Misa na visita do cabildo da Catedral de León

    O sábado, día 22 de novembro, o Orfeón puxo o acompañamento musical a unha misa que se celebrou na catedral lucense con motivo da xornada de confraternización das catedrais de León e Lugo, personalizada nos seus cabildos, pois ambas catedrais están unidas pola vía Kunig e polo patrón de ambas, San Froilán.

    O deán da sé lucense, D. Mario Vázquez Carballo, foi o oficiante, auxiliado por outros membros do cabildo lucense e leonés, coa asistencia de numerosas persoas.

    O Orfeón, dirixido pola súa titular Sara Nebra, e acompañado ao órgano por Nemesio Gutiérrez interpretou o seguinte repertorio:

• Bendiga mi alma al Señor. Felix Mendelssohn. Adap. Abraham Sánchez Pujante.
• Kyrie en Ré Majeur. Jean Paul Lécot.
• Gloria de Lourdes. Jean Paul Lécot.
• Aleluia. Isauro García Ramos.
• Ave Verum. Jean Paul Lécot.
• Sanctus de Lourdes. Jean Paul Lécot.
• Agnus Dei de la Messe Peuples de la Terre. Jean Paul Lécot.
• Anima Christi. Marco Frisina.

    A interpretación ao órgano da Marcha do Antigo Reino de Galicia a cargo de Nemesio Gutiérrez finalizou este acto de confraternización.

    Nas imaxes, momentos previos ao inicio da celebración.