domingo, 30 de decembro de 2018

Nadal na rúa 2018

Participamos na actividade Nadal pola provincia, organizada pola Deputación de Lugo, animando a rúa cos nosos cantos o 28 de decembro na Porta do Bispo Aguirre, na Praza Maior e na Praza de Santa María. Aquí as imaxes:





venres, 28 de decembro de 2018

Solistas do Concerto de Nadal 2018 (2)

Continuamos cos nosos solistas do Concerto de Nadal:


Sara Cruz e Silvia Nadela, sopranos. Divertiron e sorprenderon aos presentes interpretando con boa impostación e expresividade o Duetto buffo di due gatti de Gioachino Rossini. Estiveron acompañadas ó piano por Carlos Rodríguez, aportando entre os tres a nota máis humorística do concerto.







Marcos Manuel Fernández Mosquera, director do Orfeón Lucense. Ademais das funcións propias do seu cargo, interpretou coa súa voz cálida e expresiva un vilancico con texto tomado do folklore español que adaptou e compuxo o portorriqueño Amaury Veray. O seu título, Villancico yaucano. Ó piano, Carlos Rodríguez.





Nacho Samena,
pianista e mago. Actuou como pianista acompañante en diversas pezas e ademais púxolle o acento máxico ó noso Nadal. Co fondo musical do Hallelujah de Leonard Cohen cantado polo Orfeón, asombrou aos asistentes facendo xurdir da nada a iluminación dunha árbore de Nadal.





xoves, 27 de decembro de 2018

Solistas do Concerto de Nadal 2018 (1)

Sempre nos gusta destacar por mérito propio aos nosos solistas. Neste Concerto de Nadal participaron, por orde de intervención, os seguintes:

Javier Rodríguez, baixo. Acompañado polas voces femininas do Orfeón interpretou na súa tesitura profunda e ben timbrada Noites frías de Nadal, unha bela melodía rusa arreglada por Aleksandr Sveshnikov para a que adaptou unha fermosa letra Toño Núñez, poeta, prosista e docente, a quen agradecemos a súa colaboración.






Carlos Rodríguez, pianista e violinista. Estreou unha peza delicada e complexa composta por el mesmo para esta ocasión titulada El Nacimiento de Jesús que interpretou ó violín con sensibilidade e virtuosismo.








Javier Schofield, tenor. Deleitounos como acostuma cunha das súas mellores interpretacións. Esta vez foi Annie´s song, precioso tema folk rock e country dos anos setenta con letra e música de John Denver. Acompañouno ó piano Nacho Samena.


martes, 25 de decembro de 2018

Novas incorporacións ó repertorio

Inserimos aquí os vídeos dalgunhas pezas que foron estreadas no Concerto de Nadal celebrado o pasado día 22 de decembro na igrexa da Nova. En primeiro lugar unha peza escrita e composta por Larry Sue titulada I see the power of God:


 
Gabriel, el Ángel é unha melodía inglesa con arreglo de Edgar Pettman que foi traducida para o Orfeón Lucense por Carlos Rodríguez, violinista e pianista galego residente en Bristol (Reino Unido):

 
   
   
       Para rematar, unha cantiga de Nadal tradicional do Algarve, Linda noite:

mércores, 19 de decembro de 2018

Programa do Concerto de Nadal 2018

Este é o programa co que vos felicitaremos estas festas se asistides ó noso Concerto de Nadal o vindeiro sábado, día 22 de decembro, ás 20:30 h  na Igrexa da Nova. ESTADES CONVIDADOS E CONVIDADAS!!!! Merece a pena!!!


martes, 11 de decembro de 2018

Reseña e recoñecemento

Queremos agradecer a Ramón Cabarcos las bonitas palabras que nos dedica en la prensa de hoy. Seguiremos disfrutando de la música coral!!!!!!! que queda mucho y bueno.
In bocca al lupo, compañeros





El Progreso (11.12.18)

domingo, 9 de decembro de 2018

Concerto de Nadal do Orfeón Lucense

O próximo 22 de decembro, sábado, ás 20,30 h., o Orfeón Lucense ofrecerá o seu tradicional Concerto de Nadal, na igrexa de Santiago-A Nova, ao que invita a todos os lucenses.

