Concerto na Biblioteca Nodal 2025

    O luns, 22 de decembro, acudimos á Biblioteca Nodal de Lugo para dar un concerto por invitación da súa directora, María Isabel Pérez Fórneas, cita que xa vén sendo habitual para o Orfeón.

   O recital tivo lugar no salón de actos da institución coa asistencia de autoridades da vida pública lucense e un auditorio formado cada vez por un maior número de ouvintes, en palabras da propia directora, ante os que a nosa agrupación, dirixida  por Sara Nebra, interpretou o seguinte repertorio:

• 
  En una choza. M. Praetorius. (*)

• Nosa Señora. Tradicional de Galicia.

• The First Noel. Trad. inglés. Arr. John Stainer. (*)

• No pendello. Tradicional de Galicia.

• Blue Christmas. Billy Hayes / Jay Johnson. Arr. J. L. Blasco. (*)

• Noche de Dios. F. X. Gruber. Arr. José Castiñeira. (*)

• Gaudete. Piae Cantiones. (*)

• Noite boa. José Castiñeira.

• O Magnum Mysterium. Evan Ramos.

• 
  Linda Noite. Popular de Portugal.

• Transeamus usque Bethlehem. Hubert Cuypers.

• Con un sombreiro de palla. Tradicional de Galicia. (*)

• African Noel. Trad. africano. Arr. Victor Johnson. (*)

• En el portalín de piedra. Víctor Manuel San José. (*)

     Solista: 

                   Marcos M. Fernández Mosquera

     Instrumentistas (*):

                   Frauta travesa: Abraham Sánchez Pujante

                   Frauta de pico: David Ocón Ruiz

                   Adufe: Sara Nebra

                   Clarinete, adufe, darbuka e cunchas: Guadalupe Enríquez Parga.

    A petición do público a nosa directora decidiu obsequialo coa interpretación dun bis, para o cal elixiu a panxoliña tradicional galega Con un sombreiro de palla.

  Ao finalizar o concerto fomos felicitados pola directora da Biblioteca que manifestou o seu contento pola nosa presenza, xesto que agradecemos, e emprazounos a volver  o próximo ano.

   Trala despedida, os compoñentes da nosa agrupación desprazámonos ata o noso local para celebrar o Nadal e felicitarnos nestas datas.

   Nas imaxes dous momentos da actuación na Biblioteca Nodal.

 

  

    

Concerto en San Tirso de Abres

    Por iniciativa da nosa compañeira Remedios Martínez Rodil fomos convidados polo Concello de San Tirso de Abres a dar un recital de panxoliñas na igrexa desta localidade. Así que o día 19 de decembro  puxemos rumbo á comunidade veciña para cumprir co noso cometido.

    Acolleunos unha fermosa igrexa do século XVI situada na parte máis alta do pobo, con dúas amplas portas e dúas naves separadas por arcos de medio punto, moi ben conservada, cun retablo principal de estilo barroco, co teito recuberto de madeira e con moi boa sonoridade. O emprazamento invitaba a cantar con comodidade e boa disposición no espazo.

    Situados nas gradas do altar maior, demos comezo ao concerto con puntualidade ante un público ben agradecido que deu mostras de agrado tanto ao longo do recital como ao seu remate.

    O Orfeón estivo dirixido pola súa titular, Sara Nebra, e interpretou o repertorio seguinte:

• En una choza. M. Praetorius. (*)

• Nosa Señora. Tradicional de Galicia.

• The First Noel. Trad. inglés. Arr. John Stainer. (*)

• No pendello. Tradicional de Galicia.

• Blue Christmas. Billy Hayes / Jay Johnson. Arr. J. L. Blasco. (*)

• Noche de Dios. F. X. Gruber. Arr. José Castiñeira. (*)

• Gaudete. Piae Cantiones. (*)

• Niño Dios d´amor herido. Francisco Guerrero.

