Música para salvar vidas

   Por invitación do Mestre de Capela da Catedral, D. Luis Varela Castiñeira, o Orfeón foi invitado a cantar no concerto de góspel africano que o grupo Aba Taano ofreceu na sé a beneficio dos nenos e xoves máis desfavorecidos de Uganda.

  Esta actividade é unha iniciativa da ONG Música para salvar vidas, fundada por varios cidadáns españois para dar formación a infantes e adolescentes ugandeses protexéndoos ata que son capaces de valerse por si mesmos.

 Foi unha experiencia marabillosa e diferente na que poidemos desfrutar de polifonías africanas, tan cheas de enerxía, espontaneidade e sonoridade, e dalgunhas melodías de espectáculos musicais e cinematográficos interpretados polo grupo visitante.

  O Orfeón Lucense actuou en primeiro lugar co seguinte repertorio:

   

  - Más cerca, oh Dios! de Ti. L. Mason.

  - Gabriel's oboe. E. Morricone.

  - Canto de berce para unha princesa negra. A. R. Sabanés.

  - Swing low. W. Willis. Arr. Josli.

  - O rama. Popular do Baixo Alentejo.

 

                                                                           Aba Taano            

                                     

                                                                  Ensaio do Orfeón Lucense

Domingo de Pascua 2022

   Poñemos fin á Semana Santa coa celebración da Pascua. Coa alegría propia desta data o Orfeón acompañou cos seus cantos a misa presidida polo prelado D. Alfonso Carrasco Rouco, baixo a dirección de Marcos Fernández Mosquera e actuando como organista o coengo Prefecto de Música da Catedral, D. Luis Varela Castiñeira.

   O repertorio foi o seguinte:

  - Cantemos al Amor de los Amores. I. B. De Sagastizábal.

  - Gloria de Lourdes. J. P. Lécot.

  - Aleluya. I. G. Ramos.

  - Santo. Misa Pascual. J. Castiñeira.

  - Cordero de Dios. Misa Pascual. J. Castiñeira.

  - Jesu, Rex admirabilis. G. P. da Palestrina.

  - Reina del Cielo. J. Castiñeira.

Sábado Santo 2022

  Despois da posta do sol, como está ordeado, comezou a celebración da Vixilia Pascual coa beizón do lume no adro da Catedral e tamén a da auga.

  Ademais de acompañar os cantos propios da liturxia do día, o Orfeón interpretou o seguinte repertorio:

   - Gloria. Misa Alrededor de tu Mesa. F. Palazón.

   - Aleluya de los irlandeses. J. P. Lécot.

   - Santo. Misa Alrededor de tu Mesa. F. Palazón.

   - Cordero de Dios. Misa Alrededor de tu Mesa. F. Palazón.

   - O pan do ceo. X. Portas Ferro.

   - O salutaris. P. de la Rue.

   Na imaxe un momento previo á beizón do lume no adro da Catedral.

   

         

   

   

   

   

Venres Santo 2022

   Este Venres Santo tivo a particularidade para a nosa agrupación de ter que cantar con poucos compoñentes por estaren varios cantores contaxiados de covid.

  Abordamos o noso cometido coa maior adicación, como sempre, e coa dirección habitual interpretamos o seguinte repertorio sen acompañamento de órgano, dada a solemnidade do día.

   - Padre, a tus manos. Salmo.

   - Pasión según S. Juan. J. Castiñeira.

   - Victoria, tú reinarás. A. Losay.

   - Crux fidelis. Gregoriano.

   - Comiendo del mismo pan. J. Madurga.

   - Adoramus te, Christe. T. Dubois.

Xoves Santo 2022

   Comezan os días centrais da Semana Santa coa celebración do Xoves Santo. Unha liturxia presidida polo prelado da diócese, Monseñor Carrasco Rouco, e concelebrada con varios membros da curia, entre eles o Mestre de Capela da Catedral, D. Luís Varela Castiñeira.

   O Orfeón Lucense dirixido por Marcos Fernández Mosquera e acompañado por Xavier de Acosta ao órgano interpretou o seguinte repertorio:

   - Cristo ayer, Cristo hoy. J. P. Lécot.

   - Kyrie en Re M. J. P. Lécot.

   - Gloria de Lourdes. J. P. Lécot.

   - El cáliz que bendecimos. Salmo.

   - Interleccional. J. Castiñeira.

   - Jesús, el Señor. J. Castiñeira.