O Orfeón, Coro oficial da Catedral de Lugo, que estará dirixido polo seu titular, Marcos Fernández Mosquera, ofrecerá un recital con panxoliñas do folclore galego e de todo o mundo, no que a agrupación estará acompañada por Carlos Rodríguez, violinista galego residente en Bristol (Reino Unido), colaborador do Orfeón nestes últimos anos, que viaxa á capital lucense para disfrutar das vacacións de Nadal.
Dúas actuacións máis ofrecerá o Orfeón aos  lucenses antes do remate do ano, xa que o próximo 27 de decembro, dentro da campaña “CANTOS DE NADAL 2018” que promove a Deputación Provincial de Lugo,  cantará a misa vespertina (19,30h.) e dará un recital de cantos de Nadal na igrexa parroquial de A Milagrosa, e o 28, ás 20,00h. cantará panxoliñas polo centro da cidade.

venres, 7 de decembro de 2018

Solidariedade



Como en anos anteriores, o Orfeón Lucense participará en Polifonía por Kilos, a campaña solidaria de recollida de alimentos, cantando o próximo domingo, 9 de decembro, ás 12.30 na parroquia de San Francisco Xavier, e primeiro lugar a misa, e a continuación un concerto, segundo o seguinte repertorio: 

MISA

Señor, ten piedad (Palazón)
Sanctus (Schubert)
Cordero de Dios (Taulé)
Ven, Señor, ás nosas almas
Más cerca, oh, Dios, de Ti 

CONCERTO

Gabriel, el Ángel del Señor
Linda noite
Meu amor é mariñeiro (Alegre-Pousa-Rivas)
Aurtxuo Seaskan (Olaizola-Sagarzazu)
Perhaps love (John Denver)
Ó linda rama (Popular portuguesa, arr. Adelino Martins)
Chantez alleluia! (Dave e Jean Perry)

luns, 3 de setembro de 2018

Voltamos!

Como cada mes de setembro, o Orfeón Lucense volve aos ensaios e rutinas no local da rúa do Cruce, número 5 (moi cerquiña do Pavillón de Deportes) e baixo a dirección de Marcos Fernández Mosquera.
Pero isto non está dirixido só ás mulleres e homes que forman parte do Orfeón Lucense: eles e elas xa saben que os ensaios se reanudan o pr​óximo venres, 7 de setembro, a partir das 19.30h, que haberá novas pezas no repertorio e que a ilusión de todos ao afrontar este novo curso será a mesma de sempre.
Dirixímonos principalmente a ti: se che gusta cantar e estás interesado ou interesada en formar parte da nosa agrupación, ponte en contacto connosco no local de ensaio da rúa do Cruce, 5, todos os venres entre as 19.30 e as 21.30.


venres, 6 de xullo de 2018

I Noite Coral Lucense

 Este ano o III Curso de Música Litúrxica do Corpus Christi de Lugo organiza para o 7 de xullo entre as 21h e as 23.30 h. un circuíto nocturno de concertos por templos da cidade, concluíndo cun concerto final na Praza de Santa María. É un acto programado polo Centro Eucarístico Lucense e a Delegación Diocesana de Liturxia en colaboración co Concello de Lugo.
 PARTICIPANTES 
- Coral do Hospital Xeral-Calde, Lugo. Fernando G. Jácome, director. 
- Gruppo Vocale S. Bernardo, Saronno (Italia). Pietro Tagliaferri, saxofón soprano. Giulio Mercati, director. 
- Orfeón Lucense, Lugo. Marcos Fernández Mosquera, director. 
- Solo Voces, Lugo. Fernando G. Jácome, director. - Noemí Mazoy, soprano. 
- Grupo de Cámara da Banda Filarmónica, Lugo. Iván Martínez Sabio, director.
 CONCERTO I: Capela de San Roque, 21.00-21.20 h. Gruppo Vocale S. Bernardo.
Programa:
Guillaume Dufay (c.1397-1474): Ave, Regina caelorum
Josquin des Prez (1450-1521): Tu solus qui facis mirabilia 
Tomás Luis de Victoria (1548-1611): Vexilla regis

