Co Pregón no Círculo das Artes a cargo de D. Miguel Ángel González Arias, Xeneral de Brigada e Xefe de Zona da Garda Civil da Comunidade Autónoma de Galicia, dá comezo a Semana Santa 2023 en Lugo, declarada de Interés Turístico Galego
O Orfeón Lucense aportará a parte musical nos días máis senlleiros da Semana: Pregón, Domingo de Ramos, Xoves Santo, Venres Santo, Sábado Santo e Domingo de Resurrección.
Poucos días pasaron desde que despedimos ao noso compañeiro Armando e agora tocou acompañar a Julia na súa última viaxe.
Julia Iglesias Arias foi unha contralto do Orfeón durante máis de 25 anos, tempo no que asistiu con regularidade e puntualidade aos ensaios e actuacións, coa entrega e o entusiasmo propios de quen realiza unha actividade artística voluntariamente e por afección ata o punto de ser unha prioridade na súa vida.
No ano 2007 recibiu, xunto con outros coristas coetáneos, unha placa conmemorativa con motivo da adicación e a entrega ao Orfeón durante un cuarto de século, mérito ao que ela sempre aludía con orgullo e afecto.
Sempre lembraremos a Julia como persoa de bo carácter, sorrinte, amable, boa compañeira e namorada da música. Por iso acompañamos á súa familia na igrexa parroquial da Milagrosa para adicarlle algunhas das pezas que ela tantas veces cantou con nós e que, seguro, entonará alí onde estea:
- Hacia ti, Morada Santa. Kiko Argüello.
- Señor ten piedad. Misa Alrededor de tu mesa. F. Palazón.
- Interleccional. J. Castiñeira.
- O salutaris, Hostia. L. Perosi.
- Zum Sanctus. F. Schubert.
- Cordero de Dios. A. Taulé.
- Pescador de hombres. B. Corona.
- Más cerca, oh Dios. L. Mason.
Unha vez finalizada a cerimonia relixiosa, o presidente do Orfeón Lucense, Xulio Xiz, adicoulle unhas agarimosas palabras no nome de toda a agrupación, que reproducimos a continuación.
Ata sempre, Julia!
Funeral de Julia Iglesias Arias, do Orfeón. 4.03.2023
O Orfeón Lucense, Coro da Catedral de Lugo, dirixido polo seu titular Marco M. Fernández Mosquera está cantando por Julia co mesmo sentimento que Julia cantou para nós, connosco, para vós; para todos os que expresamos sentimentos que só sabemos transmitir cantando.
Julia, contralto, foi unha das nosas voces máis veteranas e entrañables. O paso do tempo vai incorporando voces novas a unha labor cantora común, e ese mesmo tempo, a veteranía que se traduce en experiencia e saber, que proporciona sutilezas e recursos cando a potencia se aminora, é a época dourada na que quen canta disfruta máis do saber facer; da inmorrente paixón por cantar.
Cando en 2007 celebramos os primeiros 25 anos da refundación do Orfeón Lucense por don José Castiñeira Pardo, entregamos cadansúa placa de homenaxe aos cantores que durante eses vintecinco anos formaron parte do Orfeón; formaron parte de nós. Falando onte con Eduardo e José Antonio os fillos de Julia e Antonio, lembramos aquel acto fermoso no que Julia e outros varios compañeiros e compañeiras recibían aquel merecido recoñecemento polo entusiasmo, o traballo, a perseverancia ao servizo da catedral, de Lugo, da música, e deste Orfeón que agora cumpre 42 anos nesta etapa, e 143 desde que no século XIX o fundara Xoán Montes.
Nos primeiros 25 anos desta nova etapa, vividos connosco por Julia, sabemos que tivemos máis de mil actuacións públicas nas que que ela interviu na inmensa maioría, sendo imposible levar a conta de ensaios e ilusións; de actuacións e sacrificios; de satisfaccións e de entrega, porque para formar parte dunha agrupación coral tanto tempo e tan intensamente, requírese un gran esforzo e entrega, capacidades e estudio; unha dedicación abnegada… pero tamén comprensión e axuda nas familias, colaboración e sacrificio por saber que este oficio de cantar non só depende da voz, da saúde, do coñecemento e da técnica… Como en todo nesta vida, require agarimo e sintonía; amor, en fin, por parte de todas as nosas unidades familiares.