   - Un mandamiento nuevo. A. Alcalde.

   - Ubi caritas et amor. Gregoriano.

   - Sanctus. M. Manzano.

   - Cordero de Dios. A. Taulé.

   - Eucaristía. A. Fdez. León/Taizé.

   - Ave Verum. W. A. Mozart.

   - Pange lingua. Gregoriano.

   - Alabado sea el Santísimo. Popular.

Na imaxe o momento da saída da procesión.

Momentos

  Esperando o inicio dunha actuación xorden tempos  para compartir dúbidas, satisfacer inquietudes ou buscar a relaxación e concentración.

   Son momentos importantes para o grupo e para os cantores e músicos polo que teñen de persoal e mesmo íntimo.

   As imaxes mostran tres deses momentos antes da Misa de Ramos.

Misa de Domingo de Ramos

   Tras a bendición dos ramos e a procesión, que volveu ás rúas despois dos anos peores da pandemia, comezou a Misa de Ramos. 

  Oficiada polo prelado da diócese, Monseñor Carrasco Rouco e concelebrada con varios coengos, actuando como organista Xavier de Acosta e coa dirección coral de Marcos Fernández Mosquera, celebrouse esta solemnidade na que o Orfeón Lucense interpretou o seguinte repertorio:

   - Salmo: Dios mío, Dios mío.

   - Cristo por nosotros. F. Palazón.

   - Santo. T. Aragües.

   - Agnus Dei. Misa Peuples de la Terre. J. P. Lécott.

   - Yo soy el Pan de Vida. S. Toolan.

   - Hágase tu voluntad. I. Yepes.

Pregón de Semana Santa 2022

  Despois do descanso obrigado pola pandemia a cidade pretende retomar na medida do posible o ritmo de vida habitual. Así a Semana Santa, como viña sendo costume, iníciase co Pregón no Círculo das Artes, este ano a cargo de Ramón Basanta, Presidente da Xunta de Cofradías.

    O Orfeón foi invitado a actuar para abrir o acto e, dirixido por Marcos Fernández Mosquera, interpretou para os asistentes o seguinte repertorio:

    - Christus factus est. M. Villanueva.

    - Cristo al morir tendea. Marc' Antonio da San Germano.

    - Jesus bleivet meine freude. J. S. Bach.

    - Ave verum corpus. W. A. Mozart.

    - Adoramus te, Christe. T. Dubois.

    Enlazamos a continuación unha imaxe do concerto

Coros pola Paz

 Coros por la Paz é unha iniciativa que naceu coa pretensión de unir a través da Música a persoas de toda Europa no desexo de que termine a guerra de Ucraína e todas as demais guerras que existen no mundo. 

  A idea era que o sábado 27 de marzo ás 12:00 toda Europa entoase o canon de Mozart Dona Nobis Pacem.

  Os coros de Lugo non podían faltar e entre eles o Orfeón Lucense. Todos reunidos na Praza de Santa María á hora convida, dirixidos por Pablo Rico Echegaray, cantamos coa voz e o corazón nun acto de gran respecto e emoción para facer realidade o desexo de PAZ.

 Enlazamos o vídeo do momento.

Misa de San Xosé

   Despois dunha paréntese merecida tras un Nadal intenso, retomamos os ensaios para as actuacións deste ano 2022.

   O primeiro acto foi o pasado sábado na Catedral, a Misa de San Xosé. 

   Con escasa asistencia de fieis cantamos unha misa que resultou grata e canora, coa particularidade de que estreamos unha peza que nos facía especial ilusión, O salutaris de Pierre de la Rue.

   Outra novidade foi o feito de que a nosa compañeira Silvia Nadela Villarino fixo por primeira vez de solista desde o atril da epístola nas partes dialogadas do Sanctus de Lourdes.

  A misa estivo presidida polo deán da Catedral, Mario Vázquez Carballo e concelebrada polo mestre de capela, Luís Varela Castiñeira, actuando como salmista o noso compañeiro de coro Carlos Sánchez e como organista Xavier de Acosta.

  O repertorio interpretado polo Orfeón baixo a dirección habitual de Marcos Fernández Mosquera foi o seguinte:

    - Himno a San José. José Antonio Poblete.

    - Kyrie en Re Majeur. J. P. Lécot.

    - Gloria de Lourdes. J. P. Lécot.

    - Interleccional. X. Castiñeira.

    - O salutaris hostia. Pierre de la Rue.

