...E punto

     ...E tras un curso intenso no que non faltaron boas emocións e novidades, chega a hora de facer unha pausa.

    Voltamos en setembro con máis actividade.

    Ata pronto!!!

Misa de Nosa Señora 2025

     Este venres o Orfeón Lucense asistiu á celebración da festividade da patroa de Lugo, a Virxe dos Ollos Grandes.

    A cerimonia solemne celebrouse na Catedral de Santa María e estivo presidida polo bispo da diócese, D. Alfonso Carrasco Rouco, acompañado de distintos cargos do estamento eclesiástico. Entre os asistentes estiveron diferentes autoridades, a corporación municipal e numeroso público que enchía en boa parte a sé.

    O Orfeón estivo dirixido pola súa titular, Sara Pérez Cruz, acompañado ao órgano por Nemesio Gutiérrez e o seu fillo Andrés Gutiérrez e interpretou o seguinte repertorio:

• Himno a la Virgen de los Ojos Grandes. Ángel Garrote /Julián Ortiz.
• Kyrie en Ré Majeur. Jean  Paul Lécot / Paul Décha.
• Gloria de Lourdes. Jean Paul Lécot.
• Alléluia dit Irlandais. Fintan O´Caroll / Lucien Deiss.
• Deus do Universo. Luís Olano.
• Sanctus de Lourdes. Jean Paul Lécot.
• Agnus Dei de la Messe "Peuples de la Terre". Gioachino Rossini / Jean Paul Lécot.
• Hija del pueblo. Alberto Taulé.
• Ave verum. Jean Paul Lécot.

    Finalizada a misa, celebrantes, coro e público trasladáronse ao camarín da Virxe dos Ollos Grandes onde a representante do Concello fixo unha ofrenda floral á patroa e tras os rezos e a beizón do prelado, a nosa agrupación entoou a Cantiga nº 77 de Afonso X O Sabio titulada Da que Deus mamou, que narra o milagre da curación dunha muller tolleita sucedido en Lugo e atribuído á nosa patroa.

    Na imaxe superior a miniatura e tradución da Cantiga nº 77 e na inferior a nosa agrupación nun momento posterior á celebración.

    

    

Noraboa!!

    O sábado, día 2 de agosto, o  Orfeón Lucense tivo a honra de acompañar á nosa directora, Sara Nebra, nun día moi especial para ela porque casaba. 

    Para os coristas foi unha xornada emocionante, porque aparecemos por sorpresa para cantarlle aos noivos e convidados á saída da cerimonia este pequeno repertorio, dirixido por Lupe Enríquez:

• Gabriel´s oboe. E. Morricone.

        - Oboe: Miguel Alonso Prada.

• Xoias d´auga. Sara Nebra / Arr.: Daniel Díaz. 

        - Pandeireta: Silvia Nadela.

        - Pao de choiva: Carmen Arias.

• Giovani liete. Acto I, nº 8 de As vodas de Fígaro.

        - Violín: Manuel Fernández Gayol.

    Ao finalizar o recital desexámoslle a maior FELICIDADE á parella e coa invitación a un aperitivo pola súa parte, despedimos este día sinalado pola emoción, tanto para eles como para o noso coro. 

Misa da Virxe do Carme 2025

      Como en anos anteriores, fomos convidados a cantar na festividade da Virxe do Carme. Dado que aínda non remataron as obras na súa capela, a celebración tivo lugar na Igrexa de San Pedro, que tamén nesta ocasión rexistrou unha gran asistencia.

    A misa estivo pesidida polo prelado da diócese, D. Alfonso Carrasco Rouco, acompañado por algúns coengos, presbíteros, acólitos e lectores. Entre os asistentes, en lugar preferente, as autoridades civís e eclesiásticas, directivos da Confraría do Carme e, como vén sendo habitual, un bo número de confrades femininas ataviadas coa mantilla branca.

    Esta actuación do Orfeón tivo carácter especial por ser a primeira da nova etapa baixo a dirección de Sara Pérez Cruz, Sara Nebra; polo que, tanto ela como todos os coristas, vivimos o momento coa emoción dunha estrea.