Hoxe, aquí, pois, cantamos a Julia, por Julia, agradecéndolle todo o traballo, o agarimo e a ledicia que trouxo o Orfeón… e cantámoslle á súa familia aquí presente, a Antonio que hai tempo nos deixou, para darlles as grazas por haber compartido connosco ptanto tempo, tan intensamente, un anaco tan importante da vida de Julia.
E imos rematar cun canto de Lowell Mason que Julia, sen dúbida cantará connosco no alén, mirando a Deus cara a cara: “·Mais preto de ti, Señor”.
Falando con Armando Polo Rivas. A Milagrosa, 25.02.2023
As voces que acompañaron esta misa vespertina da igrexa parroquial da Milagrosa en Lugo, son as do Orfeón Lucense, coro da Catedral de Lugo, e - no “Señor, ten piedad”, do Coro San Francisco Javier, dirixidos ámbolos dous por Marcos Manuel Fernández Mosquera.
Tiñamos pendiente vir cantar estas cancións, como un conxunto de oracións, desde o pasado mes de decembro, cando se produciu o pasamento de Armando – Armando Polo Rivas -, compañeiro e amigo de todos os compoñentes dos dous coros.
A misa de funeral por Armando, celebrada nesta igrexa, na súa parroquia, non puido ser cantada por Orfeón e Coro por ser día laborable no que, aínda que bastantes dos nosos membros estiveron presentes, faltábannos voces de compañeiros que, por traballo, non puideron asistir. E propuxémonos, de acordo coa familia e coa parroquia, onde sempre todo son facilidades e amizade, vir cantar unha misa pensando en Armando, diante da súa familia, diante dos feligreses milagrosistas, e diante do Señor que Armando tivo presente en todos os momentos da súa vida.
E viñemos hoxe, cando se cumpren 60 días da súa desaparición física, cantar a misa para todos vós tendo presente a Armando. Non vimos a despedilo, senón que quixemos falar con el no idioma que mellor entendía, porque Armando, que profesionalmente podería definirse como un home de números, era para nós, especialmente, un home da canción e da música e como tal viviu connosco moitas aventuras musicais, moitos soños e moitas realidades, moitos sacrificios e moitos aplausos...moita vida e moita música.
E se Armando falaba galego e castelán á perfección con todos nós, no seu idioma musical – compatible con todos os idiomas verbais – era entendido, sintonizado, escoitado, respondido… por todos os amadores da música que somos a inmensa maioría dos seres humanos.
Armando, connosco, entre nós -nos dous coros, unidos pola música e polo director común - foi feliz entregándose ao canto, sacro ou profano, galego ou latino, tristeiro ou ledo… cunha felicidade fraterna, contaxiosa, que era proba da felicidade que vivía con Dolores, con toda a súa familia nas tres xeneracións que Dolores e el viron nacer no seu fogar, dando permanente exemplo de bonhomía, compañeirismo, entrega, entusiasmo… alegría, en fin; alegría de cantar e de vivir.
Por iso, non viñemos despedir a Armando, senón falar con el cantando, pechando a conversa decíndolle “Ata sempre Armando, amigo”, cantándovos/cantándolle “Más cerca, oh Dios, de ti” de Lowell Mason.
Unha voda sempre é motivo de celebración, canto máis se falamos das vodas de ouro. Este último sábado de xaneiro tivemos a honra de ir cantar por esta circunstancia para Marina, Víctor e os seus convidados á igrexa parroquial de Castelo (Outeiro de Rei).
Nunha mañá fría, de ceo luminoso, chegamos á fermosa igrexa, un templo pequeno e acolledor, con tempo suficiente para ver a maneira de acomodarnos no seu coro e facer as probas de son pertinentes.
Á hora acordada chegaron os noivos e acompañantes e deu comezo a cerimonia que estivo colmada de momentos emotivos e graciosos, especialmente nos parlamentos do oficiante e dos contraíntes.
O repertorio elixido por Marcos Fernández Mosquera para este acto foi o seguinte:
- Ven, Señor, ás nosas almas. L. de Olano.