CONCERTO II: Igrexa de Santiago a Nova, 21.30-21.50 h. Orfeón Lucense.
Programa: 
Giovanni Luigi da Palestrina (1525-1594): Sicut cervus.
 Tomás Luis de Victoria (1548-1611): Ave Maria.
 Michelangelo Grancini (1609-1669): Dulcis Christe.
 Jauzas Naujalis (1869-1934): In monte Oliveti.
 Gabriel Fauré (1845-1924): Cantique de Jean Racine.
 Reuben A. Burrows: Non nobis Domine.

CONCERTO III: Igrexa de San Froilán, 22.00-22.20 h. Solo Voces.
 Programa:
Anónimo: Magnificat I toni
Manuel Méndez (1750 ca. - 1817): Salmo 143 (Benedictus Dominus Deus meus)
Manuel Méndez: Salmo 127 (Beati omnes qui timent Dominum)

CONCERTO IV: Igrexa de San Pedro, 22.30-22.50 h. Coral do Hospital Xeral-Calde.
 Programa: 
Christopher Tye (1505 – 1572): Laudate nomen Domini.
Thomas Talis (1505 – 1585): If ye love me
Tomás Luis de Victoria (1548 – 1611): Domine, non sum dignus 
Lowel Mason (1792 – 1872): Cerca de Ti, Señor
Xoán Montes (1840 – 1899): Benedictus
Lorenzo Perosi (1872 – 1956): O salutaris 
Jakob Arcadelt (1507 – 1568): Ave Maria

CONCERTO FINAL: Pza. de Santa María, 23.00-23.30 h. Todos os grupos e a Filharmónica, en total actuarán case 100 coristas.
Programa: 
Joseph Haydn (1732-1809): Misa No. 7 en Sib mayor, “Missa brevis Sancti Joannis de Deo”, Hob.XXII:7. (c. 1775). 
C. Franck (1822-1890): Panis angelicus
Mozart (1756-1791): Laudate Dominum (Vesperae solennes de confessore), Kv. 339.


domingo, 1 de xullo de 2018

Entrega da Medalla Castelao



O día 28 de xuño, aniversario do primeiro Estatuto de Autonomía e do traslado dos restos de Castelao á súa terra desde o exilio bonaerense, Xesús Mato recibiu de mans do Presidente da Xunta, no Panteón de Galegos Ilustres de San Domingos de Bonaval, a Medalla Castelao.
Unha representación do Orfeón Lucense, encabezada polo seu presidente, Xulio Xiz, e o seu director, Marcos Fernández Mosquera, asistiu para acompañar ao noso querido padre Mato.




sábado, 9 de xuño de 2018

Medalla Castelao para Xesús Mato Mato

O Orfeón Lucense, Coro da Catedral de Lugo, tivo a idea de pedir para Xesús Mato, o seu Director emérito, unha das Medallas Castelao que anualmente concede a Xunta de Galicia. Sendo Mato fillo predilecto deste Concello, o Goberno municipal recolleu o anceio desta agrupación coral, acordando no pleno de 22 de marzo de 2018 “mostrar o apoio e solicitar da Xunta de Galicia se lle otorgue a Xesús Mato Mato a Medalla Castelao do presente ano”.
            Formulada a petición á Xunta de Galicia, comezaron a recibirse adhesións a esta petición que foron sendo remitidas á institución autonómica, resultando un total de 2.157 sinaturas as recibidas, sendo delas 258 correspondentes a institucións, asociacións ou empresas, constituindo en conxunto a proba de apoio popular, institucional, municipal e de colectivos culturais a este singular persoeiro da Igrexa e da Cultura que ve recoñecida unha longa e intensa traxectoria de entrega á súa vocación relixiosa que inclúe un inmenso amor por Galicia, as súas xentes, o seu idioma, a súa música e o seu ser.
            O Concello de Paradela, orgulloso de que Xesús Mato vise aquí a luz primeira, e sexa parte viva da nosa historia e da nosa actualidade, felicita a Xesús Mato Mato por esta merecida distinción, e agradece a todas as institucións, asociacións, empresas e particulares, o seu apoio, sen dúbida decisivo para conseguir este magnífico e xusto galardón.
                                                          Xulio Xiz, Presidente do Orfeón Lucense

