Actuación no XII Festival Internacional de Órgano do Corpus Christi

     O pasado luns, día 1 de xuño, tivo lugar a participación do Orfeón Lucense no XII Festival Internacional de Órgano do Corpus Christi, como vén sendo habitual desde hai varios anos, aceptamos a invitación e preparamos ese concerto con mimo e ilusión

    Compartimos programa co organista cordobés Miguel Ángel García, músico de vasta formación e extenso curriculum, na actualidade profesor titular de Órgano do Conservatorio Profesional «Cristóbal de Morales» de Sevilla.

    Feitos os saúdos e a presentación do acto a cargo de Abraham Sánchez Pujante, Director de Música Litúrxica da Diócese e ante numeroso público, deu comezo o concerto cunha peza enérxica de órgano, Batalla de clarines de José Nebra y Blasco (1702 - 1768). Esta obra deu paso á primeira intervención do noso coro; á que foron sucedendo todas as demais, con alternancia de obras vocais e instrumentais ata a final que foi interpretada conxuntamente, seguindo este programa.

    Nesta edición a organización do Festival acordou, acertadamente, que as agrupacións corais actuasen fronte ao público na capela do Bo Xesús, para acadar maior cercanía aos seus seareiros e mesmo un son máis próximo; agás as obras para voces e órgano, que para mellor entendemento entre coristas e organista, poden ser interpretadas desde o coro da Catedral.

    Asimesmo, como outros anos foi instalada unha pantalla no sitio do altar desta capela para poder seguir con detalle os acenos das mans e dos pés do organista sobre dito instrumento, aspecto que sempre resulta vistoso e ata hipnótico para os espectadores  polo virtuosismo dos músicos.

    O repertorio interpretado polo Orfeón foi  o seguinte:

• Karl Kempter (1819-1871). Sanctus. Pastoralmesse. Para órgano e coro.

• Anónimo S. XVIII. Nitida Stella.

• Hildegard von Bingen (1098-1179). Ave generosa.

• Tomás Luis de Victoria (1548-1611). Ave María (Atribuída)

• Anónimo S. XVIII. Qui, presso a Te.

• Lorenzo Perosi (1872-1956). O salutaris.

• Jouzas Naujalis (1869-1934). In Monte Oliveti.

• Esteban Tozzi (1962). Pater noster.

• Karl Kempter (1819-1871). Gloria. Pastoralmesse. Para órgano y coro.

    Unha vez feitos os saúdos conxuntos de organista e coro, o condutor da velada musical, Abraham Sánchez Pujante, agradeceu ao público a súa numerosa asistencia e fixo o anuncio do próximo concerto do ciclo, que será o mércores, día 3 na igrexa da Nova a cargo do organista italiano Tommaso Maria Mazzoletti e o grupo Son de Corda, concerto ao que convidou a todos os ouvintes.

    

    

    

Domingo de Pascua 2026

    Non pasaran moitas horas desde a nosa retirada tras o remate da Vixilia do Sábado Santo, cando volvemos a reunirnos para cantar a misa solemne do Domingo de Pascua na Catedral de Santa María.

  A cerimonia estivo presidida polo prelado da diócese, D. Alfonso Carrasco Rouco, acompañado por varios membros de distintos estamentos eclesiásticos que saíron ata a Praza de Pío XII para recibir a procesión do Santo Encontro procedente do Concello. Ao chegaren, situaron enfrontadas as imaxes de Xesucristo e a Virxe María, momento no que lle quitaron a esta o veo negro que levaba en sinal de loito pola morte do seu fillo.

   Finalizada a procesión deu comezo a misa, na que o Orfeón Lucense, dirixido por Sara Nebra e acompañado ao órgano por Nemesio Gutiérrez González e Andrés Gutiérrez Fernández, interpretou o seguinte repertorio: 

•  Cantemos al Amor de los amores. Juan Ignacio Busca de Sagastizábal.

• Misa Pascual. Señor ten piedad. Gloria. Santo. Cordero de Dios. José Castiñeira.

• Este es el día en que actuó el Señor. Salmo. Miguel Manzano.

• Alléluia dit Irlandais. Lucien Deiss.

• O salutaris. Pierre de la Rue.

• Cantico dell´Agnello. Marco Frisina.

• Yo soy el Pan de Vida. Suzanne Toolan. Harm.: A. Medina.

• Reina del Cielo. José Castiñeira.