- Señor ten piedad. Misa Alrededor de tu Mesa. F. Palazón.
- Aleluia dit irlandais. J. P. Lécot.
- Deus do universo. L. de Olano.
- Santo. Misa Pascual. X. Castiñeira.
- Cordero de Dios. Misa Alrededor de tu Mesa. F. Palazón.
- Pescador de hombres. B. Corona.
- Cantico dell' Agnello. M. Frisina.
Unha vez finalizada a emotiva cerimonia, os compoñentes do Orfeón achegámonos a Uriz para degustar un xantar de confraternidade.
Máis abaixo acompañamos dúas instantáneas deste día en Castelo.
James Pierpont, compositor, arreglista e organista estadounidense, compuxo polo 1850 unha peza baixo o título The one horse open sleigh que trata da alegría que proporciona o paseo nun carro tirado por un cabalo.
Esta composición de estrutura clásica na súa harmonía publicouse no 1857 en Boston como canción de inverno pero foi reimpresa no 1859 co título de Jingle bells e descoñécese quen lle cambiou o texto para que se convertise nunha das melodías de Nadal máis coñecidas en todo o mundo.
O Orfeón quixo volver ás orixes desta melodía e interpretou a súa primeira partitura da que enlazamos o audio a continuación:
Solista: Javier Pérez-Schofield.
Percusión: Guadalupe Enríquez Parga
Francisco Guerrero é xunto con Tomás Luís de Victoria e Cristobal de Morales un dos compositores senlleiros do Renacemento español cuxa extensa obra relixiosa e profana tivo proxección en Europa e nos países pertencentes á coroa española da época.
Deste autor é Niño Dios d'amor herido, fermosísima peza a catro voces pertencente á colección Canciones y villanescas espirituales que un cuarteto de cantores do Orfeón ofreceu de maneira especialmente harmónica e equilibrada neste concerto de Nadal.
A continuación inserimos o audio:
Intérpretes:
Sara Pérez Cruz, soprano.
Beatriz Enríquez Parga, contralto.
Carlos Rodríguez Otero, tenor.
Marcos Fernández Mosquera, baixo.
Adicaremos unha mirada máis detida ás pezas con solistas do Concerto de Nadal.
A primeira delas é Gaudete, vilancico anónimo en latín do s. XVI, cuxo retrouso anima a aledarnos polo nacemento do Neno Xesús.
Pertence ás Piae Cantiones, colección de cantos en latín medieval publicados en 1582, difundidos polas igrexas reformadas de Suecia e Finlandia e cantados nas súas escolas desde o S. XVIII ata a actualidade. De Suecia foron levados ao Reino Unido polo embaixador inglés desde onde foron editados e difundidos aos demais países.
Foi unha elección moi interesante a interpretar polo Orfeón tanto pola mensaxe que contén como polo ritmo medieval, irregular e dinámico que aporta ao noso repertorio.
Tras unha introdución inicial do retrouso entonada por Carlos Rodríguez Otero, repítese polo coro acompañado de percusión que no sucesivo se alterna coas estrofas interpretadas ad libitum polos solistas Carlos Rodríguez, Carlos Sánchez, Guadalupe Enríquez e Silvia Nadela.
Enlazamos o documento sonoro a continuación:
O Concerto de Nadal é unha das citas importantes para os compoñentes do Orfeón tanto polo número de seareiros que acostuman a presencialo, aos que agradecemos, como pola satisfacción persoal que produce nos proprios cantores.
Agradecemos á Catedral e ao seu Prefecto de Música, Luís Varela Castiñeira, que nos permitiran organizar este acto o día 30 de decembro no seu marco incomparable.
Baixo a dirección de Marcos Fernández Mosquera, interpretamos o seguinte repertorio:
- Dadme albricias. Anónimo S. XVII. Cancioneiro de Upsala.
- Gaudete. Piae Cantiones 1582.
Solistas:
Carlos Rodríguez Otero
Carlos Sánchez Carrera
Guadalupe Enríquez Parga
Silvia Nadela Villarino
Percusión:
Guadalupe Enríquez Parga
- Niño Dios d'amor herido. F. Guerrero.
Intérpretes:
Sara Pérez Cruz, soprano.