venres, 8 de xuño de 2018

Xesús Mato recibirá la Medalla Castelao

Xesús Mato Mato, cura y musicólogo, fundador de Fuxan os Ventos, de la Polifónica de Lalín, Director que fue del Orfeón Lucense, hijo predilecto de su ayuntamiento natal de Paradela, va a recibir la Medalla Castelao, distinción que la Xunta de Galicia concede con motivo del aniversario del Estatuto y de la vuelta de los restos de Castelao a su tierra. La distinción la propuso el Orfeón Lucense al Ayuntamiento de Paradela, y este acordó por unanimidad solicitarla a la Xunta de Galicia. De inmediato comenzaron a llegar adhesiones a esta petición, que llegaron a un total de 2.157, de las que 258 correspondían a entidades, asociaciones, organismos, asociaciones y empresas.


Entre las adhesiones, recordamos las del Consello da Cultura Gallega, Galaxia, Diputación Provincial de Lugo o Ayuntamientos de Lugo, Sarria, Pastoriza, Viveiro, Lalín, Guitiriz... el Obispo de Lugo, el arzobispo de Tánger, Bágoas da Terra de Viveiro, el Belén de Begonte... y así hasta 258 entidades que apoyaron la petición, concedida ahora por la Xunta de Galicia.

Xesús Mato Mato

Hijo de agricultores, asistió, junto con sus seis hermanos, a una escuela rural. Desde 1946 a 1958 hizo la carrera sacerdotal en el Seminario de Lugo. De 1958 a 1967 fue coadjutor en Lalín (Pontevedra). En 1967 fue técnico de radiodifusión y redactor en Madrid. De 1968 a 1983 fue asesor religioso y redactor en Radio Popular de Lugo. Desde 1983 es sacerdote en seis parroquias de la montaña de O Cebreiro (Lugo). Hizo además cursos bíblicos (durante tres años), cursos de doctrina social de la iglesia, cursos de gallego y reciclajes musicales. De 1959 a 1964 trabajó como profesor de Filosofía y Música en un colegio privado y de 1965 a 1967 fue profesor de Religión en el Instituto Laboral de Lalín. En 1967 y 1968 fue director espiritual y asesor del Colegio Menor F. Obispado.

Fue fundador y primer director de Radio Popular de Lalín (1959-1964). Fue fundador y primer director de la Polifonía de Lalín (1958-1967). Fue fundador y primer coordinador de Auxilia-Lugo (1970-77). Co-fundador del grupo "Fuxan os Ventos" (1972) y "Galicia canta ó Neno". Fundador-director de los coros de los Colegios Menores Santísimo Sacramento y Eijo y Garay. Desde 1970 colabora con el periódico El Progreso y en revistas, además de conferencias, tertulias... Xesús Mato se encarga además de la recogida y difusión de cantos populares gallegos, así como de arreglos y transcripciones musicales. Además es autor de la canción "Fuxan os Ventos" (letra y música) y de "Mencer". Xesús Mato consiguió los siguientes premios: Lucense do ano (1991), V Premio Moncho Valcarce (1998), Terceros premios de Cultura Tradicional de María Castaña y Premio de Periodismo sobre la Navidad, Begonte (2009). En colaboración con otros autores publicó los libros Galicia canta ó Neno y Por un Lugo sen barreiras. Actualmente está preparando el libro Á beira do Camiño.

