Sacramento. Dita ofrenda tén orixe na axuda que a Catedral de Lugo solicitou en 1618 ao rei Felipe III para realzar a adoración ao Santísimo exposto en dita sé.

 O formato actual deste acto arranca en 1925, ano no que se decidiu que un representante de cada unha das sete cidades do Antigo Reino de Galicia fose quen presentase a ofrenda cada ano.

 Nesta ocasión a oferente foi a cidade irmá de Santiago de Compostela representada polo seu alcalde José Sánchez Bugallo a quen respostou o arcebispo de dita cidade Julián Barrio Barrio, que ademais presidiu a liturxia.

  Estiveron presentes o cabildo catedralicio, os bispos de Galicia e Astorga, diferentes autoridades civís e militares e numerosos fieis.

  O Orfeón Lucense, dirixido por Marcos Fernández Mosquera e Silvia Nadela Villarino en Ubi caritas, acompañou cos seus cantos a cerimonia interpretando o seguinte repertorio:

    - Con ledicia vimos. A. Fdez León.

    - Señor ten piedade. Misa Galega. X. Castiñeira.

    - Gloria. Misa Galega. X. Castiñeira.

    - Salmo: O Señor é o meu pastor.

    - Alleluia dit Irlandais. F. O' Caroll e L. Deiss.

    - Ubi Caritas. O. Gjeilo.

    - Santo. Misa Galega. X. Castiñeira.

    - Año de Deus. Misa Galega. X. Castiñeira.

    - Eucaristía. Taizé - Fdez. León.

    - Ave verum. W. A. Mozart.

  Eis o vídeo da celebración, por xentileza da canle de Youtube da Diócese de Lugo:  

 


sábado, 25 de xuño de 2022

Vésperas da Ofrenda ao Santísimo. 2022

  O Orfeón acompañou, como xa vén sendo costume, as solemnes Vésperas que se celebran o día anterior á Ofrenda do Antigo Reino de Galicia ao Santísimo.

 Dirixido por Marcos Fernández Mosquera, interpretamos o repertorio seguinte:

   - Vésperas solemnes.

   - Ave verum. W. A. Mozart.

   - Kyrie en Re M. J. P. Lécot.

   - Gloria de Lourdes. J. P. Lécot.

   - Aleluia. I. García Ramos.

   - Santo. Misa Alrededor de tu Mesa. F. Palazón.

   - Cordero de Dios. Misa Alrededor de tu Mesa. F. Palazón.

   - O pan do ceo. X. Portas Ferro e I. García Ramos.

   - Eu creo en Ti, Señor. L. Mason.

   - Cantemos al Amor. I. B. de Sagastizábal.






domingo, 19 de xuño de 2022

Corpus Christi 2022

  Con ameaza de treboada na Praza de Santa María, a Banda Filarmónica, o Coro do Hospital e o Orfeón Lucense, colocámonos na entrada norte da Catedral ao abrigo do pórtico para protexernos das probables chuvieiras que puideran caer. Presididos  polo espléndido pantocrator, agardamos o inicio da liturxia do día.

 A cerimonia do Corpus Christi estivo rexida por Monseñor Carrasco Rouco, contou coa asistencia das autoridades e de numerosos fieis.

 A agrupación de música tradicional Os Xílgaros e unha agrupación de vento tamén formaron parte activa no acompañamento musical do acto.

 A Banda Filarmónica e as dúas corais estiveron dirixidas por Iván Martínez Sabio coa intervención de Marcos Fernández Mosquera nalgunhas pezas e o acompañamento de D. Luís Varela Castiñeira ao órgano.  Os intervintes na parte musical tivemos a honra de estrear unha Misa Solemne escrita por D. Xosé Castiñeira e harmonizada para banda por Uxío Domínguez Darriba, sobriño neto do compositor.

 Ademais das pezas instrumentais as agrupacións ofreceron o seguinte repertorio vocal:

   - Hoy proclamamos firmemente. L. Burgeoise.
   - Señor ten piedad. Misa Solemne. X. Castiñeira.
   - Gloria. Misa Solemne. X. Castiñeira.
   - Salmo: Tú eres sacerdote eterno.
   - Alléluia dit Irlandais. F. O'Caroll e L. Deiss
   - Santo. Misa Solemne. X. Castiñeira.
   - Cordero de Dios. Misa Solemne. X. Castiñeira.
   - Pescador de hombres. C. Gabaráin. Harm.: B. Corona.
   - Jesus bleivet meine feude. J. S. Bach.