Beatriz Enríquez Parga, contralto.
Carlos Rodríguez Otero, tenor.
Marcos Fernández Mosquera, baixo.
- Los Reyes siguen la estrella. F. Guerrero.
- En una choza. M. Praetorius.
- Adeste fideles. J. Reading?
Piano:
Nacho Samena
- The one horse open sleigh. J. Pierpont.
Solista:
Francisco Javier Pérez-Schofield
Piano:
Nacho Samena
Percusión:
Guadalupe Enríquez Parga
- Señor, oye mi voz. A. Cuevas Castillo.
- Linda noite. Pop. do Algarve.
- Noite boa. J. Castiñeira.
- Hacia Belén va una burra. Pop. Córdoba. Harm. F. Civil.
- Dime, Niño, de quién eres. Popular.
- Noche de Dios. F. Gruber.
Foto tomada de El Progreso 31/12/2022
Por invitación da Deputación Provincial e dentro do programa Tradigalu o Orfeón Lucense participou como outros anos na animación da rúa no Nadal.
Actuamos os días 20 de decembro na rúa San Pedro e na Praza Maior e o 27 na rúa da Raíña e na Praza do Campo entoando panxoliñas de diferentes épocas e estilos para acompañar con harmonías e ledicia o devir da vida dos lucenses.
O repertorio interpretado foi o seguinte:
- Dadme albricias. Anónimo S. XVII. Cancioneiro de Upsala.
- Gaudete. Piae Cantiones 1582
- Los Reyes siguen la estrella. F. Guerrero.
- En una choza. M. Praetorius.
- Adeste fideles. J. Reading.
- Na noite máis fermosa. Adap. V. R. Abeijón.
- Linda noite. Popular do Algarve.
- Señor, oye mi voz. A. Cuevas Castillo.
- Ya viene la vieja. Trad. español.
- Noite boa. J. Castiñeira.
- Dime, Niño. Popular.
- Hacia Belén va una burra. Pop. Córdoba.
- Noche de paz. F. Gruber.
Na imaxe un momento da actuación na rúa da Raíña.
Hoxe é unha desas datas que non queremos volver a vivir. Soubemos do pasamento do noso compañeiro Marcos Rodríguez González hai poucos días.
Coñecemos a Marcos este curso. Comezou os ensaios con entusiasmo e asiduidade e foi acadando un sitio nos nosos corazóns pola súa amabilidade e compañeirismo.
Agradecemos todos os momentos que compartimos xuntos e sentímonos afortunados por iso. Lembramos con agarimo os sorrisos desfrutados na súa compaña ó longo da última xuntanza, quen sabe se foron os seus derradeiros.
Marcos, déixasnos sumidos nunha fonda tristura! Este Nadal estarás presente, acompañándonos coa túa expresión doce en cada canto que entoemos; en cada rúa que animemos e especialmente nesa 'estrela' que seguen 'Los Reyes'; porque iso te fixo feliz.
Ata sempre, Marcos! Descansa en Paz.
O xoves, día 8 de decembro, honramos a festividade da Inmaculada Concepción cantando a súa misa na Catedral.
Presidida polo prelado da diócese, monseñor Carrasco Rouco, coa dirección coral de Marcos Fernández Mosquera e ao órgano Xavier de Acosta, o Orfeón interpretou o seguinte repertorio:
- ¡Qué hermosa sois!
- Kyrie. Misa de Lourdes. J. P. Lécot.
- Gloria. Misa de Lourdes. J. P. Lécot.
- Cantad al Señor un cántico nuevo. (Salmo).
- Aleluya. A. Lesbordes.
- Sanctus. Misa de Lourdes. J.P. Lécot.
- Agnus Dei. Misa de Lourdes. J. P. Lécot.
- Hija del pueblo. A. Taulé.
- Senza te, Sacra Regina. A. de Antiquis Venetus.
Inmaculada Concepción
B. E. Murillo
Por primeira vez catro coros de Lugo, coa colaboración dos organistas Giulio Mercati e Nicolás Varela e a soprano Lidia Basterretxea, ofrecemos un concerto na Catedral con motivo da festividade de Santa Cecilia.