    O repertorio elixido para este día foi o seguinte:

• Himno a la Virgen del Carmen. Letamendía.
• Kyrie en Ré M. J. P. Lécot /P. Décha.
• Gloria de Lourdes. J. P. Lécot.
• Alléluia dit Irlandais. F. O´Caroll / L. Deiss.
• Deus do Universo. L. Olano.
• Sanctus de Lourdes. J. P. Lécot.
• Agnus Dei de la Messe "Peuples de la Terre". G. Rossini / J. P. Lécot.
• Ave María. T. L. de Victoria.
• Ave verum. J. P. Lécot.

    Rematada a misa, a imaxe da Virxe do Carme saiu en procesión polas rúas e prazas do centro histórico acompañada pola asociación cultural Airiños de Orbazai e seguida das autoridades, numerosos confrades e fieis.

    Na imaxe un momento da actuación do Orfeón dirixido por Sara Nebra.

VII Noite Coral Lucense

    Este sábado, 5 de xullo, tivo lugar un dos eventos esperados polas agrupacións corais que nel veñen participando desde hai anos nestas datas. É a Noite Coral Lucense que xa acada este ano a súa sétima edición.

    Trátase dun itinerario musical que percorre os principais templos do centro histórico levando a música sacra á súa expresión máis elevada nun marco artístico relevante como é o das igrexas da nosa cidade, para acabar cunha interpretación final conxunta de todos os participantes na Catedral de Sta. María.

    Comezou esta vez na Igrexa de S. Pedro coa actuación do Orfeón Lucense dirixido por Marcos Fernández Mosquera, cantando o seguinte repertorio:

• Jesu, Rex admirabilis. G. P. da Palestrina. Jesu dulcis memoria. Gregoriano.

• Miserere. G. Donizetti. 
• Versetto 16. Domine labia mea
• Versetto 18. Sacrificium Deo
• Versetto 20. Tunc acceptabis

• Nunc dimittis. Sir Ch. Villiers Stanford.

        Contrabaixo: Miguel Ángel Marín Calderón       

        Harmonio: Andrés Gutiérrez Fernández

        Dirección: Lupe Enríquez Parga   

• Sicut lilium inter spinas. M. Raczynski.

• Cantate Domino. A. Gretchaninoff.

    A esta actuación seguiron a do Gruppo Vocale San Bernardo na Igrexa de San Froilán, de Carminis Habitus na Igrexa da Nova, e de Solo Voces na Igrexa dos Franciscanos; das que se adxuntan os programas na imaxe que enlazamos máis abaixo. Finalmemte confluíron todos os coros na Catedral de Santa María para entoar o Gloria en Re M. de Antonio Vivaldi acompañados do Concentus Instrumentalis Lucensis baixo a dirección de Giulio Mercati.

  Numerosos seareiros da Noite Coral completaron o circuito de recitais nesta velada e moitos deles xa nos son caras familiares, sendo a asistencia especialmente numerosa no concerto final, ao que tamén acudiron as autoridades eclesiásticas.

    Foi verdadeiramete emocionante participar neste acontecemento musical que enche de son e arte a noite lucense e na que se dan cita algunhas das  mellores voces da cidade apoiadas por cantantes e instrumentistas profesionais.

   É de agradecer a Luís Varela Castiñeira, que tomou a iniciativa desta actividade; a Abraham Sánchez Pujante,  director do Departamento de Música Litúrxica da Diócese  e a Giulio Mercati, director artístico do Festival Internacional de Órgano e da Noite Coral, toda a actividade que vén desenvolvéndose desde hai uns anos na contorna da Catedral para poñer en valor a Música Sacra, os instrumentos valiosos que albergan os nosos templos e os templos en si mesmos; feitos que contribúen a elevar o nivel cultural desta cidade.

    Este concerto marca para o Orfeón Lucense un cambio na súa dirección. O ata agora director titular, Marcos Fernández Mosquera, cesa como tal a petición propia por motivos persoais e toma o relevo Sara Pérez Cruz, soprano que está na nosa agrupación desde o tempo en que existía a Escolanía anexa ao Orfeón. Formarán parte do seu equipo Abraham Sánchez Pujante e Lupe Enríquez Parga.

    É de xustiza agradecer a Marcos Fernández Mosquera a súa adicación ao coro durante máis de trinta anos, primeiro como cantor e nos doce últimos como director. Nesta etapa de crecemento transmitiunos a súa paixón e gusto pola música vocal, tanto profana como sacra, elevando as interpretacións do Orfeón a un moi bo nivel para un coro non profesional. Alegrámonos de seguir contando con el como cantor e como compañeiro ao tempo que lle desaxamos felicidade e desfrute nesta nova andadura. 