   Nas imaxes, dous momentos da celebración:






martes, 14 de xuño de 2022

Concerto dentro do Festival de Órgano

  Por primeira vez o Orfeón Lucense foi convidado por Giulio Mercati a participar no Festival Internacional de Órgano do Corpus Christi. Tivemos a honra de ser acompañados por Misty Schaffert, organista de talla internacional que soubo realzar coa súa sutileza e bo facer as nosas interpretacións.

 O numeroso público congregado na catedral puido desfrutar dun magnífico e variado repertorio para órgano desde o século XVII ata a actualidade e dunha selección de pezas para coro e órgano e coro a capella desde o século XV ata os nosos días.

 Desde o primeiro momento a empatía entre a organista e o coro deu como resultado unha experiencia única, emocionante e enriquecedora que ninguén de nós esquecerá.

  O Orfeón Lucense estivo dirixido por Marcos Fernández Mosquera, a excepción da última composición na que o fixo Silvia Nadela Villarino, actuando como solista na segunda peza Sara Pérez Cruz. O programa completo pode verse neste enlace.

  Eis unha imaxe do concerto. Premendo nela pode escoitarse o audio dunha das pezas interpretadas polo Orfeón: Geistliches lied (Johanes Brahms).




                                 Fonte: Catedral





   


martes, 7 de xuño de 2022

Concertos no Camiño

   Con motivo do Ano Santo Compostelán a Diócese de Lugo organiza cinco ciclos de música sacra co fin de salientar a beleza arquitectónica, notable en si mesma, dos templos máis senlleiros da peregrinación na diócese, engadíndolle a espiritualidade e o potencial artístico da música.

  Neste programa detállanse todos os concertos que compoñen os cinco ciclos organizados:

    - Festival Internacional de Música de órgano do Corpus Christi.

    - Música no Camiño Primitivo.

    - Viae lucensis.

    - Noite coral lucense.

    - Ó son de Santa María.

   Ditos ciclos forman parte da iniciativa internacional A Música do Peregrino, unha rede de dez festivais que, ademais dos cinco xa citados, celébranse en Suiza e Italia, baixo a mesma dirección artística de Giulio Mercati e coa idea común do Camiño.

  Esta é unha magnífica forma de potenciar o Camiño, a Música Sacra, a Arquitectura e a espiritualidade ligadas a el. Iniciativa que hai que agradecer á Diócese de Lugo personificada no seu prelado, monseñor Carrasco Rouco, quen sempre mostrou unha grande sensibilidade respecto da Música e agradecemento a quen a interpreta. No caso do Orfeón Lucense faise isto patente expresando o seu afecto e admiración en cada unha das nosas actuacións, tanto en concertos como acompañando os oficios relixiosas.

    Asimesmo, vaia a nosa gratitude para o coengo Prefecto de Música da Catedral, D. Luís Varela Castiñeira, polo seu labor como promotor da música coral na nosa cidade así como para Giulio Mercati, director artístico destes ciclos de concertos e responsable dos eventos musicais da Diócese de Lugo por reunir aquí a figuras senlleiras internacionais que doutra maneira non teríamos ocasión de escoitar en directo.



                                                    Giulio Mercati

                                          Foto tomada de La Voz de Galicia


mércores, 18 de maio de 2022

Letras Galegas 2022

  Despois do parón cultural provocado pola pandemia, reanudamos, por fin, un dos actos senlleiros da nosa literatura. No eido da música, cunha xuntanza de todos os coros de Lugo na Praza Maior para honrar as Letras Galegas cantando fermosas pezas na nosa lingua.

 Cada unha das agrupacións corais interpretou dúas pezas no temprete e para finalizar todos xuntos cantamos outras dúas composicións nas escaleiras do fondo da Praza, tal como figura no programa do acto.

 Foi unha estupenda tarde de confraternización na que cantores e asistentes desfrutamos ata o final da música coral en galego. 

 Eventos así deben repetirse con este motivo e con outros porque fomentan a boa relación que xa existe entre as distintas agrupacións á vez que contribúen a que sintamos e respiremos conxuntamente  a Música todos os que somos amantes dela.

 As dúas pezas interpretadas polo Orfeón Lucense foron dirixidas por Marcos Manuel Fernández Mosquera e Silvia Nadela Villarino, respectivamente:

     - Canto de berce para unha princesa negra. A. R. Sabanés.

     - Ao pasar por Camariñas. Trad. galega. Arr.: Julio Domínguez.


  Na imaxe un momento da actuación conxunta de todos os coros no fondo da Praza Maior:



xoves, 21 de abril de 2022

Música para salvar vidas

   Por invitación do Mestre de Capela da Catedral, D. Luis Varela Castiñeira, o Orfeón foi invitado a cantar no concerto de góspel africano que o grupo Aba Taano ofreceu na sé a beneficio dos nenos e xoves máis desfavorecidos de Uganda.