Concentus Lucensis, Coro do Hospital, Sólo Voces e Orfeón Lucense dirixidos por Giulio Mercati, Fernando Gómez Jácome e Marcos Fernández Mosquera interpretaron un repertorio coral dos séculos XV ao XVIII na capela do Bo Xesús segundo se pode apreciar no programa do acto que enlazamos a continuación.
Como vén sendo habitual o 22 de novembro todos os coros de Lugo honran a padroa da Música e dos músicos cunha misa na Catedral.
Presidiu a celebración o coengo Prefecto de Música da seo, Luís Varela Castiñeira e tivemos a honra de contar coa colaboración da soprano Lidia Basterretxea e o organista Giulio Mercati que actuaron en distintos momentos.
Nesta ocasión concurrimos na celebración:
- Cantar Delas
- Conxunto Vocal Lugh
- Coral Amigos do Camiño
- Coral Ecos do Miño
- Coro do Hospital de Lugo
- Grupo Vocal Sólo Voces
- Orfeón Lucense
- Orfeón Xoán Montes
- Schola Gregoriana Lucensis
Cada agrupación interviu entonando un canto durante unha parte da liturxia. Ao Orfeón correspondeulle abrir a solemnidade co Canticorum Iubilo de G. F. Haendel.
Finalizou a solemnidade coa actuación de Giulio Mercati ao órgano interpretando unha composición de J. S. Bach.
A asociación de antigos alumnos da Escola de Artes Aplicadas Ramón Falcón de Lugo contou unha vez máis co Orfeón para cantar a Misa en latín que organiza todos os anos coincidindo co mercado medieval do 12 de outubro.
A celebración estivo oficiada por D. Manuel Castro Gay na capela de San Froilán da catedral coa asistencia de numerosos fieis.
A nosa agrupación cantou na parte posterior da capela dirixida por Marcos Fernández Mosquera e o repertorio foi o seguinte:
- Canticorum Iubilo. G. F. Haendel.
- Kyrie. Misa de Angelis. Gregoriano.
- Alleluia. Gregoriano.
- O salutaris. L. Perosi.
- Sanctus. Misa de Angelis. Gregoriano.
- Agnus Dei. J. P. Lécot.
- Ave María. T. L. de Victoria.
- Benedicat vobis. G. F. Haendel.
Comezamos o curso cantando a misa ao patrón da cidade de Lugo, San Froilán.
Na Catedral de Sta. María e coa asistencia das autoridades, celebrouse a liturxia presidida polo prelado da diócese, monseñor Carrasco Rouco.
O Orfeón, dirixido por Marcos Fernández Mosquera e acompañado ao órgano por D. Luis Varela Castiñeira, interpretou nesta ocasión o repertorio seguinte:
- Procesional de entrada. J. Molejón.
- Señor ten piedade. Misa Galega. X. Castiñeira.
- Gloria. Misa Galega. X. Castiñeira.
- Salmo: Amósame, Señor os teus camiños. A. Fdez. León
- Aleluya. X. R. Estévez.
- Ven, Señor ás nosas almas. L. Olano.
- Himno a San Froilán. J. Molejón.
O Orfeón Lucense prepárase para comezar un novo curso. Os obxectivos que nos propoñemos acadar este ano requiren recursos humanos en número e diversidade suficientes. Precisamos cantores masculinos principalmente, aínda que as voces femininas serán benvidas.
Se che gusta a boa música coral traballada con rigor á vez que de forma amena, ven presenciar un ensaio calquera martes despois do día 6 de setembro ás 19:30 no local parroquial de San Froilán e, se che gusta, fai unha sinxela proba de canto para poder pertencer ao noso colectivo.
Anímate¡!!Seguro que será unha experiencia positiva e gratificante.
A continuación enlazamos o anuncio publicado en El Progreso para tal fin.
Presidida polo prelado da diócese, monseñor Carrasco Rouco, e coa asistencia de distintas autoridades e numerosos fieis celebrouse a misa solemne de Nosa Señora dos Ollos Grandes, padroa da cidade de Lugo.
O Orfeón Lucense dirixido por Marcos Fernández Mosquera, fiel á súa cita, puxo música á solemnidade acompañado por Xavier de Acosta ao órgano.