        Solistas:

                     Abraham Sánchez Pujante

                     Beatriz Enríquez Parga

                     David Ocón Ruiz

                     Guadalupe Enríquez Parga

                     Marcos M. Fernández Mosquera

                     Sara Nebra

• Noite boa. José Castiñeira.

• 
  O Magnum Mysterium. Evan Ramos.

• Linda Noite. Popular de Portugal.

• Transeamus usque Bethlehem. Hubert Cuypers.

• Con un sombreiro de palla. Tradicional de Galicia. (*)

• African Noel. Trad. africano. Arr. Victor Johnson. (*)

• En el portalín de piedra. Víctor Manuel San José. (*)

        Solista: 

                   Marcos M. Fernández Mosquera

        Instrumentistas (*):

                   Frauta travesa: Abraham Sánchez Pujante

                   Frauta de pico: David Ocón Ruiz

                   Adufe: Sara Nebra

                   Clarinete, adufe, darbuka e cunchas: Guadalupe Enríquez Parga.

    A petición dos ouvintes, o coro interpretou un bis, para o que a directora elixiu a panxoliña popular galega No pendello.

 Finalizou a xornada cunha xuntanza galegoasturiana amenizada polo grupo de gaiteiros Brisas do Eo que fixo a ledicia de todos os presentes. Así rematou unha das xornadas máis divertidas e motivadoras ás que puido asistir o Orfeón nos últimos tempos. Agradecemos á nosa compañeira Reme e ao Concello de San Tirso de Abres a oportunidade que nos brindaron e esperamos poida repetirse noutro momento.

    Nas imaxes, unha vista exterior da igrexa de San Tirso, unha vista do interior e un momento da actuación do Orfeón Lucense.

Actuación no acendido do alumeado da Deputación

    Este ano fomos convidados a actuar con motivo do acendido do alumeado navideño da Deputación. Así que o día 4 de decembro dispuxémonos a cantar o noso primeiro recital de Nadal.

  Comezaron o acto Os Bolechas no salón de actos do Pazo de San Marcos presentando o seu libro Unha viaxe por Lugo. Unha provincia natural ante o seu público infantil ao que agasallaron cun exemplar.

    A continuación o Orfeón, nunha carpa situada diante do edificio, ofreceu a primeira parte do seu repertorio, tras a cal o presidente da Deputación acendeu o alumeado que adorna o edificio nestas datas, acto ao que seguiu a interpretación da segunda parte do noso recital.

    O programa ofrecido nesta ocasión, baixo a dirección de Sara Nebra, foi o seguinte:

• En una choza. M. Praetorius. (*)

• Nosa Señora. Tradicional de Galicia.

• The First Noel. Trad. inglés. Arr. John Stainer. (*)

• No pendello. Tradicional de Galicia.

• 
  Blue Christmas. Billy Hayes / Jay Johnson. Arr. J. L. Blasco. (*)

• Puer natus in Bethlehem. Lucas Lossius. Harm. J. S. Bach.

• Noche de Dios. F. X. Gruber. Arr. José Castiñeira. (*)

• Gaudete. Piae Cantiones. (*)

• Noite boa. José Castiñeira.

• Linda Noite. Popular do Algarve.

• Transeamus usque Bethlehem. Hubert Cuypers.

• Con un sombreiro de palla. Tradicional de Galicia. (*)

     Instrumentistas (*):

                   Frauta travesa: Abraham Sánchez Pujante

                   Clarinete, adufe e cunchas: Guadalupe Enríquez Parga.

    Hai que salientar que, dada a climatoloxía, foi meritorio que houbera alguén escoitándonos nunha actuación no exterior, pois o frío e as constantes precipitacións con vento asociado foron as notas do día.

    Para rematar a xornada fomos agasallados cunha invitación no interior do edificio, que agradecemos.

    Enlazamos imaxes tomadas do Servizo de Audiovisuais da Deputación alusivas á actuación do Orfeón Lucense diante do Pazo de San Marcos neste día.