    Acompañamos o programa completo que se interpretou nesta VII edición da Noite Coral.

Misa da Ofrenda do Antigo Reino de Galicia 2025

      O pasado 23 de xuño a Xunta recoñeceu mediante decreto a Ofrenda do Antigo Reino de Galicia como Ben de Interese Cultural do patrimonio inmaterial, noticia que nos aleda profundamente pola posta en valor deste histórico evento que conta con máis de tres séculos de tradición.

    Foi no século XVII, no reinado de Filipe III, cando se iniciou o primeiro trámite desta tradición, pero é desde o ano 1925 cando os alcaldes das sete cidades que conforman o Antigo Reino de Galicia (A Coruña, Lugo, Ourense, Santiago de Compostela, Mondoñedo, Betanzos e Tui) fan por turno rotatorio unha ofrenda o domingo seguinte ao Corpus durante a celebración dunha misa solemne na Catedral de Santa María.

   A Ofrenda tén unha longa historia, xa tratada noutro post deste blog, que enlazamos aquí. Na actualidade é simbólica e consiste nun cheque que o oferente fai entregar ao cabildo catedralicio despois do evanxeo.

    Este ano correspondeulle ofrendar á cidade de Betanzos, representada pola súa alcaldesa María Barral Varela, que expresou con vehemencia e enerxía as súas inquedanzas e peticións ao Santísimo no nome das sete capitais do Reino. Considera unha honra "dar voz a unha Galicia inclusiva, diversa, plural e aberta a todos os idearios" na que os seus homes e mulleres saen para esforzarse e traballar por conquerir un futuro mellor e para os que pide forza e ilusión para continuar e vencer as dificultades. 

    Pediu pola paz no mundo, pola conservación da terra que habitamos, polas mulleres que sofren violencia, terror, medo e humillación, para as que implorou protección e o fin do seu suplicio e desigualdade.

    Lembrou a Paula Alvarellos, a alcaldesa falecida inesperadamente neste ano, á que puxo como exemplo de servizo e compromiso coa súa xente. Finalizou facendo alusión á necesidade de que as administracións traballen xuntas en beneficio dos cidadáns, rebaixando a tensión e deixando a un lado a confrontación.

    Respondeulle o Arcebispo de Santiago de Compostela, D. Francisco Prieto, quen invitou a reavivar a esperanza fronte á violencia, as guerras, as desigualdades e a emigración; a denunciar as circunstancias que van contra a dignidade do home e a recoñecer a Cristo no rostro do irmán, xa que a "Caridade é acompañar, abrir portas, ofrecer posibilidades que permitan vivir con xustiza e dignidade"

    Nesta ocasión o Orfeón estivo dirixido por Marcos Fernández Mosquera e acompañado ao órgano por Nemesio Gutiérrez e Andrés Gutiérrez e xuntos interpretaron o seguinte repertorio:

• Aledémonos. J. Castiñeira.
• Señor ten piedade. Misa Galega. J. Castiñeira.
• Gloria. Misa Galega. J. Castiñeira.
• Amósame Señor. Salmo.
• Alleluia dit irlandais. J. P. Lécot.
• Deus do Universo. L. Olano.
• Santo. Misa Galega. J. Castiñeira.
• Año de Deus. Misa Galega. J. Castiñeira.
• Eucaristía. Taizé / Fdez. León.
• Non vou só. I. G. Ramos.

    Rematada a misa solemne, a carroza do Santísimo seguida das autoridades civís e eclesiásticas e un bo número de cidadáns saiu en procesión polas rúas do centro histórico. A climatoloxía propiciou o acto cun día ben solleiro, circunstancia que aproveitou o Orfeón para desprazarse sobre a muralla e entoar ao paso da procesión  o himno "Cantemos al Amor", de I. B. Sagastizábal.

    Así rematou esta xornada festiva e histórica, a primeira que se celebra sendo a Ofrenda do Antigo Reino de Galicia un Ben de Interese Cultural do patrimonio inmaterial.

    Adxuntamos unhas imaxes desta data, as dúas primeiras tomadas da páxina web da Diócese de Lugo.

    

    

    

    

Misa de Corpus Christi 2025

    O pasado domingo, día 22 de xuño, celebrouse na Catedral de Santa María a solemnidade do Corpus Christi. 