O repertorio interpretado foi o seguinte:
- Himno a la Virgen de los Ojos Grandes. J. Ortiz Peña.
- Kyrie en Re Majeur. J. P. Lécot.
- Gloria de Lourdes. J. P. Lécot.
- Aleluya.I. García Ramos.
- Ave María. T. L. de Victoria.
- Sanctus de Lourdes. J. P. Lécot.
- Agnus Dei. Messe Peuples de la terre. J. P. Lécot.
- Hija del pueblo. A. Taulé.
- O salutaris hostia. P. de la Rue.
- Salve Regina. Gregoriano.
Rematada a cerimonia, celebrantes, asistentes e Orfeón trasladámonos ao camarín da Virxe dos Ollos Grandes onde unha concelleira presentou unha ofrenda floral á padroa mentras o coro interpretou a cantiga nº 72 de Afonso X O Sabio, Da que Deus mamou, na que se narra o milagre da curación dunha muller tolleita atribuído á Virxe e acontecido en Lugo.
Na imaxe, un momento da actuación do Orfeón Lucense.
Onte, 16 de xullo, celebrouse na capela do Carme a misa na honra da súa padroa e o Orfeón foi invitado a amenizar musicalmente este solemne acto.
O repertorio interpretado foi o seguinte:
- A Vós, Reina venimos. Fr. José J. de la Natividad, C.D.
- Kyrie en Re Majeur. J. P. Lécot.
- Gloria de Lourdes. J. P. Lécot.
- Alleluia (Cántico dell'Agnello). M. Frisina.
- Deus do Universo. L. Olano.
- Santo. Misa Alrededor de tu Mesa. F. Palazón.
- Cordero de Dios. Misa Alrededor de tu Mesa. F. Palazón.
- O Pan do Ceo. X. Portas Ferro.
Despois da celebración iniciouse unha procesión até a catedral seguida por numeroso público e alí o Orfeón despediu a celebración cantando o Himno a la Virgen del Carmen.
Na imaxe dous momentos previos ó inicio da solemnidade.
Recuperamos o formato da Noite Coral, sen restricións, tal como foi concebido antes da pandemia e nunha noite espléndida, mesmo impropia destas latitudes, iniciamos a serie de concertos que compoñen este circuito artístico e espiritual polos templos da cidade e o Círculo das Artes.
Orfeón Lucense, Sólo Voces, Coro do Hospital e Gruppo vocale San Bernardo interpretaron concertos sucesivos en San Pedro, San Froilán, A Nova e Círculo das Artes, respectivamente, dando tempo aos seus seareiros a trasladarse dun lugar ao outro.
O repertorio interpretado polo Orfeón foi o seguinte:
- O salutaris ostia. Pierre de la Rue.
- Cristo al morir tendea. Fra Marc'Antonio da San Germano.
- Gabriel, el Ángel. Trad. vasca. Harm. E. Pettman. Trad. Carlos Rodríguez.
- Adoramus te, Christe. Theodore Dubois.
- Virgo Gloriosa. Johan August Söderman.
- Cantico dell'Agnello. Marco Frisina.
Tras os concertos de cada agrupación, ás corais anteriores uníronse o Quartetto di Brescia aos trombóns e Nicolás Varela ao órgano, e todos dirixidos por Giulio Mercati interpretamos tres pezas de polifonía renacentista a 12 voces no altar do Bo Xesús da Catedral:
- Sapientiam omnium. Jacob Handl.
- Super flumina Babylonis. Luca Marenzio.
- Tota pulchra es, amica mea. Hieronymus Praetorius.
Foi unha experiencia intensa e emocionante que compensou todo o traballo e esforzo que supón a preparación dun evento destas características con persoas que, nalgúns casos, vivimos a miles de kilómetros de distancia.
Durante unhas horas a cidade encheuse de harmonías diversas e marabillosas que os afeccionados á música sacra coral e os intervintes no acto puidemos desfrutar, ao tempo que un percorrido polo casco histórico nun solpor fermosísimo de verán completou unha xornada de música e convivencia cuxos ecos perdurarán nos nosos ouvidos por moito tempo.
Na imaxe dous momentos da Noite Coral: Concerto do Orfeón e concerto final.