    

    

    

Actuación na homenaxe a Francisco Cacharro Pardo

     O pasado día 5 de novembro o Orfeón foi convidado por medio do seu Presidente, a participar na homenaxe a Francisco Cacharro Pardo con motivo dos dez anos do seu pasamento.

    O acto tivo lugar no salón de actos da Facultade de Veterinaria desta cidade conducido polo noso Presidente, Xulio Xiz, coa asistencia da familia, numerosas autoridades, entre elas, o Presidente da Xunta de Galicia, gran número de alcaldes, simpatizantes e amigos do finado.

    A actuación da nosa coral estivo dirixa por Abraham Sánchez Pujante e o repertorio interpretado foi o seguinte:

• O voso galo, comadre. Tradicional. Arr.: Miguel Groba.
• Va pensiero. Coro de escravos hebreos da ópera Nabucco. Giuseppe Verdi.
• Himno Galego. Eduardo Pondal / Pascual Veiga. 

    Nesta última peza fomos acompañados polo gaiteiro Sergio del Río, da agrupación Bágoas da Terra, de Viveiro, quen tamén iniciou o acto interpretando o Himno do Antigo Reino de Galicia.

    No transcurso do acto comunicouse por parte de Xulio Xiz e Antonio Giz a existencia dunha exposición itinerante, unha páxina web e un libro da autoría de ambos, con numerosas colaboracións, que versan sobre a figura do homenaxeado; libro repartido gratuitamente ao concluír a xuntanza.

    Na fotografía que segue recóllese un momento da celebración.

    

Concerto en Grijota (Palencia)

  Grijota é unha localidade de menos de 3.000 habitantes situada a 5 km. de Palencia. De alí recibimos unha invitación para facer un intercambio co coro Regina Angelorum e aceptamos gustosos. Así que o día 14 de decembro puxémonos en camiño.

 Foi unha viaxe agradable e sen incidentes a destacar con chegada para o xantar e un tempo de descanso posterior ata a hora convida para reunirnos na igrexa da Santa Cruz.

  É un templo grande do S. XVI situado na Praza Maior do pobo con elementos renacentistas e barrocos no que destaca un fermoso retablo dorado do S. XVII cunha gran escultura de Santa Elena e un órgano do S. XVIII decorado con motivos vexetais e animais que no verán é utilizado para concertos dentro das Rutas Palentinas do Órgano Barroco.

  Despois de admirar o magnífico marco no que íamos cantar e comprobar a súa boa acústica, comezamos a preparación previa ao concerto. 

   A velada iniciouse,ante un templo repleto de público, con varias pezas de temática navideña a cargo da coral Regina Angelorum, dirixida por Mª Belén Cordón Pérez, continuando coa intervención do Orfeón Lucense, dirixido por Marcos Fernández Mosquera co seguinte programa:

  - Drop, drop, slow tears. O. Gibbons.

  - Ecce novum gaudium. 17th century Scottish song books.

  - Es ist ein ´Ros´entsprungen. M Praetorius.

  - Eu hei-de m´ir ao presépio. M de Sampaio Riveiro.

  - Natal de Elvas. M. de Sampaio Riveiro.

  - Na noite máis fermosa. Adap. V. R. Abeijón.

  - Noiteboa. J. Castiñeira.

  - Ya viene la vieja. Trad. español. Harm.: A. Parker / R. Shaw.

 - Señor, oye mi voz. A. Cuevas Castillo / D. Cuevas Sánchez.

  - African Noël. Trad. africana. Adap. V . C. Johnson.

  - Dime, Niño, de quién eres. Popular.

  Rematada a audición, na que os espectadores participaron activamente, foille entregado a un representante da agrupación unha placa conmemorativa do noso paso por Grijota seguido dun ágape de confraternización, convidados xenerosamente polos nosos anfitrións.

