martes, 8 de abril de 2014

Novo prefecto de música

A catedral de Lugo volve ter prefecto de música



O sacerdote Luís Varela Castiñeira foi nomeado novo cóengo da catedral de Lugo, onde desempeñará o oficio de prefecto de música.
Segundo informou este martes o obispado, este posto estaba vacante desde 1989 e o seu anterior titular era José Castiñeira Pardo, precisamente tío do novo cóengo.
O nomeamento foille entregado este martes polo bispo, Afonso Carrasco Rouco, nun acto no que estiveron presentes o deán da catedral, Gonzalo Fraga Vázquez e o vigairo xeral da diocese e secretario do cabildo, Mario Vázquez.
Varela Castiñeira naceu en Lugo o 3 de xullo de 1981, é presbítero desde 2006 e ten a licenciatura en canto gregoriano, polo Pontificio Instituto Ambrosiano de Música Sacra de Milán, ademais dos estudos profesionais de piano.
Entre as ocupacións do cóengo prefecto de música están as de organizar todo o referente á parte musical, enriquecer e ordenar o seu arquivo; promover a participación do pobo no canto litúrxico; ensaiar ao cabildo, ao pobo e aos grupos musicais que hai na catedral.