    Máis tarde sairía a Procesión de Cristo Resucitado percorrendo as rúas do casco histórico ata chegar á Igrexa de San Froilán, na Praza do Ferrol, poñendo punto final á Semana Santa 2026.

    Adxúntanse tres imaxes do día, xentileza da Diócese de Lugo.

    

    

    

Vixilia Pascual. Sábado Santo 2026

     Cando chegamos á Catedral para facer os exercicios de quecemento vocal e dar os últimos retoques ao noso traballo, xa estaban iniciados no atrio os preparativos para os rituais iniciais da Vixilia Pascual.

   Partindo da escuridade total no interior do templo, os oficiantes desprazáronse ao exterior para bendecir o lume, no que se prendeu o cirio pascual. Os asistentes foron acendendo as súas velas nel e, en procesión, chegaron o altar maior dando luz progresivamente a todas as estancias ata a total iluminación habitual. Mentras sucedía isto o Orfeón contestaba aos salmos da procesión e aos que se alternaron coas lecturas, tras o cal se proclamou o Pregón Pascual.

   Despois de varias lecturas e salmos responsoriais continuou a misa o seu curso ata despois da homilía, momento no que tivo lugar a bendición da auga e o bautismo dun neófito, tras o cal se completou a cerimonia na forma habitual.

   A nosa agrupación coral, dirixida por Sara Nebra e acompañada ao órgano por Luís Varela Castiñeira, prefecto de Música da Catedral, interpretou o seguinte repertorio:

• 
  Envía tu Espíritu, Señor. Salmo.
• Protégeme, Dios mío. Salmo
• Cantemos al Señor. Salmo.
• Sacaréis aguas con gozo. Salmo.
• Misa de Lécot. Gloria, Sanctus, Agnus Dei. Jean Paul Lécot.
• Aleluia. Isauro García Ramos.
• Jesu! Rex Admirabilis / Jesu, dulcis memoria. Giovanni Pierluigi da Palestrina / San Bernardo di Chiaravalle.
• Cantico del Agnello. Marco Frisina.
• Yo soy el Pan de Vida. Suzanne Toolan. Arm.: A. Medina.
• Regina Caeli. Gregoriano.

  Unha vez rematada a celebración fomos convidados todos os asistentes a compartir unha rosca de Pascua con chocolate na sancristía da Catedral, momento que aproveitamos para felicitarnos. 

    Acompañamos dúas imaxes do coro previas ao inicio da vixilia e unha do momento do lucernario.

    

    

    

    

    

    

    

Venres Santo 2026

    Despois dunhas breves palabras de introdución e benvida por parte do monitor litúrxico, deu comezo ás 18.00 h. a liturxia do Venres Santo na Catedral de Santa María.

  Á entrada en silencio dos celebrantes, presididos polo prelado da diócese, monseñor Carrasco Rouco, e a postración no altar maior durante breves minutos, seguiron as lecturas da liturxia da Palabra e a adoración da Cruz.

    O Orfeón Lucense estivo dirixido pola súa titular, Sara Nebra, e interpretou a capela o repertorio seguinte:

• Padre, a tus manos. Salmo. M. Manzano.
• Cristo por nosotros. Francisco Palazón.
• Pasión de Nuestro Señor Jesucristo según San Juan. José Castiñeira. Arr.: Abraham Sánchez Pujante.
• Victoria, tú reinarás. André Losay. Arr.: David Julien.
• Pueblo mío. Ricardo Cantalapiedra.
• Comiendo del mismo pan. Joaquín Madurga.
• In Monte Oliveti. Jouzas Naujalis.

  Tivemos a sorte de contar como corista na corda dos Baixos con un dos nosos organistas habituais e antigo director do Orfeón, Nemesio Gutiérrez González, xa que en Venres Santo non debe soar o órgano nin ningún outro instrumento.

 Rematada a celebración, as distintas confrarías organizaron a saída en procesión de todos os pasos que percorreron as rúas lucenses durante toda a semana, procesión que estaba sendo esperada no exterior por numerosos fieis nunha tarde que lucía luminosa e temperada.

    Acompañamos unha imaxe do interior da catedral e unha do exterior tomadas ambas da páxina web da Diócese de Lugo neste día. Agradecidos por compartilas.

    

    

Xoves Santo 2026

    Seguindo a tradición eclesiástica, tivo lugar na Catedral de Santa María a vespertina Misa da Cea do Señor, en lembranza da última cea que Xesús celebrara cos seus discípulos antes do seu prendemento. Con ela iníciase o Triduo Pascual que finalizará o Domingo de Resurrección.