  Como vén sendo habitual nos últimos anos esta cerimonia, ademais da relevancia relioxiosa propia da data, adquire unha especial notoriedade e vistosidade, pois o Orfeón Lucense dirixido por Marcos Fernández Mosquera, comparte o acompañamento musical da misa coa Banda Filarmónica, dirixida por Iván Martínez Sabio; cos órganos catedralicios, con D. Luís Varela Castiñeira como organista e Mestre de Capela da Catedral e coa agrupación folklórica Os Xílgaros e o seu gaiteiro Óscar Pérez.

  A celebración deu comezo ás 11:00 cunha interpretación de dito gaiteiro que acompañou a entrada das autoridades eclesiásticas no altar maior, tras a cal se iniciaron os solemnes oficios presididos polo bispo da diócese, D. Alfonso Carrasco Rouco e conducidos por D. David Varela.

  O prelado na homilía, despois de exhortar aos fieis á reafirmación na fe e no amor, salientou a necesidade de contrapoñer a Paz ao ambiente de guerra e egoísmo imperante na actualidade; Paz, segundo dixo, á que podemos contribuir cada un de nós individualmente comezando na nosa contorna.    

  O repertorio interpretado polo Orfeón nesta ocasión foi o seguinte:

• O pan do ceo. X. Portas Ferro / Isauro G. Ramos. (1)
• Señor ten piedad. Misa Alrededor de tu Mesa. F. Palazón. (2)
• Gloria. Misa Alrededor de tu Mesa. F. Palazón. (2)
• Alleluia dit irlandais. L. Deiss. (1)
• Ave verum. J. P. Lécot. (1)
• Santo. Misa Alrededor de tu Mesa. F. Palazón. (2)
• Cordero de Dios. Misa Alrededor de tu Mesa. F. Palazón. (2)
• Pescador de hombres. C. Gabaráin / B. Corona. (1)
• Jesus bleivet meine Freude. J. S. Bach. (2)
• Virxe dos Ollos Grandes. I. Martínez Sabio. (2)

(1) Acompañados ao órgano por Luís V. Castiñeira.

(2) Acompañados pola Banda Filarmónica dirixida por Iván M. Sabio.

  Por último tivo lugar a procesión do Santísimo que se iniciou no interior da sé aos acordes dunha marcha composta polo director da Banda Filarmónica, Iván Martínez Sabio, titulada Virxe dos Ollos Grandes, que o Orfeón estreou neste acto.

  Despois do percorrido polo centro histórico nun día climatoloxicamente soleado, que favoreceu a asistencia de fieis, regresou a comitiva á Catedral; e cos últimos cantos de adoración ao Santísimo deuse por concluída esta solemne xornada.

 A continuación acompañamos imaxes deste acto, tomadas da páxina web da  Diócese de Lugo.

    

    

Actuación en el Festival Internacional de Órgano del Corpus Christi 2025

    O pasado luns, 16 de xuño, tivemos a honra de actuar no segundo concerto do Festival de Órgano do Corpus Christi, protagonizado por Stanislav Surin, organista da Catedral de Bratislava.

 Preparamos con especial adicación e meticulosidade esta actuación pola  complexidade vocal dalgunhas das obras interpretadas e polo privilexio que supón ser acompañados por un organista de talla internacional como é o caso do mestre Surin.

   Tras os exercicios previos e cunha numerosa asistencia de público, ás 21:00 situámonos no coro da Catedral coa emoción  propia dun estreo, dispostos a ser conducidos por Marcos Fernández Mosquera, director habitual do Orfeón Lucense.

  O programa, variado e atractivo, estivo composto por obras vocais e instrumentais de compositores pertencentes aos séculos XVI ao XXI, cunha pequena homenaxe a Giovanni Pierluigi da Palestrina no  cincocentos aniversario do seu nacemento.

    O repertorio interpretado pola nosa agrupación coral foi o seguinte:

    - Jesu, Rex admirabilis. G. P. da Palestrina.

    - Ave Maria. T. L. de Victoria.

    - Quaerite primun regnum. W. A. Mozart.

    - Ave verum corpus. W. A. Mozart.

    - Miserere. G. Donizatti:

            Domine labia mea.

            Sacrificium Deo.

            Tunc acceptabis.

    - Nunc dimittis. C. Villiers Stanford. 

       Dirección: Lupe Enríquez.

    - Ave Maria. S. Surin.

       Soprano: Sara Pérez Cruz.

    - Sicut lilium inter spinas. M. Raczynski.