El Ayuntamiento de Paradela acordó por unanimidad nombrarlo Hijo Predilecto en la sesión celebrada el 30 de marzo de 2005. La distinción se le entregó en acto multitudinario el 19 de junio de 2005.


Xulio Xiz, en GaliciaDigital  (7.06.2018)

Titulares

El sacerdote lucense Xesús Mato, entre los distinguidos con las Medallas Castelao


Los carteros rurales y el sacerdote Xesús Mato, Medallas Castelao 2018 

en ABC (07.06.18)

O sacerdote Xesús Mato distinguido coa Medalla Castelao

As Medallas Castelao serán entregadas ós seus beneficiarios o día 28 de xuño
en Xornal de Lemos

Isabel Aguirre, María José Alonso, Jesús Domínguez, Xesús Mato e o colectivo de carteiros rurais, medallas Castelao 2018

na Radio Televisión de Galicia

Os carteiros rurais e un sacerdote, entre os distinguidos coas Medallas Castelao

Medallas Castelao para Xesús Mato, Isabel Aguirre, María José Alonso, Jesús Domínguez y carteros rurales

Estas distinciones galardonan a los gallegos cuya actividad, en cualquier faceta, merezca el reconocimiento de la comunidad


Medallas Castelao a Isabel Aguirre, el sacerdote Xesús Mato y los carteros rurales

en Opinión Coruña

Consello.- El sacerdote Xesús Mato y los carteros rurales, entre los distinguidos con las Medallas Castelao




MEDALLA CASTELAO PARA UN GALLEGO, SACERDOTE EJEMPLAR: DON JESUS MATO MATO. LAS DISTINCIONES PARA LOS MEJORES


luns, 4 de xuño de 2018

Corpus Christi

O Orfeón Lucense, a Coral Xeral Calde e a Banda Filarmónica de Lugo, cantaron onte na Praza de Santa María a Missa Brevis Sancti Joannis de Deo de Haydn, entre outras pezas.



xoves, 17 de maio de 2018

No Día das Letras



 Dous momentos da actuación do Orfeón lucense durante o concerto das corais de Lugo neste Día das Letras Galegas.
 Foi diante do busto de Eduardo Pondal, e as pezas interpretadas foron A nena da fonte (con letra de Curros Enríquez) e Meu amor é mariñeiro (con letra de Xosé Luís Rivas, Mini).



domingo, 13 de maio de 2018

Rectificación

Nos carteis informativos do Concerto do Día das Letras Galegas, editados con anterioridade produciuse un erro ao poñer a hora, a hora real do Concerto son as 18.30 h., rogamos a máxima difusión do cambio para previr posibles confusións... Grazas por compartir.



sábado, 12 de maio de 2018

Letras Galegas

Vivalugo, o diario cultura de Lugo, recolle na edición de hoxe a seguinte noticia: 


Lugo cantaralle ás Letras Galegas. Así o vén de anunciar a Concelleira de Cultura, Turismo, Xuventude e Promoción da Lingua, Carmen Basadre, xunto a representantes dalgunhas das agrupacións corais e orfeóns que ofrecerán un concerto o propio 17 de maio, nun acto que tivo lugar no patio central do Vello Cárcere.
O acto comezará ás 18.30 horas, e as agrupacións corais participantes percorrerán cos seus cantares a rúa Aguirre e o lateral da Praza Maior, deténdose nos diferentes bustos de figuras destacadas da nosa literatura. 
O Orfeón Lucense actuará en quinto lugar, interpretando diante do monumento a Eduardo Pondal A nena da fonte, de Curros, e O meu amor é mariñeiro.
Máis información, entrando aquí.