    A cerimonia estivo presidida polo prelado da diócese, monseñor Carrasco Rouco, e contou coa asistencia de diferentes membros do clero, acólitos e numerosos fieis.

    O Orfeón, dirixido por Sara Nebra, e acompañado ao órgano por Nemesio Gutiérrez González e Andrés Gutiérrez Fernández interpretou as seguintes composicións:

• Alrededor de tu Mesa. Francisco Palazón.
• Kyrie. Misa Pro Europa. Jacques Berthier.
• Gloria. Misa Pro Europa. Jacques Berthier.
• El cáliz que bendecimos. Salmo. Francisco Palazón
• Interleccional. José Castiñeira.
• Jesús, el Señor. José Castiñeira.
• 
  Ubi caritas. Ola Gjeilo.
• Sicut cervus. Giovanni Pierluigi da Palestrina.
• Sanctus. Misa pro Europa. Jacques Berthier.
• Agnus Dei. Misa pro Europa.
• Pan de vida nueva. Marco Frisina.
• O pan do ceo. Xesús Portas Ferro / Isauro García Ramos.
• Pange lingua. Gregoriano.
• Cantemos al Amor. Restituto del Valle / Juan ignacio Busca de Sagastizábal.

    Ademais das mensaxes  propias da celebración ás que aludiu o prelado, chama a atención nesta data o ritual do lavatorio de pés que o bispo realiza a doce persoas presentes no acto, simbolizando o amor e servizo de Cristo á humanidade.

  Finalizada a misa, que neste día non tén bendición final, comezou unha procesión para trasladar o Santísimo a un monumento instalado na capela do Bo Xesús, que lucía especialmente fermosa, mentras se entonaba o Pange lingua gregoriano e Cantemos al Amor.

  E para rematar a celebración fixo a saída a Procesión da Santa Cea que percorreu as principais rúas do casco histórico e que foi seguida por un número considerable de persoas. 

    Acompañamos imaxes da celebración por xentileza da Diócese de Lugo.

    

    

    

Domingo de Ramos 2026

    Iniciamos  a participación do Orfeón nesta Semana Santa coa actuación na Misa solemne do Domingo de Ramos que deu comezo despois da bendición das palmas e ramos que habitualmente tén lugar na Praza de Santa María.

  Presidiu a celebración o bispo da diócese, monseñor Carrasco Rouco, auxiliado por membros de distintos estamentos eclesiásticos e con numerosa asistencia de fieis.

   O Orfeón dirixido pola súa titular, Sara Nebra, e acompañado ao órgano por Nemesio Gutiérrez e o seu fillo Andrés Gutiérrez, interpretou o seguinte repertorio:

• 
  Dios mío, Dios mío. Salmo.
• Cristo por nosotros. Francisco Palazón.
• Deus do Universo. Luís Olano.
• Sanctus-Benedictus. Missa brevis. Jacob de Haan. (arr. Abraham Sánchez Pujante).
• Agnus Dei. Missa brevis. Jacob de Haan.
• Eucaristía. A. Fdez. León (Taizé).
• Ánima Christi. Marco Frisina.

    Debemos facer constar aquí a estrea neste día das novas gradas do coro da Catedral, feito co que a nosa agrupación puido ver cumprida unha das súas peticións desde hai ben tempo.

   Agradecemos infinitamente esta xestión á nosa compañeira Trinidad Vázquez Luaces e á Diócese de Lugo, pois a nova ubicación dos coristas e a directora redunda en beneficio da seguridade e comodidade de todos os membros e, en suma, dunha boa sonoridade e calidade do canto.

      Ao remate da misa, numerosos fieis acompañaron a procesión da Borriquita, que percorreu as principais rúas do casco histórico da cidade neste día solleiro e de bonanza primaveral.

    Así finalizou a grata xornada, da que adxuntamos imaxes tomadas da páxina web da Diócese de Lugo.

    

Ante a Semana Santa

     Como preparación para a Semana Santa o Orfeón Lucense ensaia un repertorio de cantos propios da liturxia destes días para acompañar e, se cabe, realzar os oficios que se celebran na Catedral de Lugo, da que somos o coro oficial e na que actuaremos nas datas máis senlleiras.