    - Cantate Domino. A. Gretchaninov.

    Rematado o recital, organista e coro desprazámonos ata o altar do Bo Xesús para agradecer os aplausos do público que seguiu o concerto desde dito lugar.

    A continuación pode verse o programa completo deste acto. 

    

        

    

    

Preparados para o XI Festival Internacional de Órgano

    Falta ben pouco para que dé comezo o XI Festival Internacional de Órgano do Corpus Christi que xa é unha respectada e celebrada tradición na cidade de Lugo, na que se trata de salientar a beleza e grandiosidade da música para este instrumento e a gran calidade sonora dos órganos da nosa Catedral.

    O Orfeón Lucense aceptou a invitación e participará ofrecendo un repertorio complexo e fermoso que brindaremos encantados aos nosos seareiros o vindeiro luns, 16 de xuño, na Catedral de Sta. María, compartindo o concerto que protagonizará Stanislav Surin, organista da catedral de Bratislava (Eslovaquia).

    Estamos moi ledos por formar parte deste evento e convidamos aos lucenses a asistir a todos os magníficos concertos desta edición.

    Na imaxe unha reseña do xornal El Progreso do 5/06/2025 na que aparece Stanislav Surin ao órgano xunto co resumo das actuacións que conformarán  o Festival deste ano.

Domingo de Pascua 2025

     A Semana Santa culmina coa celebración do Domingo de Pascua. A cerimonia, presidida polo prelado da diócese, estivo precedida pola procesión do Santo Encontro de Xesús coa Virxe María, tras a cal deu comezo a misa.

    O Orfeón, dirixido por Marcos Fernández Mosquera e acompañado ao órgano por Nemesio Gutiérrez e o seu fillo Andrés Gutiérrez, interpretou o seguinte repertorio:

• Cantemos al amor. I. B. de Sagastizábal.
• Misa Pascual. J. Castiñeira.
• Este es el día en que actuó el Señor. Salmo.
• Alleluia dit irlandais.  F. O´Carroll / L. Deiss.
• O salutaris. L. Perosi.
• Nós tamén imos resucitar. X. Portas Ferro.
• Ave verum. J. P.Lécot.
• Reina del cielo. J. Castiñeira.

    Con esta actuación rematamos a Semana Santa, un dos períodos máis intensos da actividade do Orfeón, que este ano contou coa colaboración de persoas moi queridas deste colectivo, Silvia Nadela e Nemesio Gutiérrez, e a presencia sempre estimada de Carlos Rodríguez; que sabemos que sempre están aí, aínda que sexa na distancia.

    Acompañamos unha fermosa imaxe da Catedral neste día co Orfeón ao fondo, tomada da web da Diócese de Lugo.

    

    

    

Semana Santa 2025

    Os días centrais da Semana Santa, Xoves, Venres e Sábado, adquiren un atractivo especial tanto para os asistentes como para o Orfeón, pois ao significado relixioso engádeselle a vistosidade das procesións e dos cantos e ritos propios da celebración. 

    Todos os actos estiveron presididos polo bispo da sé, Monseñor Carrasco Rouco, quen concelebrou cos coengos e auxiliares habituais en todas as solemnidades.

    Contamos no altar coa colaboración nesta Semana dun querido amigo da nosa coral, Carlos Rodríguez Otero, que habitualmente reside no Reino Unido, pero do que desfrutamos cada vez que vén. Del reproducimos no enlace unha entrevista realizada por María José Campo López-Barcia, directora de Comunicación da Diócese de Lugo, na que explica a súa traxectoria como músico e a súa querencia pola Catedral, polo Orfeón e por esta cidade.

    Ademais na celebración do Venres Santo contamos coa presenza como cantores de dúas persoas moi estimadas vencelladas ó coro: Silvia Nadela Villarino, que por mor do seu traballo reside lonxe de Galicia, e Nemesio Gutiérrez, antigo director do Orfeón.

    O acompañamento ao órgano nos oficios do Xoves Santo correu a cargo de Nemesio e Andrés Gutiérrez e o Sábado de Gloria a cargo de Luís Varela Castiñeira, Prefecto de Música da Catedral.