    - Sanctus de Lourdes. J. P. Lécot. Solista: Silvia Nadela Villarino.

    - Agnus Dei de la Messe Peuples de la Terre. G. Rossini. Adap.: J. P. Lécot.    

    - Más cerca, ¡oh Dios!, de Ti. L. Mason.

   Enlazamos a continuación o audio do Sanctus de Lourdes. Pica na imaxe para escoitalo.

                                        Sanctus de Lourdes. (J. P .Lécot)

                                         Solista: Silvia Nadela Villarino

   

    

     

   

  

O Orfeón anima as rúas no Nadal

   Tal como estaba previsto, os días 27 e 30 de decembro saímos ás rúas da cidade para animar e acompañar con panxoliñas a vida dos lucenses.

   Percorremos os fermosos recantos do recinto histórico: Rúa de San Pedro, Rúa da Raíña, Praza Maior e Praza do Campo. Lugares con engado que coas luces e os cantos de Nadal adquiren un calor e ambiente diferente.

    Agradecemos sempre a todos os que se paran a escoitarnos a súa xentileza e  atención nestes días de ir e vir, de encontros con amigos e de paseos e xogos infantís.

   O repertorio interpretado polo Orfeón nestes días foi o seguinte:

       - En una choza. M. Praetorius.

       - Linda Noite. Popular do Algarve.

       - Noiteboa. X. Castiñeira.

       - Ya viene la vieja. Trad. español. Harm.: A. Parker e R. Shaw.

       - Nosa Señora. Recollida popular.

       - Na Noite máis fermosa. Adap.: V. R. Abeijón.

       - Adeste fideles. J. Reading.

       - Noche de Dios. F. X. Gruber. Harm.: X. Castiñeira.

Animación na rúa. Nadal 2021

   O Concello de Lugo patrocina a actividade cultural de Animación nas rúas da cidade durante os días de Nadal. A nosa formación coral participará aportando interpretacións das panxoliñas máis populares do noso repertorio coa finalidade de atraer a atención dos viandantes e facer máis belos se cabe os recantos, fermosos en si mesmos, do centro histórico de Lugo

    As distintas agrupacións vocais lucenses amenizarán a vida dos seus conveciños que o desexen nos días e horas que figuran no seguinte calendario:

Concerto de Nadal 2021

   A cita habitual que tén o Orfeón Lucense con todos os seus seareiros celebrouse este ano na Catedral. Nun día que invitaba pouco a saír da casa foron numerosas as persoas que acudiron a escoitar o noso Concerto de Nadal.

  Estivo dirixido por Marcos Fernández Mosquera, o seu titular, quen artellou un repertorio moi atractivo para os ouvintes. Foi o seguinte:

    - Qué bonito niño chiquito. Cancioneiro da Colombina. Anónimo s. XV.

    - Dadme albricias. Cancioneiro de Upsala. Anónimo s. XVII. 

             Solista: Sara Pérez Cruz.

    - Drop, drop slow tears. O. Gibbons.

    - En una choza. M. Praetorius.

    - Linda Noite. Popular do Algarve.

    - Noiteboa. X. Castiñeira.

    - Ya viene la vieja. Trad. español. Harm.: A. Parker e R. Shaw.

    - Nosa Señora. 

    - Na Noite máis fermosa. Adap.: V. R. Abeijón.

    - Campana sobre campana. Popular de Andalucía. Harm.: J. L. Blasco.

    - Adeste fideles. J. Reading.

    - Los Reyes Magos. A. Ramírez e F. Luna. 

             Solistas: Dayana Pérez Brandón (charango).

                          Manuel Alejandro Varela González (guitarra).

                          Guadalupe Enríquez Parga (tamboril).

Concerto e misa. Igrexa de San Froilán

    Debido á situación de pandemia que estamos a padecer o Orfeón viuse obrigado a cambiar o lugar habitual de ensaio. A parroquia de San Froilán, e en particular os seus párrocos, Gerardo Arias López e José Manuel Penela Campos, brindáronnos o seu estupendo local parroquial que vimos utilizando desde o comezo de curso. 

 Con este motivo gañamos amigos aos que agradecemos de corazón a súa xenerosidade e cos que  colaboramos cantando unha misa e ofrecendo un pequeno concerto.

 O Orfeón estivo dirixido por Marcos Fernández Mosquera, director titular, coa colaboración de Silvia Nadela Villarino en dúas das das pezas.

