luns, 3 de setembro de 2018

Voltamos!

Como cada mes de setembro, o Orfeón Lucense volve aos ensaios e rutinas no local da rúa do Cruce, número 5 (moi cerquiña do Pavillón de Deportes) e baixo a dirección de Marcos Fernández Mosquera.
Pero isto non está dirixido só ás mulleres e homes que forman parte do Orfeón Lucense: eles e elas xa saben que os ensaios se reanudan o pr​óximo venres, 7 de setembro, a partir das 19.30h, que haberá novas pezas no repertorio e que a ilusión de todos ao afrontar este novo curso será a mesma de sempre.
Dirixímonos principalmente a ti: se che gusta cantar e estás interesado ou interesada en formar parte da nosa agrupación, ponte en contacto connosco no local de ensaio da rúa do Cruce, 5, todos os venres entre as 19.30 e as 21.30.