    Os repertorios interpretados nestas tres solemnidades, dirixidos por Marcos Fernández Mosquera, foron os seguintes;

    Xoves Santo:

• Alrededor de tu mesa. F. Palazón.
• Kyrie en Ré Majeur. J. P. Lécot.
• Gloria de Lourdes. J. P. Lécot.
• El cáliz que bendecimos. Salmo.
• Interleccional. J. Castiñeira.
• Jesús, el Señor. J. Castiñeira.
• Donde hay caridad y amor. J. Madurga.
• Sacrificium Deo. Miserere. G. Donizetti.
• Sanctus de Lourdes. J. P. Lécot.
• Agnus Dei. Messe peuples de la terre. J. P. Lécot.
• Eucaristía. Taizé / A. Fdez León.
• In Monte Olivetti. J. Naujalis.
• Pange lingua. Gregoriano.
• Alabado sea el Santísimo. Popular.
• Genitori - Tantum ergo. Gregoriano.

    Venres Santo:

• Padre, a tus manos. Salmo.
• Cristo por nosotros se sometió. F. Palazón.
• Pasión según San Juan. J. Castiñeira.
• Mirad el árbol de la Cruz. 
• Adoramuste, Christe. Th. Dubois.
• Comiendo del mismo pan. J. Madurga.
• Tradiderunt me. T. L. de Victoria.

    Sábado Santo:

• Gloria. Misa Alrededor de tu mesa. F. Palazón.
• Alleluia. Messe de Saint Jean. M. Hagemann.
• Jesu, dulcis memoria. S. B. del Claraval. Jesu, Rex admirabilis. G. P. da Palestrina.
• Santo. Misa Alrededor de tu mesa. F. Palazón.
• Cordero de Dios. Misa Alrededor de tu mesa. F. Palazón.
• Yo soy el pan de vida. S. Toolan.
• Anima Christi. M. Frisina.

    Ao remate dos oficios da Vixilia do Sábado de Gloria fomos convidados a un ágape na sancristía da Catedral, momento que aproveitamos para felicitarnos a Pascua.

    Acompañamos unhas imaxes do Orfeón Lucense nestas actuacións, a primeira delas tomada da web da Diócese de Lugo.

Domingo de Ramos 2025

     Despois do Pregón, o Domingo de Ramos é a primeira solemnidade da Semana Santa na que intervén o Orfeón. Tras a beizón dos ramos e palmas e a procesión da "Borriquita" deu inicio a misa solemne na Catedral presidida polo prelado da diócese, D. Alfonso Carrasco Rouco, concelebrada por varios coengos e auxiliados por diferentes membros  de distintos estamentos relixiosos.

    Nesta ocasión o repertorio interpretado polo Orfeón, baixo a dirección de Marcos Fernández Mosquera, foi o seguinte;

• Dios mío, Dios mío. Salmo.
• Cristo por nosotros. F. Palazón.
• Domine labia mea. Miserere. Versetto 16. G. Donizetti.
• Sanctus de Lourdes. J. P. Lécot.
• Agnus Dei. Messe peuples de la Terre. J. P. Lécot.
• Los niños hebreos. A. Alcalde.
• Ave verum. W. A. Mozart.

    A continuación adxuntamos dúas imaxes tomadas da web da Diócese de Lugo alusivas a esta celebración.

    

    

Concerto no Pregón de Semana Santa 2025

     O pasado mércores, 9 de abril, o Orfeón foi convidado a cantar como introdución ao Pregón da Semana Santa pronunciado pola mestra e escritora lucense Marica Campo e  que se celebrou na Igrexa da Nova desta cidade.

    O repertorio dirixido por Marcos Fernández Mosquera e interpretado polo Orfeón neste concerto foi o seguinte:

• Jesu dulcis memoria (S. B. del Claraval) e Jesu! Rex admirabilis (G.P. da Palestrina).
• Tradiderunt me. T. L. de Vitoria.
• Miserere. G. Donizetti. Versettos 16, 18.
• In Monte Olivetti. J. Naujalis.
• Morgengesang. N.W. Gade

    Finalizado o breve recital Marica Campo pronunciou o Pregón no que fixo un percorrido polas vivencias da Semana Santa desde a súa infancia no Val do Mao ata Lugo, para ela un acontecemento, no que lle chamaban a atención os cofrades descalzos ou encadeados, a solta dun preso no cárcere, agora Vello Cárcere, ou a propia grandiosidade dos desfiles procesionais dirixidos por D. José Ferro.