sábado, 5 de maio de 2018

Medallas Castelao: Preto de 1.800 adhesións para Xesús Mato


A finais da pasada semana tíñanse remitido á Xunta de Galicia 1.778 adhesións recibidas no Concello de Paradela apoiando a petición de que se conceda a MEDALLA CASTELAO ao crego e musicólogo nado naquel concello Xesús Mato Mato.
Destas adhesións, 1.431 son individuais, e 147 de entidades, asociacións, institucións ou empresas. Entre as últimas adhesións colectivas recibidas hai empresas (Maderas Besteiro, Gráficas Lucenses, Editorial Galaxia…); Centros educativos (Instituto Lucus Augusti, Politécnico, Colexio Ramón Piñeiro, Colexio Fingoi, Escola Aulos…); Parroquias (San Francisco Javier, Alta, Veral, Mera….); Corais (Orfeón Xoán Montes, Ecos do Miño; Rosalía de Castro, Sorozábal e Pleamar, de Bizcaia; Coral do Concello de Sarria…), Asociacións (Círculo das Artes de Lugo, La Unión de Sarria, Casa de Galicia de Santurtzi, Rosalía de Castro de Barakaldo, Centro Galego de Llodio, Asociación Senior de Telefónica ou Voluntarios da Cruz Vermella de Sarria…), Concellos (O Corgo, Páramo…); Asociacións de veciños (Nova Abella, Pena, Guillar, Galegos, Vicinte ou San Mamede dos Ánxeles…); así como de Paradela a Asociación de Mulleres Rurais, S.D. Paradela, ou Montes en Man Común.
En Galicia 24 horas (5.05.2018)

sábado, 28 de abril de 2018

mércores, 25 de abril de 2018

Os méritos de Xesús Mato para recibir a Medalla Castelao


"Pídoche e mesmo che suplico que non movas un dedo para ningunha homenaxe ou distinción que se me puidera facer en Lalín. Pódoche dar razóns dabondo para non facer nada nesa liña. Espero que o comprendas e que, segundo fuches o primeiro en ceibar ideas, sexas tamén o primeiro en dar marcha atrás. Iso agardo de ti...". Así de contundente se amosaba o sacerdote e bo amigo noso Xesús Mato Mato, cando vai para dous anos publicabamos un artigo gabando o seu labor pastoral, social e cultural en Lalín e comarca a finais dos anos 50 e a merecida homenaxe popular que os habitantes destas terras tiñan pendente de lle tributar.

Comeza deste xeito o artigo de Daniel González Alén publicado o 25 de Abril de 2018 en La Voz de Galicia. Podemos lelo enteiro entrando aquí


luns, 23 de abril de 2018

"Xesús Mato, medalla Castelao", por Xulio Xiz

O Orfeón Lucense, querendo que se recoñecese publicamente o labor do seu Director emérito, Xesús Mato, pediulle ao seu concello natal de Paradela, que o ten declarado Fillo Predilecto, que solicitase da Xunta de Galicia que lle fose concedida unha das Medallas Castelao deste ano.
O pleno do Concello de Paradela, acordou por unanimidade pedirlle á Xunta esa medalla para Xesús Mato, e desde entón non pararon de chegar ao Concello escritos de apoio de particulares e institucións, sendo xa varios centos as adhesións recibidas. 
O nome de Xesús Mato está xa na nosa historia, pola súa limpa e fonda traxectoria en diversos eidos da vida de Galicia. 
Como musicólogo, investigador e espallador da nosa música, creou coros xuvenís ao comezo dos anos setenta, e deses grupos naceu –el foi o promotor- o mítico grupo Fuxan os ventos, que en 1972 gañou un festival da canción en Mondoñedo (con letra e música de Mato), e conseguíu que os galegos amásemos a nosa música e que as cancions en galego invadisen Galicia. Mato é a alma mater de “Galicia canta ao neno”, que percorreu Galicia cun cento de actuacións de cantos do Nadal no rural onde foran gardados con agarimo durante séculos. E inspirou a aparición do Grupo A Quenlla, sendo o pai musical de persoeiros como Mini e Mero, que tanto dignificaron a canción popular deste país. Foi tamén Director do Orfeón Lucense.
Como xornalista, foi Delegado de Medios da Diocese e redactor e asesor de Radio Popular. Como activista social, foi abandeirado de Auxilia Lugo, a entidade que fixo visibles aos minusválidos da capital e provincia, e que catro décadas despois segue a ter una actividade que sabemos imprescindible.
 Por fin, como crego, na súa primeira parroquia de Lalín impulsou a construción de vivendas para xente necesitada, e despois dunha intensa etapa lucense, retirouse á montaña lucense onde serviu media ducia de parroquias difíciles, ailladas, durante un cuarto de século.
Agora, con 85 anos, vive en Portomarín, dedicado á súa familia, aos amigos, e oficiando a diario a Misa do Peregrino. A Medalla Castelao honrarase, e honrará a memoria de quen toma o nome, se a recibe Xesús Mato.