    Ante a proximidade destas actuacións, e coincidindo coa inauguración das novas gradas construídas para a ubicación dos cantores no coro, asunto para o que foi crucial o concurso da nosa compañeira Trinidad Vázquez Luaces e que tanto agradecemos; a Directora de Comunicación da Diócese de Lugo, María José Campo López-Barcia, entrevistou ao Vicepresidente e compoñente do Orfeón, Ricardo Coria Abel para falar do Orfeón e o seu desempeño nestas datas,  entrevista que enlazamos aquí.

    Para facilitar o seguimento da nosa intervención, adxuntamos de seguido o programa de cantos  de cada día nesta Semana Santa.

    

    

Seguimos traballando

     Á intensa actividade do Nadal segue un período de aparente quietude, no que nos encontramos agora. 

    Nada máis lonxe da realidade! 

    Estamos traballando nos proxectos que ocuparán o noso quefacer ata o remate do curso:

• A celebración da Semana Santa na Catedral de Santa María.

• A celebración do Corpus Christi e a Ofrenda do Antigo Reino de Galicia ao Santísimo.

• A participación no Festival Internacional de Órgano de Lugo.

• A VIII Noite Coral Lucense.

• ... E algunha outra tarefa que acollemos sempre con agrado.

    Seguimos. Temos moito que facer!!!

Nadal na rúa 2025

     Tamén este ano participamos no programa Nadal na rúa que patrocina a Deputación. Trátase dunha actividade que se desenvolve desde o 15 de decembro ao 4 de xaneiro, tempo no que o centro histórico se converte nun espazo musical vivo grazas ás actuacións itinerantes das corais da cidade en distintos puntos emblemáticos do casco vello, contribuíndo a dinamizar as compras de Nadal e a ambientar o recinto amurallado. 

    As corais participantes foron as seguintes:

• Cantar Delas
• Coral Polifónica Xolda
• Schola Gregoriana Lucense
• Coro Xove de Lugo
• Coro do Hospital de Lugo
• Coral Lucus Terra
• Sólo Voces
• Conxunto Vocal Lugh
• Coral Cantigas e Flores
• Coral Ecos do Miño
• Orfeón Xoán Montes
• Asociación Músico Vocal Xeada
• Orfeón Lucense
• Coro Xuvenil de Lugo

    Ao Orfeón Lucense correspondeulle actuar o sábado, 27 de decembro, facendo catro pases de vinte minutos, en San Pedro cruce con rúa do Progreso, rúa da Raíña, Fondo da Praza Maior e Praza do Campo, respectivamente; e o luns, 29 de decembro, tamén con catro pases de vinte minutos, en Santo Domingo, Rúa da Raíña, Conde Pallares cruce con Doutor Castro e Praza do Campo, respectivamente.

    En cada un dos lugares en que actuamos a directora elixiu unha selección de panxoliñas do repertorio preparado para este Nadal, que foi a seguinte:

• En una choza. M. Praetorius. 

• Nosa Señora. Tradicional de Galicia.

• The First Noel. Trad. inglés. Arr. John Stainer. (*)

• No pendello. Tradicional de Galicia.

• Noche de Dios. F. X. Gruber. Arr. José Castiñeira. 

• Gaudete. Piae Cantiones. (*)

• Noite boa. José Castiñeira.

• Linda Noite. Popular de Portugal.

• Transeamus usque Bethlehem. Hubert Cuypers.

• Con un sombreiro de palla. Tradicional de Galicia. (*)

• African Noel. Trad. africano. Arr. Victor Johnson. (*)

• En el portalín de piedra. Víctor Manuel San José. (*)

        Solista: 

                   Marcos M. Fernández Mosquera

        Percusión (*):

                    Sara Nebra

                    Lupe Enríquez 

    Malia as frías temperaturas nestes días de decembro é de agradecer que sempre haxa persoas dispostas a pararse e adicar uns minutos do seu trasego de compras navideñas ou do seu lecer para escoitar as panxoliñas que ambientan as rúas. 

    Acompáñase unha imaxe do cartel anunciador das Corais de Nadal e unha instantánea da actuación do Orfeón na rúa da Raíña.

    

Misa de clausura do Ano Xubilar Romano 2025

    O domingo, 28 de decembro, o Orfeón acompañou cos seus cantos a clausura do Ano Xubilar Romano que se celebrou cunha misa na Catedral de Santa María presidida polo prelado da diócese, Monseñor Carrasco Rouco.