    

    Reivindicou o dereito a expresar as súas crenzas relixiosas e puxo o acento na farsa que supón chorar a Cristo no Calvario e non conmoverse cos mortos de Gaza ou de Ucraína. A esa farsa ténse referido o escritor do Rexurdimento Curros Enríquez, quen a pesar de ser anticlerical era profundamente cristián; pois defendía que o sacrificio de Cristo fora "un dos sacrificios máis grandes dos que hai memoria" así como que "os Cristos de agora non son homes, son pobos" para cuxa supervivencia deberíamos ter, segundo a pregoeira, "pan e amor compartidos na paz e no coidado da terra que habitamos" xa que o único pack de supervivencia eficaz é o amor.

    Quedámonos con estas fermosas mensaxes que subscribimos e acompañamos dúas imaxes do acto tomadas de El Progreso 9/04/2025.

    

Misa de ordenación e institución

     O pasado domingo, 16 de marzo, o Orfeón tivo a honra de acompañar cos seus cantos unha misa na parroquia de San Francisco Javier na que se instituiu como lector e acólito ao noso compañeiro Luis David Ocón Ruiz, xunto con Abraham Emmanuel Ávila Pérez e a Diego Durán Cano, este último ordenado diácono. Deles, os dous primeiros pertencen ao Seminario  Diocesano e Misioneiro Alma Redemptoris Mater e o terceiro ao Seminario Diocesano de Lugo.

    A cerimonia foi oficiada polo bispo da diócese, D. Alfonso Carrasco Rouco, e concelebrada por numerosos sacerdotes auxiliados por membros pertencentes a distintos estamentos eclesiásticos que arrouparon aos neófitos a ditas ordes.

    O repertorio interpretado pola nosa agrupación coral, dirixida por Marcos Fernández Mosquera, foi o seguinte:

• Bendice, Alma mía, al Señor. F. Mendelsshon. Adap. Abraham Sánchez.
• Kyrie en Re M. J.P.Lécot.
• El Señor es mi luz. Salmo.
• Interleccional. J. Castiñeira.
• Jesu, Rex admirabilis. G.P.da Palestrina.
• Sanctus de Lourdes. J.P.Lécot.
• Agnus Dei de la Messe Peuples de la Terre. J.P.Lécot.
• Ave verum. J.P.Lécot.
• Ave Maria. T. L. de Vitoria.
• Canticorum iubilo. G.F.Haendel.

    De todos os momentos desta celebración, chamounos a atención o da ´postración´, no que os candidados a adquirir o novo estamento encamiñado ao sacerdocio se tumban no chan en posición de tendido prono. Preguntamos polo significado de tal rito e a resposta foi que era en ´sinal de humildade e absoluta entrega a Deus´.

    Rematada a celebración fomos convidados  a un pequeno ágape, momento que aproveitamos para felicitar aos recén ordeados e instituídos.

    Nos imaxes, dúas instantáneas da cerimonia.

    

Funeral por Paula Alvarellos, exalcaldesa de Lugo

     Este luns. día 10 de marzo, o Orfeón Lucense estivo presente cos seus cantos no funeral institucional de Paula Alvarellos, que foi alcaldesa de Lugo ata a súa prematura e inesperada morte o día 1 deste mes.

   A misa estivo oficiada polo prelado da diócese, D. Alfonso Carrasco Rouco, e concelebrada por varios coengos. Actuou como condutor da cerimonia D. David Varela, Rector do Seminario, e contou coa presenza da familia da exalcaldesa en lugar preferente, da Corporación Municipal, autoridades civís, militares e eclesiásticas, así como numeroso público que enchía o templo en boa parte.

    O oficiante durante a homilía lembrou á finada que en tantas ocasións estivera presente nos oficios da catedral con motivo de distintas celebracións e festividades como persoa afable e entregada á súa cidade.

    O Orfeón, dirixido por Abraham Sánchez Pujante, director do departamento de Música Litúrxica da Diócese e acompañado ao órgano polo prefecto de Música, Luís Varela Castiñeira; interpretou o seguinte repertorio:

• Kyrie en Re Majeur. J. P. Lécot.
• El Señor es mi pastor. Salmo.
• Interleccional. J. Castiñeira.
• O salutaris. L. Perosi.
• Santo de Lourdes. J. P. Lécot.
• Agnus Dei. Messe peuples de la Terre. J. P. Lécot.
• Yo soy el pan de vida. S. Toolan.
• Más cerca, oh Dios. L. Mason.

    Nas imaxes, dúas instantáneas do acto tomadas das redes sociais do Concello de Lugo.