Artigo de Xulio Xiz en Galicia Dixital (23.04.2018) 

domingo, 1 de abril de 2018

Pascua


A partir das 11'30 horas, na Catedral de Lugo, solemne Misa Pontifical de Resurrección, en que o Orfeón Lucense cantará o seguinte repertorio:

ENTRADAJesús nuestra  Pascua (CLN)
MISA de F. Palazón: Señor, Gloria, Cordero de Dios, Santo.
ASPERSIÓNUn solo Señor (CLN)
SALMO: Este es el día que actuó el Señor (LDS 129)
SECUENCIA EVANXEOVictimae paschali laudes (salmista) 
ALELUIA de I. G. Ramos.
DOXOLOXÍA: Amén (Hoesse) 
COMUÑÓNTi es o pan do ceo (Xosé Portas-I. García) 
COMUÑÓN IIJesus bleibet, de J.S. Bach.
FINALReina del Cielo, de J. Castiñeira. 

sábado, 31 de marzo de 2018

Sábado de Gloria

Programa do Orfeón Lucense para a vixilia pascual, que se ha de celebrar na SICB de Lugo desde as 23 horas do Sábado Santo.
BENDICIÓN DO LUME. LITURXIA DA PALABRA
Gloria, de Palazón. 
Aleluia, de Xosé R. Estévez.
Salmo responsorial: Aleluia (gregoriano) e salmo aleluiático. 
           LITURXIA BAUTISMAL
Aspersión: Un solo señor (CLN).
Oración dos fieis: Cristo resucitado.
          LITURXIA EUCARÍSTICA
Ofertorio: Non nobis Domine, de A. Burrows.
Santo, de T. Aragüés.
Agnus Dei, da Missa brevis de Jacob de Haan.
Comuñón I: Nós tamén imos resucitar (Estévez)
Comuñón II: Qui presso a Te, de W.A. Mozart.
Final: Regina coeli (gregoriano) 

venres, 30 de marzo de 2018

Venres Santo


Programa do Orfeón Lucense para a liturxia da Paixón do Señor, que se celebrará na SICB de Lugo o Venres Santo, a partir das 18.00 horas.
TRACTO (entre 1º e 2º): Padre, a Tus manos encomiendo mi espíritu (LDS  112)
GRADUALChristus factus est, de Martín de Villanueva. 
Pasión según San Juan, de José Castiñeira. 
OSTENSIÓN DA CRUZMirad el árbol de la cruz (coro e salmista) 
ADORACIÓN DA CRUZPueblo mío (CLN 154) , Crux fidelis (gregoriano), Victoria tú reinarás (CLN)
 ORACIÓN UNIVERSAL: Kyrie  eleison (CLN)
COMUÑÓN: Comiendo del mismo pan, de Palazón
COMUÑÓN II: O Crux ave (Dubra)

xoves, 29 de marzo de 2018

Xoves Santo


Programa do Orfeón Lucense para a liturxia da Eucaristía da Santa Cea que se celebrará na SICB de Lugo hoxe, Xoves Santo, a partir das 18.00 horas.