  Tocaba despedirnos, agradecidos pola boa acollida, e voltar ao hotel para o día seguinte facer unha visita guiada pola cidade de Palencia; cidade que sorprendeu a todos agradablemente por humanizada, fermosa, sobria e cun gran interese artístico e patrimonial, do que son boa mostra a catedral, a terceira máis grande de España, e o museo, así como diferentes edificios modernistas, esculturas, templos e outras construcións civís.

   Enlazamos a continuación o programa de man do concerto. 

Misa da Virxe do Carme 2024

   Tamén este ano fomos convidados a cantar na misa da Virxe do Carme.

   Debido a que continúan as obras de restauración da súa capela, a celebración tivo lugar na igrexa de San Pedro, estivo presidida polo prelado da diócese, D. Alfonso Carrasco Rouco e a ela asistiron diferentes autoridades locais e da Comunidade autónoma.

   O Orfeón, dirixido por Marcos Fernández Mosquera, interpretou o seguinte repertorio:

  -  Saúde, clara estrela. X. Portas Ferro / I. García Ramos

  .  Kyrie en Ré Majeur. J. P. Lécot.

  -  Gloria de Lourdes. J. P. Lécot.

  -  Alléluia dit "Irlandais". L. Deiss /J. P. Lécot.

  - Ave Verum. J. P. Lécot.

  - Sanctus de Lourdes. J. P. Lécot.

  - Agnus Dei da la Messe "Peuples de la Terre". J. P. Lécot.

  - Ave Maria. T. L. de Victoria.

  - O Pan do Ceo. X- Portas Ferro / I. G. Ramos.

  - Himno a la Virgen del Carmen. Letamendía.

   

   Finalizada a cerimonia, tivo lugar a procesión polas rúas do centro histórico, que foi seguida por numerosos asistentes ao acto, entre os que se encontraban un bo número de señoras ataviadas con mantilla branca.

   Na imaxe, un momento previo ao inicio do acto.

   

  

   

Actuación no X Festival Internacional de Órgano

   Onte tivemos o privilexio de participar no X Festival Internacional de Órgano no seu concerto inaugural.

   Compartimos cartel co organista italiano Eugenio Maria Fagiani, que interpretou un interesante repertorio variado e atractivo  do século XVII ao XX.

   O Orfeón ofreceu unha fermosa selección  de pezas sacras compostas entre os séculos XIX e XXI, algunhas a capela e outras acompañadas polo mestre organista. Velaquí o programa:

   Johann Sebastian Bach (1685-1750)

   Fantasia, BWV 572

   Para órgano

   Felix Mendelssohn (1809-1847)

   Allein Gott In der Höh sei Ehr 

   Frauta: Abraham Sánchez Pujante

   Clarinete: Lupe Enríquez Parga

   Niels Wilhelm Gade (1817-1890)

   Morgengesang 

   Padre Davide da Bergamo (1791-1863)

   Elevazione con tromba obbligata

   Para órgano

   Johannes Brahms (1833-1897)

   Geistliches Lied 

   Giacomo Puccini (1858-1924)

   Requiem

   Viola: Nuria Fernández Álvarez

   Giovanni Morandi (1777-1856)

   Offertorio in fa minore

   Para órgano

   Jouzas Naujalis (1869-1934)

   In monte oliveti 

   Jose Castiñeira Pardo (1928-1989)

   Magnificat 

   Urmas Sisask (1960-2022)

   Heliseb väljadel

   Soprano: Sara Nebra

   Marco Enrico Bossi (1861-1925)

   - Intermezzo lirico

   - Scherzo (da “Sinfonia Tematica”)

   Para órgano

   Camille Saint-Saëns (1835-1921)

   Tollite Hostias

   Preparamos este concerto con moito cariño, agrado e especial emoción, pois a selección de obras interpretada conseguiu atraparnos e emocionarnos desde o principio pola súa beleza.