  Repertorio da misa:

- La Virgen sueña caminos. C. Erdozáin.

- Señor ten piedad. Misa Alrededor de tu Mesa. F. Palazón.

- Santo. Misa Pascual. X. Castiñeira.

- Cordero de Dios. A. Taulé. 

- O pan do ceo. X. Portas Ferro e Isauro G. Ramos.

Repertorio do pequeno concerto:

- En una choza. M. Praetorius.

- Adeste fideles. J. Reading.

- Na noite mais fermosa. Adap.: V. R. Abeijón.

- La vieja. Trad. español. Harm.: A. Parker e R. Shaw.

- Noche de Paz. F. X. Gruber. ( conxuntamente cos nenos do Coro da parroquia de San Froilán).

Clausura da novena da Virxe da Esperanza

   O Orfeón foi invitado á clausura da Novena da Virxe da Esperanza un ano máis  A misa celebrouse na igrexa da Nova e a nosa coral aportou a parte musical da cerimonia con este repertorio:

   Repertorio da misa:

    - La Virgen sueña caminos. C. Erdozáin.

    - Kirie en Re M. J.P.Lecot.

    - Alleuia. Isauro G. Ramos.

    - Santo. Misa Pascual. X. Castiñeira.

    - Agnus Dei. Misa Peuples de la Terre. J. P. Lecot.

    - Alma Redemptoris Mater. G. P. da Palestrina.

    - Hija de Sión. L. Deiss.

   Repertorio do concertiño:

    - En una choza. M. Praetorius.

    - Na noite máis fermosa. Adap. V. R. Abeijón.

    - Adeste fideles. J. Reading.

    - La vieja. Trad. español. Harm. A. Parker e R. Show.

Inauguración do Belén da Catedral

   Este Nadal a catedral estrea un novo belén. Tén novas figuras e múltiples elementos que compoñen un fermoso conxunto ubicado na Capela da Virxe do Pilar.

   O prelado da diócese, Monseñor Carrasco Rouco, bendeciu a instalación e de seguido o Orfeón ofreceu un pequeno recital de panxoliñas. Este foi o repertorio:

       - En una choza. M. Praetorius.

       - Na Noite máis fermosa. V. R. Abeijón.

       - Noche de Paz. F. X. Gruber.

    

    Monseñor Carrasco Rouco e Marcos Fernández Mosquera, director do Orfeón,  felicitaron o Nadal aos presentes, quedando así inaugurado o Nadal 2021 na Catedral lucense.

     Imaxe central do Belén

Axenda Nadal 2021

Así se presenta o noso Nadal 2021. Non convén perder ningunha das citas. Non queda tempo para moito máis!!!

Enlazamos o texto agarimoso de felicitación do noso Presidente, Xulio Xiz e o cartaz elaborado con esmero pola nosa compañeira Sara Pérez Cruz.

              O Orfeón Lucense – Coro da Catedral de Lugo- celebra este Nadal cos máis  fermosos cantos desta época tan especial, dos máis diversos tempos e orixes, co denominador común de ledicia e festa polo Nacemento do Señor. 

Coas nosas cancións desexamos a todos os que nos escoiten unhas felices festas e un mellor ano 2022, agardando nel saúde e paz para todos.

Xulio Xiz

Cartaz de Nadal 2021

Autora: Sara Pérez Cruz

Misa da Inmaculada

   O Orfeón estivo presente na misa da Inmaculada Concepción celebrada na Catedral de Sta. María.

 A liturxia estivo presidida por Monseñor Carrasco Rouco, actuando como organista Xavier de Acosta e como director coral Marcos Fernández Mosquera.

  O repertorio interpretado foi o seguinte:

       - Hija de Sión. L. Deiss.

       - Kyrie en Re M. J. P. Lécot.

       - Gloria de Lourdes. J. P. Lécot.

       - Alma Redemptoris Mater. G. P. da Palestrina.

       - Santo. Misa Pascual. X. Castiñeira.

       - Agnus Dei. Misa Peuples de la Terre. J. P. Lécot.

       - La Virgen sueña caminos. C. Erdozáin.

                                                Inmaculada Concepción

                                                    (Esteban Murillo)

   

O Orfeón no Belén de Begonte

  O sábado pasado inaugurouse por quincuaxésima vez o Belén de Begonte. En 1972 Xosé Domínguez Guizán e Xosé Rodríguez Varela empezaron a traballar na idea de construir un belén coas peculiaridades dunha aldea do interior de Galicia. A idea fructificou, engadíndolle cada ano novos elementos ata o que coñecemos na actualidade, cincuenta anos despois.