  

    Asistiu a esta clausura un bo número de coengos e sacerdotes ademais de outros cargos eclesiásticos que concelebraron no altar maior da sé a cerimonia relixiosa.

    A nosa agrupación coral estivo dirixida por Sara Nebra e acompañada ao órgano por D. Luís Varela Castiñeira, coengo da Catedral, e o repertorio interpretado foi o seguinte:

• Kyrie en Ré Majeur. Jean Paul Lécot.

• Gloria de Lourdes. Jean Paul Lécot.

• Benedicat vobis. George Friedrich Haendel.

• En una choza. Michael Praetorius.

• Sanctus de Lourdes. Jean Paul Lécot.

• Agnus dei de la Messe Peuples de la Terre. Jean Paul Lécot.

• Noite boa. José Castiñeira.

• Noche de Dios. José Castiñeira.

    Adxuntamos unha imaxe da cúpula do altar maior da Catedral de Santa María.

    

Concerto na Biblioteca Nodal 2025

    O luns, 22 de decembro, acudimos á Biblioteca Nodal de Lugo para dar un concerto por invitación da súa directora, María Isabel Pérez Fórneas, cita que xa vén sendo habitual para o Orfeón.

   O recital tivo lugar no salón de actos da institución coa asistencia de autoridades da vida pública lucense e un auditorio formado cada vez por un maior número de ouvintes, en palabras da propia directora, ante os que a nosa agrupación, dirixida  por Sara Nebra, interpretou o seguinte repertorio:

• 
  En una choza. M. Praetorius. (*)

• Nosa Señora. Tradicional de Galicia.

• The First Noel. Trad. inglés. Arr. John Stainer. (*)

• No pendello. Tradicional de Galicia.

• Blue Christmas. Billy Hayes / Jay Johnson. Arr. J. L. Blasco. (*)

• Noche de Dios. F. X. Gruber. Arr. José Castiñeira. (*)

• Gaudete. Piae Cantiones. (*)

• Noite boa. José Castiñeira.

• O Magnum Mysterium. Evan Ramos.

• 
  Linda Noite. Popular de Portugal.

• Transeamus usque Bethlehem. Hubert Cuypers.

• Con un sombreiro de palla. Tradicional de Galicia. (*)

• African Noel. Trad. africano. Arr. Victor Johnson. (*)

• En el portalín de piedra. Víctor Manuel San José. (*)

     Solista: 

                   Marcos M. Fernández Mosquera

     Instrumentistas (*):

                   Frauta travesa: Abraham Sánchez Pujante

                   Frauta de pico: David Ocón Ruiz

                   Adufe: Sara Nebra

                   Clarinete, adufe, darbuka e cunchas: Guadalupe Enríquez Parga.

    A petición do público a nosa directora decidiu obsequialo coa interpretación dun bis, para o cal elixiu a panxoliña tradicional galega Con un sombreiro de palla.

  Ao finalizar o concerto fomos felicitados pola directora da Biblioteca que manifestou o seu contento pola nosa presenza, xesto que agradecemos, e emprazounos a volver  o próximo ano.

   Trala despedida, os compoñentes da nosa agrupación desprazámonos ata o noso local para celebrar o Nadal e felicitarnos nestas datas.

   Nas imaxes dous momentos da actuación na Biblioteca Nodal.

 

  

    

Concerto de Nadal, misa e beizón do belén da Catedral 2025

    O Orfeón sempre prepara con moita ilusión e especial agarimo o concerto de Nadal, tanto polo seu contido, especialmente próximo ao público, como por compracer aos nosos seareiros que cada ano acoden nestas datas para escoitar este recital. 

    Este ano a actuación tivo lugar o domingo, 21 de decembro, na capela do Bo Xesús da Catedral de Santa María dirixida pola súa titular, Sara Nebra, interpretando un conxunto de panxoliñas populares e cultas que conformaron o seguinte repertorio:

• En una choza. M. Praetorius. (*)

• 
  Nosa Señora. Tradicional de Galicia.

• The First Noel. Trad. inglés. Arr. John Stainer. (*)

• No pendello. Tradicional de Galicia.      
  

• Blue Christmas. Billy Hayes / Jay Johnson. Arr. J. L. Blasco. (*)

• Puer natus in Bethlehem. Anónimo S. XV. Harm. J. S. Bach.

• Noche de Dios. F. X. Gruber. Arr. José Castiñeira. (*)

• Gaudete. Piae Cantiones. (*)

• Niño Dios d´amor herido. Francisco Guerrero.