  Agradecemos a todas e todos os nosos seareiros a súa asistencia e todas as mostras de afecto e ánimo que recibimos despois do concerto e que nos dan forza para seguir.

  Ata o día 9 proseguirán interesantes actuacións que poden consultarse neste programa completo do Festival.

 Enlazamos aquí o vídeo dunha das pezas interpretadas no concerto, Morgengesang de Niels Wilhelm Gade, fermosa montaxe que agradecemos a Marco Antonio López Grande. 

   

Misa e concerto en O Corpiño

    Con motivo do Ano Santo Mariano fomos invitados polo parroco, D. José Criado, a cantar no Santuario de Nosa Señora do Corpiño, perto de Lalín. O Orfeón aceptou con agrado e este sábado, día 11 de maio, viaxamos alí.

   A misa foi oficiada polo párroco do Santuario e o Orfeón, dirixido por Marcos Fernández Mosquera e acompañado ao órgano por D. Luís Varela Castiñeira, Prefecto de Música da Catedral de Lugo, interpretou as pezas seguintes:

   - Hija del pueblo. A. Taulé.

   - Kyrie en Re Majeur. J. P. Lécot.

   - Aleluia. I. G. Ramos.

   - Ave verum. J. P. Lécot.

   - Sanctus. Misa de Lourdes. J. P. Lécot.

   - Agnus Dei. Messe Peuples de la Terre. J.P. Lécot.

   - Ave Maria. T. L. de Victoria.

   Finalizada a misa o Orfeón ofreceu aos asistentes un pequeno concerto constituído por pezas relixiosas e profanas.

   D. José Criado agradeceu a presenza da nosa agrupación e explicou aos presentes a historia e a lenda do Santuario do Corpiño. A continuación entregoulle ao noso director un agasallo para a agrupación e a cada un dos compoñentes do coro unha pulseira conmemorativa do Ano Santo Mariano.

   De volta para Lugo paramos en Lalín para celebrar un xantar de confraternidade ao que asistiu tamén D. José Criado.

                                   Santuario de Nosa Señora do Corpiño

    

Concerto en Burela

  A primeira actuación deste curso foi na Casa da Cultura de Burela por invitación da Coral Polifónica de dita localidade que retomaba a actividade co seu I Concerto de Outono despois dun tempo de pausa.

 Compartimos escea coa agrupación anfitriona e a Rondalla Estrelecer de Fene, dirixidas por Lucía Expósito Martínez e Javier Amado, respectivamente.

  En primeiro lugar a Rondalla Estrelecer interpretou as seguintes composicións:

   - Canción del mar. Adap. Javier Amado Fdez.

   - India. Adap. Javier Amado Fdez.

   - El mar. Adap. Javier Amado Fdez.

   - Río de Camalotes. Versión Javier Amado Fdez.

   - O vira vira. Fuxan os Ventos.

   A continuación o Orfeón, dirixido por Marcos Fernández Mosquera, interpretou o seu repertorio:

   - Gabriel's oboe. E. Morricone. Arr. P. Rowlands.

   - Ó rama. Popular portuguesa. Arr. A. Martins.

   - Bullerengue. Ritmo colombiano. Arr. J. A. Rincón.

   - La flor. E. Martínez Torner.

   - Cando vexas. Popular galega. Arr. J. Castiñeira.

   Cerrou o turno de actuacións a Coral Polifónica de Burela que ofreceu aos asistentes estas  pezas:

   - Senhora do Almurtao. Trad. de Portugal. Harm. Julio Domínguez.

   - Guantanamera. Joseíto Fernández. Arr. Electo Silva.

   - Siyahamba. Canción zulú.

   - Quen puidera namorala. Letra: A. Cunqueiro. Música: E. Batallán.

  Hai que destacar que neste concerto facían o seu debut catro compoñentes do noso coro: Ricardo Coria Abel, María Paz Gómez Cabanas, Rosa Souto Saá e Trinidad  Vázquez Luaces; todos eles coa ilusión natural da súa primeira vez.