    

    

    

Concerto homenaxe a Manuel Gulín Rodríguez

    O pasado venres, día 7 de marzo, reunímonos no Salón de Actos da Delegación da Xunta de Galicia o Coro de Amigos do Camiño de Santiago en Lugo, dirixido por Esperanza Iglesias, e o Orfeón Lucense, dirixido por Marcos Fernández Mosquera,  para lembrar e homenaxear cos nosos cantos ao falecido membro de ambos coros e Xefe da Sección de Patrimonio Monumental, Manuel Gulín Rodríguez.

    Lembramos a Gulín como un home cunha voz de baixo ben timbrada, calado, amante da Música e do Canto, das viaxes, da fotografía, afeccionado á pintura,  defensor do Arte e da Cultura en xeral. cun sentido do humor moi característico que poñía de manifesto principalmente nas xuntanzas informais e que nos deixou hai perto de ano e medio.

    Con asistencia de autoridades locais, de compañeiros, familiares e amigos, deu comezo o concerto cunha breve introdución do noso Presidente, Xulio Xiz, que fixo unha semblanza do finado ao que o unía unha longa amizade.

    De seguido comezou o concerto coa actuación do Coro de Amigos do Camiño que interpretou catro composicións e outras tantas a nosa agrupación. Estas últimas foron as seguintes:

• Morgengesang. Niels Wilhelm Gade.
• Gabriels oboe. Ennio Morricone. Arr. P. Rowlands.
• O meu amor mariñeiro. Xosé L. Rivas. Arr. B. Blanco.
• Bullerengue. José Antonio Rincón.

    A continuación o Delegado Territorial da Xunta en Lugo, Javier Arias, adicou unhas afectuosas palabras a Gulín e á súa familia, que foron contestadas pola filla do finado, quen agradeceu a todos e todas a súa presenza no acto.

  Rematadas estas intervencións, o noso presidente entregou un diploma conmemorativo do acto á súa viúva e Remedios Martínez Rodil, compoñente da directiva da nosa coral, obsequiouna cun ramo de flores en nome do Orfeón Lucense.

    Para finalizar, ambos coros interpretaron conxuntamente O voso  galo, comadre de M. Groba, dirixidos por Esperanza Iglesias, peza á que foron convidados a cantar no estrado os familiares de Gulín e o público presente dende os seus asentos.

    Ata sempre, Manuel Gulín.

                                               Cartaz do concerto homenaxe

Nadal na rúa 2024

    Participamos no programa da Deputación Cantos de Nadal interpretando panxoliñas en catro emprazamentos do casco histórico para animar a rúa nestas datas.

    Este ano correspondeunos cantar na rúa San Pedro, rúa da Raíña, Praza Maior e Praza do Campo os días 27 e 30 de decembro ás 20 h. 

    O repertorio interpretado nestas actuacións foi o seguinte:

    - Drop, drop slow tears. O. Gibbons.

    - Ecce novum gaudium. 17th century Scottish song-books.

    

    - Es ist ein ´Ros´entsprungen. M. Praetorius.

    - Adeste fideles. J. Reading.

    - Eu hei-de m´ir ao presépio. M. de Sampaio Ribeiro.

    

    - Natal de Elvas. M. de Sampaio Ribeiro.

    - Na noite máis fermosa. Adap. V. R. Abeijón.

    - Noite boa. J. Castiñeira.

    - Señor, oye mi voz. A. Cuevas Castillo / D. Cuevas Sánchez.

    - Ya viene la vieja. Trad. español. Harm. A. Parker / R. Shaw.

    - Dime, Niño de quién eres. Popular.

    - African Noël. Trad. africana. Arr. V. C. Johnson.

    - O rama. Popular portuguesa. Arr. A. Martins.

    - Noche de Dios. F. X. Gruber. Arr. J. Castiñeira.

    Frauta: Abraham Sánchez Pujante.

    Darbuka: Lupe Enríquez Parga.

    Agradecemos a todas as persoas o feito de facer unha pausa nos seus tránsitos apresurados de compras ou nos paseos tranquilos aproveitando a bonanza climática para pararse a escoitar os cantos de Nadal. A iluminación especial desta época do ano, xunto coa música dos coros de Lugo contribúen, sen dúbida, a crear un ambiente máis fermoso e amable na cidade.

    Na imaxe un momento da actuación do Orfeón na Praza Maior.