        Solistas:

                     Abraham Sánchez Pujante

                     Beatriz Enríquez Parga

                     David Ocón Ruiz

                     Guadalupe Enríquez Parga

                     Marcos M. Fernández Mosquera

                     Sara Nebra

                     Silvia Nadela Villarino

• Noite boa. José Castiñeira

• O Magnum Mysterium. Evan Ramos.

• Linda Noite. Popular do Algarve.

• Transeamus usque Bethlehem. Hubert Cuypers.

• Con un sombreiro de palla. Tradicional de Galicia. (*)

• African Noel. Trad. africano. Arr. Victor Johnson. (*)

• En el portalín de piedra. Víctor Manuel San José. (*)

        Solista: 

                   Marcos M. Fernández Mosquera

        Instrumentistas (*):

                   Frauta travesa: Abraham Sánchez Pujante

                   Frauta de pico: David Ocón Ruiz

                   Adufe: Sara Nebra

                   Clarinete, adufe, darbuka e cunchas: Guadalupe Enríquez Parga.

    Fixo a nosa presentación D. Luís Varela Castiñeira, coengo da catedral e sobriño do noso refundador D. José Castiñeira Pardo, tras a cal deu comezo o concerto coa asistencia de distintas autoridades eclesiásticas e de numeroso público, aos que agradecemos sempre a súa fidelidade.

    Este ano preferiuse adiantar a actuación a unha hora máis temperá;  por unha parte, para dar tempo ao culto da sé e non rematar demasiado tarde dado o rigor do clima nestes días, e por outra parte, para que o coro puidera intervir na misa posterior ao recital e na beizón do belén que a catedral adoita instalar nestas datas.

    Rematado o concerto acompañamos cos nosos cantos unha misa presidida polo bispo da diócese, D. Alfonso Carrasco Rouco, coa dirección coral de Sara Nebra e o acompañamento ao órgano de Nemesio Gutiérrez na que interpretamos o seguinte repertorio:

• Ven, Señor ás nosas almas. Luís de Olano.

• Kyrie en Ré Majeur. Jean Paul Lécot.

• Aleluia. Isauro García Ramos.

• Ave Verum. Jean Paul Lécot.

• Sanctus de Lourdes. Jean Paul Lécot.

• Agnus Dei de la Messe Peuples de la Terre. Gioachino Rossini. Adapt.: Jean Paul Lécot.

• Anima Christi. Marco Frisina.

• La Virgen sueña caminos. Carmelo Erdozáin.

    Finalizada a misa, o prelado, acompañado de varios cargos eclesiásticos, procedeu á beizón do nacemento instalado este ano na nave dereita da catedral, tras o cal o Orfeón interpretou tres panxoliñas:

• Niño Dios d´amor herido. Francisco Guerrero.

• En el portalín de piedra. Víctor Manuel San José.

• Transeamus usque Bethlehem. Hubert Cuypers.

    Finalizou esta intensa xornada para o Orfeón coa gratitude e a felicitación  por parte do señor bispo polo traballo realizado pola nosa formación coral, xesto que sempre agradecemos,  e o desexo dun MOI FELIZ NADAL para todos os presentes.

    Nas imaxes dous momentos da actuación do Orfeón e unha vista do nacemento da Catedral.

    

    

    

    

    

    

    

Polifonía por kilos 2025

    Este ano tamén participamos na campaña Polifonía por kilos, organizada pola Asociación de Amigos do Camiño, dando un pequeno concerto ao finalizar a misa vespertina do sábado 20 de decembro na parroquia de San Antonio de Padua desta cidade.

    Trátase dunha serie de concertos que ofrecen voluntariamente os diferentes coros de Lugo despois da misa que se celebra nas parroquias da capital coa finalidade de aportar alimentos ou diñeiro en metálico que poidan servir de axuda a quen o necesite.

    Nesta ocasión correspondeunos actuar despois do Coro de Amigos do Camiño, dirixido por Esperanza Iglesias, que interviu nas diferentes partes da misa. 

    O Orfeón, dirixido por Sara Nebra, interpretou o seguinte repertorio:

• Nosa Señora. Panxoliña popular galega.

• The First Noel. Tradicional inglesa. Harm. John Stainer.

• Con un sombreiro de palla. Tradicional galega.

• Gaudete. Piae Cantiones 1582.