ENTRADAEl Señor nos llama (CLN)
KYRIE da Misa brevis Sancti Joannis de Deo, de F. J. Haydn.  
GLORIA  da Misa brevis Sancti Joannis de Deo, de F. J. Haydn.
SALMO: El cáliz que bendecimos, de J. Madurga. (LDS 110)
EVANXEOA palabra do Señor, de J. Castiñeira. 
LAVATORIOJesús el Señor, de J. Castiñeira, Ubi caritas (gregoriano) e Un mandamiento nuevo
OFERTORIO:  Instrumental.
SANCTUS  da Misa de Palazón.
COMUÑÓNPan de Vida nueva, de M. Frisina.
COMUÑÓN IIEcce panis, de J. Moreno Fuentes.

PROCESIÓN. Saída: Pange lingua e Alabado sea el Santísimo. Regreso: Genitori, Tantum ergo

                           

sábado, 24 de marzo de 2018

Domingo de Ramos

O domingo 25 de marzo ás 11.30 h, celebrarase na praza de Santa María a Bendición de ramos (se no momento da bendición o tempo non permitise facela na praza, trasladarase ao interior da Catedral).
A continuación terá lugar a procesión da Entrada Triunfal de Xesús en Xerusalén e, ao finalizar, celebrarase a Eucaristía na Catedral que estará presidida polo Bispo da Diocese, Mons. Alfonso Carrasco Rouco.
O Orfeón Lucense cantará na misa de Ramos o seguinte repertorio:
Sanctus da Missa brevis Sancti Joannis de Deo de J. Haydn.
Cordero de Dios, de A. Taulé (CLN).
Hágase  tu voluntad, de I. Yepes (CLN).
Oh, víctima inmolada, de J.S. Bach.
 

venres, 23 de marzo de 2018

Candidatura

Así titula El Progreso a noticia na súa edición impresa de hoxe, indicando que a corporación aprobou por unanimidade apoiar a candidatura do cura para a distinción; a anécdota vén da errata do subtítulo, cando o xornal, fiel ao seu costume, atribúe a orixe da petición non ao Orfeón Lucense, como corresponde, senón aos nosos compañeiros do Orfeón Xoán Montes. 
Na edición dixital o erro aparece xa corrixido.


luns, 19 de marzo de 2018

Primeiros actos


Máis sobre a actuación do Orfeón Lucense no pregón, e sobre os primeiros actos da Semana Santa lucense deste ano, en A nosa voz.

xoves, 15 de marzo de 2018

Pregón da Semana Santa

O Venres 16 ás 20:30h no Salón Rexio do Círculo das Artes de Lugo: Pregón de D. Joaquín María García Díez, que foi alcalde de Lugo.
No acto haberá un concerto do Orfeón Lucense, dirixido por Marcos Fernández Mosquera, que interpretará as seguintes obras:
1. SICUT CERVUS (Palestrina)
2. O CRUX AVE (Rihards Dubra)
3. DULCIS CHRISTE (Graccini)
4. NON NOBIS DOMINE (Burrows)
5. IN MONTE OLIVETTI (Juozas Naujalis)

Organista: M. Iltre. Sr., Luis Varela Castiñeira

mércores, 7 de marzo de 2018

Pregón

O pasado venres 23 de febreiro tivo lugar a reunión da Xunta de Confrarías, presidida por Monseñor Carrasco Rouco, para ultimar a preparación da Semana Santa 2018. Da mesma resaltamos a seguinte información:
O exalcalde Joaquín García Díez será este ano o pregoeiro da Semana Santa. O pregón lerase o próximo 16 de marzo, ás oito e media, no salón rexio do Círculo das Artes e, durante o acto, está prevista a actuación do Orfeón Lucense.

Máis información sobre a Semana Santa, aquí.

xoves, 8 de febreiro de 2018

O Orfeón Lucense cantará na solemne celebración o venres, 9 de febreiro, a partir das 20.00 horas, na Catedral de Lugo.