  Deu comezo o acto coa presentación a cargo do noso Presidente e membro do Colectivo Egeria, Xulio Xiz, que salientou a particularidade  de dita celebración e fixo unha semblanza da historia do Belén.

   Por ser unha celebración especial e por ser o primeiro ano do seu mandato como prelado da diócese, Fernando García Cadiñanos, bispo de Mondoñedo - O Ferrol, foi o pregoeiro do nadal begontino. 

  O ilustre pregoeiro convidou aos presentes a ver o 'pequeno milagre' que é o belén cos ollos dun neno e adicoulle ao Neno que nace un poema de Manuel Regal titulado Que ben que viñeses, Xesús como acollida ao seu nacemento.

 O Orfeón dirixido por Marcos Fernández Mosquera e a banda Sons e Soños por Armando Morales puxeron o acompañamento musical ao evento, en ocasións conxuntamente.

 A nosa agrupación coral acompañou a misa  e ao final ofreceu un pequeno concerto. O repertorio foi o seguinte:

   Misa:

     - El tamborilero. K. K. Davis.  (Acomp. pola banda Sons e Soños).

     - Señor ten piedad. Misa Alrededor de tu Mesa. F. Palazón.

     - Aleluya. I. García Ramos.

     - Santo. Misa Pascual. X. Castiñeira.

     - Cordero de Dios. A. Taulé.

     - Noche de Paz. F. X. Gruber. Arr. X. Castiñeira. (Acomp. pola banda Sons e Soños)

   Concerto:

      - En una choza. M. Praetorius.

      - Linda noite. Popular do Algarve.

      - La vieja. Trad. española. Harm. A. Parker e R.Shaw.

   

   

Concerto en Pontedeume

  A Coral Polifónica de Chantada e o Orfeón Lucense foron invitados pola Coral Polifónica Eumesa para celebrar o Concerto de Santa Icía.

 O concerto tivo lugar na Igrexa Parroquial Monumental de Santiago de Pontedeume. Un amplo e fermoso templo no que se mesturan o neoclásico, o barroco e o gótico tardío e que alberga no seu interior o sepulcro de Fernando de Andrade entre outros elementos de gran valor artístico. Causounos unha moi grata impresión ver o marco no que iamos cantar, despois dunha viaxe na que o bo tempo non acompañou.

   Orfeón Lucense, Coral Polifónica de Chantada e Coral Polifónica Eumesa dirixidas por Marcos Fernández Mosquera, Marcos Fernández Varela e Xosé Paz Fernández, respectivamente, interpretaron os seus programas tal como figuran no díptico que se adxunta máis abaixo.

   Ao final do acto a coral eumesa entregou unha placa conmemorativa a unha das súas coralistas que cumpría 25 anos na formación e sendos agasallos ás agrupacións invitadas. Rematou a xornada cun ágape de confraternidade entre todos os membros.

    A continuación enlazamos o audio dunha das nosas pezas do concerto: La flor ( E. M. Torner). Pica na imaxe superior para escoitalo.

Misa Aniversario da renovación da Indulxencia Plenaria

  Foi no século XIX cando se concedeu á Catedral de Lugo o privilexio da Indulxencia Plenaria para quen a visita nas condicións habituais. 

  Este ano celébrase o 5º aniversario da súa renovación, solicitada polo bispo actual da Diócese, Monseñor Carrasco Rouco. Con tal motivo o Orfeón Lucense cantou na misa que tivo lugar na seo o pasado sábado.

  O repertorio interpretado foi o seguinte:

- Misericordes sicut Pater. P. Inwood.

- Kyrie en Re Maior. J. P. Lécot e P. Décha.

- Gloria de Lourdes. J. P. Lécot.

- Aleluya. Popular vasca.

- Cordero de Dios. A. Taulé.

- Este es el Día del Señor. J. A. Espinosa.

- Ave Verum. W. A. Mozart.

- Salve Regina. Gregoriano.

                                                        Imaxe tomada de A Nosa Voz

Nova colaboración

 Coa celebración desta misa dominical na que o Orfeón interviu acompañando a liturxia comeza unha nova colaboración coa Catedral. Trátase da nosa actuación nun domingo, posiblemente o último de cada mes.