• Transeamus usque Bethlehem. Hubert Cuypers.

    Na imaxe unha vista do interior da igrexa de San Antonio.

Concerto en San Tirso de Abres

    Por iniciativa da nosa compañeira Remedios Martínez Rodil fomos convidados polo Concello de San Tirso de Abres a dar un recital de panxoliñas na igrexa desta localidade. Así que o día 19 de decembro  puxemos rumbo á comunidade veciña para cumprir co noso cometido.

    Acolleunos unha fermosa igrexa do século XVI situada na parte máis alta do pobo, con dúas amplas portas e dúas naves separadas por arcos de medio punto, moi ben conservada, cun retablo principal de estilo barroco, co teito recuberto de madeira e con moi boa sonoridade. O emprazamento invitaba a cantar con comodidade e boa disposición no espazo.

    Situados nas gradas do altar maior, demos comezo ao concerto con puntualidade ante un público ben agradecido que deu mostras de agrado tanto ao longo do recital como ao seu remate.

    O Orfeón estivo dirixido pola súa titular, Sara Nebra, e interpretou o repertorio seguinte:

• En una choza. M. Praetorius. (*)

• Nosa Señora. Tradicional de Galicia.

• The First Noel. Trad. inglés. Arr. John Stainer. (*)

• No pendello. Tradicional de Galicia.

• Blue Christmas. Billy Hayes / Jay Johnson. Arr. J. L. Blasco. (*)

• Noche de Dios. F. X. Gruber. Arr. José Castiñeira. (*)

• Gaudete. Piae Cantiones. (*)

• Niño Dios d´amor herido. Francisco Guerrero.

        Solistas:

                     Abraham Sánchez Pujante

                     Beatriz Enríquez Parga

                     David Ocón Ruiz

                     Guadalupe Enríquez Parga

                     Marcos M. Fernández Mosquera

                     Sara Nebra

• Noite boa. José Castiñeira.

• 
  O Magnum Mysterium. Evan Ramos.

• Linda Noite. Popular de Portugal.

• Transeamus usque Bethlehem. Hubert Cuypers.

• Con un sombreiro de palla. Tradicional de Galicia. (*)

• African Noel. Trad. africano. Arr. Victor Johnson. (*)

• En el portalín de piedra. Víctor Manuel San José. (*)

        Solista: 

                   Marcos M. Fernández Mosquera

        Instrumentistas (*):

                   Frauta travesa: Abraham Sánchez Pujante

                   Frauta de pico: David Ocón Ruiz

                   Adufe: Sara Nebra

                   Clarinete, adufe, darbuka e cunchas: Guadalupe Enríquez Parga.

    A petición dos ouvintes, o coro interpretou un bis, para o que a directora elixiu a panxoliña popular galega No pendello.

 Finalizou a xornada cunha xuntanza galegoasturiana amenizada polo grupo de gaiteiros Brisas do Eo que fixo a ledicia de todos os presentes. Así rematou unha das xornadas máis divertidas e motivadoras ás que puido asistir o Orfeón nos últimos tempos. Agradecemos á nosa compañeira Reme e ao Concello de San Tirso de Abres a oportunidade que nos brindaron e esperamos poida repetirse noutro momento.

    Nas imaxes, unha vista exterior da igrexa de San Tirso, unha vista do interior e un momento da actuación do Orfeón Lucense.

Misa da Inmaculada 2025

    Este luns, día 8 de decembro, o Orfeón Lucense cantou a misa da festividade da Inmaculada Concepción, como vén sendo habitual. A celebración estivo presidida polo prelado da diócese, D. Alfonso Carrasco Rouco, acompañado de varios coengos e outros cargos catedralicios.

    A nosa coral, dirixida pola súa titular, Sara Nebra, e acompañada ao órgano por Nemesio Gutiérrez, interpretou o seguinte repertorio:

• ¡Qué hermosa sois!
• Señor ten piedade. Gloria. Santo. Año de Deus. Misa Galega. José Castiñeira.
• Aleluia. Isauro García Ramos.
• Hija del pueblo. Alberto Taulé.
• Ave María. Tomás Luis de Victoria (atribuído).
• Da que Deus mamou. Cantiga nº 77. Afonso X o Sabio.

    Na imaxe, Inmaculada Concepción, chamada Esquilache. Bartolomé Esteban Murillo. Óleo sobre lenzo. Museo de l´Hermitage. San Petersburgo.