Como preparación para a Semana Santa o Orfeón Lucense ensaia un repertorio de cantos propios da liturxia destes días para acompañar e, se cabe, realzar os oficios que se celebran na Catedral de Lugo, da que somos o coro oficial e na que actuaremos nas datas máis senlleiras.
Ante a proximidade destas actuacións, e coincidindo coa inauguración das novas gradas construídas para a ubicación dos cantores no coro, que tanto agradecemos; a Directora de Comunicación da Diócese de Lugo, María José Campo López-Barcia, entrevistou ao Vicepresidente e compoñente do Orfeón, Ricardo Coria Abel, entrevista que enlazamos aquí.
Para facilitar o seguimento da nosa intervención, adxuntamos de seguido o programa de cantos de cada día nesta Semana Santa.