  Oficiada polo Mestre de Capela, Luís Varela Castiñeira, acompañada ao órgano por Xavier de Acosta e dirección coral de Marcos Fernández Mosquera, interpretouse o seguinte repertorio:

- El Señor nos llama y nos reúne. A. Taulé.

- Kyrie en Re Maior. J.P. Lécot.

- Gloria de Lourdes. J. P. Lécot.

- Aleluya. Popular vasca.

- Santo. Misa Alrededor de tu Mesa. F. Palazón.

- Cordero de Dios. Misa Alrededor de tu Mesa. F. Palazón.

- Pescador de hombres. C. Gabaráin.

- Santa María del Camino. J. A. Espinosa.

Concerto de outono

   Por invitación do Orfeón Xoán Montes este sábado concurrimos a Coral Polifónica de Agolada e ambos Orfeóns para dar un concerto de outono no Círculo das Artes.

 Ante unha gran afluencia de público, a pesar da climatoloxía adversa, cada coral interpretou o seu repertorio, comezando pola pontevedresa, dirixida por Alejandro Piñeiro. A continuación actuou o Orfeón Lucense dirixido por Marcos Fernández Mosquera e por último o Orfeón Xoán Montes baixo a batuta de Miguel Ángel Mouriz.

 Finalmente as tres corais, Coral Polifónica de Agolada, Orfeón Xoán Montes e Orfeón Lucense interpretaron xuntos, acompañados da gaita galega, a peza popular galego-portuguesa A saia da Carolina.

  Ao remate do concerto o coro anfitrión entregou sendos agasallos aos representantes das corais convidadas.

   A continuación enlazamos o tríptico  do concerto no que figuran os tres repertorios interpretados no acto así como unha breve historia das tres agrupacións corais.

Misa de San Froilán

  Como é habitual o Orfeón actuou na Misa solemne do patrón de Lugo acompañando a liturxia cos seus cantos.

   A celebración, á que asistiron as autoridades, estivo presidida por Monseñor Carrasco Rouco; o acompañamento musical de órgano correu a cargo do Mestre de Capela, Luís Varela Castiñeira e a dirección coral foi de Marcos Fernández Mosquera.

   O repertorio interpretado foi o seguinte:

   - Procesional de entrada. J. Molejón.

   - Señor ten piedade. Misa Galega. X. Castiñeira Pardo.

   - Gloria. Misa Galega. X. Castiñeira Pardo.

   - Salmo: Amósame, Señor, os teus camiños. A. Fernández León.

   - Aleluya. I. García Ramos.

   - Santo. Misa Galega. X. Castiñeira Pardo.

   - O pan do ceo. X. Portas Ferro e I. G. Ramos.

   - Non vou só. M. Carneiro e I. García Ramos.

   - Himno a San Froilán. J. Molejón.

Misa da Nosa Señora

   Este domingo, 15 de agosto, o Orfeón Lucense estivo na Catedral de Sta. María cantando a Misa da Nosa Señora. Presidiu a cerimonia Monseñor Carrasco Rouco, actuou como organista o mestre de capela da catedral, Luis Varela Castiñeira e dirixiu a nosa agrupación musical Marcos Fernández Mosquera, director habitual.

   O repertorio interpretado foi o seguinte:

   - Himno a la Virgen de los Ojos Grandes. J. Ortiz Peña; A. Garrote Martín?

   - Señor ten piedad. Misa Alrededor de tu Mesa. F. Palazón.

   - Gloria. Misa Alrededor de tu Mesa. F. Palazón.

   - Aleluya. I. G. Ramos.

   - Ave María. T. L. de Victoria.

   - Santo. Misa Pascual. X. Castiñeira.

   - Cordero de Dios. Misa Pascual. X. Castiñeira.

   - Hija del Pueblo. A. Taulé.

   - Alma Redemptoris, Mater. G. P. da Palestrina.

   - Salve Regina. Gregoriano.

   Finalizada a misa, o coro e os asistentes trasladáronse ao camarín da Virxe dos Ollos Grandes para asistir á ofrenda floral que presentou o prelado e alí o Orfeón interpretou a cantiga 77 de Afonso X o Sabio, Da que Deus mamou, que relata un milagre acontecido en Lugo atribuído á Virxe.

   Inserimos aquí a imaxe da actuación ao pé da Virxe dos Ollos Grandes, tomada do diario El Progreso do 16/08/2021.