  Esta actividade é unha iniciativa da ONG Música para salvar vidas, fundada por varios cidadáns españois para dar formación a infantes e adolescentes ugandeses protexéndoos ata que son capaces de valerse por si mesmos.

 Foi unha experiencia marabillosa e diferente na que poidemos desfrutar de polifonías africanas, tan cheas de enerxía, espontaneidade e sonoridade, e dalgunhas melodías de espectáculos musicais e cinematográficos interpretados polo grupo visitante.

  O Orfeón Lucense actuou en primeiro lugar co seguinte repertorio:
   
  - Más cerca, oh Dios! de Ti. L. Mason.

  - Gabriel's oboe. E. Morricone.

  - Canto de berce para unha princesa negra. A. R. Sabanés.

  - Swing low. W. Willis. Arr. Josli.

  - O rama. Popular do Baixo Alentejo.
 



                                                                           Aba Taano            

                                     


                                                                  Ensaio do Orfeón Lucense


domingo, 17 de abril de 2022

Domingo de Pascua 2022

   Poñemos fin á Semana Santa coa celebración da Pascua. Coa alegría propia desta data o Orfeón acompañou cos seus cantos a misa presidida polo prelado D. Alfonso Carrasco Rouco, baixo a dirección de Marcos Fernández Mosquera e actuando como organista o coengo Prefecto de Música da Catedral, D. Luis Varela Castiñeira.

   O repertorio foi o seguinte:

  - Cantemos al Amor de los Amores. I. B. De Sagastizábal.
  - Gloria de Lourdes. J. P. Lécot.
  - Aleluya. I. G. Ramos.
  - Santo. Misa Pascual. J. Castiñeira.
  - Cordero de Dios. Misa Pascual. J. Castiñeira.
  - Jesu, Rex admirabilis. G. P. da Palestrina.
  - Reina del Cielo. J. Castiñeira.






Sábado Santo 2022

  Despois da posta do sol, como está ordeado, comezou a celebración da Vixilia Pascual coa beizón do lume no adro da Catedral e tamén a da auga.

  Ademais de acompañar os cantos propios da liturxia do día, o Orfeón interpretou o seguinte repertorio:

   - Gloria. Misa Alrededor de tu Mesa. F. Palazón.

   - Aleluya de los irlandeses. J. P. Lécot.

   - Santo. Misa Alrededor de tu Mesa. F. Palazón.

   - Cordero de Dios. Misa Alrededor de tu Mesa. F. Palazón.

   - O pan do ceo. X. Portas Ferro.

   - O salutaris. P. de la Rue.


   Na imaxe un momento previo á beizón do lume no adro da Catedral.






   

         

   

   

   

   

venres, 15 de abril de 2022

Venres Santo 2022

   Este Venres Santo tivo a particularidade para a nosa agrupación de ter que cantar con poucos compoñentes por estaren varios cantores contaxiados de covid.

  Abordamos o noso cometido coa maior adicación, como sempre, e coa dirección habitual interpretamos o seguinte repertorio sen acompañamento de órgano, dada a solemnidade do día.

   - Padre, a tus manos. Salmo.

   - Pasión según S. Juan. J. Castiñeira.

   - Victoria, tú reinarás. A. Losay.

   - Crux fidelis. Gregoriano.

   - Comiendo del mismo pan. J. Madurga.

   - Adoramus te, Christe. T. Dubois.







xoves, 14 de abril de 2022

Xoves Santo 2022

   Comezan os días centrais da Semana Santa coa celebración do Xoves Santo. Unha liturxia presidida polo prelado da diócese, Monseñor Carrasco Rouco, e concelebrada con varios membros da curia, entre eles o Mestre de Capela da Catedral, D. Luís Varela Castiñeira.

   O Orfeón Lucense dirixido por Marcos Fernández Mosquera e acompañado por Xavier de Acosta ao órgano interpretou o seguinte repertorio:

   - Cristo ayer, Cristo hoy. J. P. Lécot.

   - Kyrie en Re M. J. P. Lécot.

   - Gloria de Lourdes. J. P. Lécot.

   - El cáliz que bendecimos. Salmo.

   - Interleccional. J. Castiñeira.

   - Jesús, el Señor. J. Castiñeira.

   - Un mandamiento nuevo. A. Alcalde.

   - Ubi caritas et amor. Gregoriano.

   - Sanctus. M. Manzano.

   - Cordero de Dios. A. Taulé.

   - Eucaristía. A. Fdez. León/Taizé.

   - Ave Verum. W. A. Mozart.

   - Pange lingua. Gregoriano.

   - Alabado sea el Santísimo. Popular.


Na imaxe o momento da saída da procesión.