  Despois das actuacións as tres corais compartimos un ágape de confraternidade que rematou con cantos compartidos e afectuosas mostras de agradecemento e despedida.

  Nas imaxes, un momento do noso concerto na Casa da Cultura de Burela.

   

   

   

Misa da Virxe do Carme

    Fomos invitados a cantar un ano máis a Misa da Virxe do Carme. Por obras de restauración na capela do seu nome, a celebración levouse a cabo na Igrexa de San Pedro. 

   A liturxia estivo presidida por D. Alfonso Carrasco Rouco, prelado da diócese, e nela o Orfeón Lucense interpretou o repertorio seguinte:

   - Hija del pueblo. Música: Alberto Taulé. Letra: Ángeles R. Fontela.

   - Kyrie. Misa de Lourdes. J.P.Lécot.

   - Gloria. Misa de Lourdes. J.P.Lécot.

   - Alleluia dit irlandes. J.P.Lécot.

   - Ave Verum. J. P. Lécot.

   - Sanctus. Misa de Lourdes. J.P. Lécot.

   - Ave María. T. L. de Victoria.

   - Himno a la Virgen del Carmen. M. Letamendia. 

Igrexa de S. Pedro

   

Misa da Nosa Señora do Carme

  Onte, 16 de xullo, celebrouse na capela do Carme a misa na honra da súa padroa e o Orfeón foi invitado a amenizar musicalmente este solemne acto.

   O repertorio interpretado foi o seguinte:

   - A Vós, Reina venimos. Fr. José J. de la Natividad, C.D.

   - Kyrie en Re Majeur. J. P. Lécot.

   - Gloria de Lourdes. J. P. Lécot.

   - Alleluia (Cántico dell'Agnello). M. Frisina.

   - Deus do Universo. L. Olano.

   - Santo. Misa Alrededor de tu Mesa. F. Palazón.

   - Cordero de Dios. Misa Alrededor de tu Mesa. F. Palazón.

   - O Pan do Ceo. X. Portas Ferro.

   Despois da celebración iniciouse unha procesión até a catedral seguida por numeroso público e alí o Orfeón despediu a celebración cantando o Himno a la Virgen del Carmen.

   Na imaxe dous momentos previos ó inicio da solemnidade.

     

O Orfeón no Belén de Begonte

  O sábado pasado inaugurouse por quincuaxésima vez o Belén de Begonte. En 1972 Xosé Domínguez Guizán e Xosé Rodríguez Varela empezaron a traballar na idea de construir un belén coas peculiaridades dunha aldea do interior de Galicia. A idea fructificou, engadíndolle cada ano novos elementos ata o que coñecemos na actualidade, cincuenta anos despois.

  Deu comezo o acto coa presentación a cargo do noso Presidente e membro do Colectivo Egeria, Xulio Xiz, que salientou a particularidade  de dita celebración e fixo unha semblanza da historia do Belén.

   Por ser unha celebración especial e por ser o primeiro ano do seu mandato como prelado da diócese, Fernando García Cadiñanos, bispo de Mondoñedo - O Ferrol, foi o pregoeiro do nadal begontino. 

  O ilustre pregoeiro convidou aos presentes a ver o 'pequeno milagre' que é o belén cos ollos dun neno e adicoulle ao Neno que nace un poema de Manuel Regal titulado Que ben que viñeses, Xesús como acollida ao seu nacemento.

 O Orfeón dirixido por Marcos Fernández Mosquera e a banda Sons e Soños por Armando Morales puxeron o acompañamento musical ao evento, en ocasións conxuntamente.

 A nosa agrupación coral acompañou a misa  e ao final ofreceu un pequeno concerto. O repertorio foi o seguinte:

   Misa:

     - El tamborilero. K. K. Davis.  (Acomp. pola banda Sons e Soños).

     - Señor ten piedad. Misa Alrededor de tu Mesa. F. Palazón.

