mércores, 3 de xullo de 2019

Preparando a II Noite Coral

Despois do éxito acadado na edición anterior, o vindeiro sábado, 6 de xullo, terá lugar a II Noite Coral
Trátase dun circuito de concertos de diferentes coros da nosa cidade que entonarán música sacra en varios templos de forma sucesiva para facilitar a asistencia a todos eles.
Para rematar, todos os participantes ofrecerán un concerto conxunto no claustro da catedral interpretando polifonía renacentista a 12 voces, dirixidos por Giulio Mercati.
Recomendamos a todos non perder esta fermosa iniciativa.

Adxuntamos o cartel.
   


    

Ningún comentario:

Publicar un comentario