     - Aleluya. I. García Ramos.

     - Santo. Misa Pascual. X. Castiñeira.

     - Cordero de Dios. A. Taulé.

     - Noche de Paz. F. X. Gruber. Arr. X. Castiñeira. (Acomp. pola banda Sons e Soños)

   Concerto:

      - En una choza. M. Praetorius.

      - Linda noite. Popular do Algarve.

      - La vieja. Trad. española. Harm. A. Parker e R.Shaw.

   

   

Concerto en Pontedeume

  A Coral Polifónica de Chantada e o Orfeón Lucense foron invitados pola Coral Polifónica Eumesa para celebrar o Concerto de Santa Icía.

 O concerto tivo lugar na Igrexa Parroquial Monumental de Santiago de Pontedeume. Un amplo e fermoso templo no que se mesturan o neoclásico, o barroco e o gótico tardío e que alberga no seu interior o sepulcro de Fernando de Andrade entre outros elementos de gran valor artístico. Causounos unha moi grata impresión ver o marco no que iamos cantar, despois dunha viaxe na que o bo tempo non acompañou.

   Orfeón Lucense, Coral Polifónica de Chantada e Coral Polifónica Eumesa dirixidas por Marcos Fernández Mosquera, Marcos Fernández Varela e Xosé Paz Fernández, respectivamente, interpretaron os seus programas tal como figuran no díptico que se adxunta máis abaixo.

   Ao final do acto a coral eumesa entregou unha placa conmemorativa a unha das súas coralistas que cumpría 25 anos na formación e sendos agasallos ás agrupacións invitadas. Rematou a xornada cun ágape de confraternidade entre todos os membros.

    A continuación enlazamos o audio dunha das nosas pezas do concerto: La flor ( E. M. Torner). Pica na imaxe superior para escoitalo.

Convidados ao XXXIV Festival de Polifonía e Panxoliñas

Onte tivemos a honra de actuar no Auditorio Carmen Estévez de Vilalba invitados pola Coral Polifónica Vilalbesa e en compañía da Coral Polifónica Luar con motivo da celebración do XXXIV Festival de Polifonía e Panxoliñas.

A Coral Polifónica Vilalbesa, a Coral Polifónica Luar e o Orfeón Lucense, dirixidos por Uxío García Amor, José Miguel Díaz Coira e Marcos Manuel Fernández Mosquera respectivamente, ofreceron ao público unha selección musical composta por panxoliñas, cantos tradicionais e modernos.

O repertorio interpretado polo Orfeón foi o seguinte:

- Drop, drop slow tears. O. Gibbons.

- Linda noie. Popular do Algarve.

- Gabriel's oboe. E. Morricone. Arr. P. Rowlands.

- Canto de berce para unha princesa negra. A. R. Sabanés. Arr. D. Antolí i Plaza.

- O meu amor mariñeiro. X. L. Rivas. Arr. Bieito Blanco.

A alcaldesa de Vilalba, Elba Veleiro,  agradeceu a participantes e ouvintes a súa presenza. O concerto rematou coa entrega de obsequios a representantes das tres corais e para concluir a xuntanza degustamos unha cea de confraternidade. 

O Orfeón agradece a acollida e o trato dispensado polos anfitrións, cos que esperamos volver a coincidir pronto. Foi un pracer compartir música, escea e mantel con estas agrupacións corais, xa amigas.

    Cartel do XXXIV Festival de Polifonía e Panxoliñas

Un momento da actuación en Vilalba

Grazas, Coro do Liceo de Ourense

Agradecemos á directora, membros do Coro do Liceo e en especial á súa directiva a cálida acollida que nos dispensaron o pasado día 30 nas súas magníficas instalacións. Esperamos volver a ter pronto a ocasión de compartir outra xornada agradable, tanto no eido musical como no persoal. 

Para lembrar esta data recibimos este agarimoso agasallo: