O día 28 de setembro o Orfeón Lucense desprazouse a Paradela para asistir á celebración do Día dos avós e ó mesmo tempo homenaxear ó que foi director da nosa agrupación, D. Xesús Mato.
O acto tivo lugar no Centro Multiusos da localidade e despois da apertura do mesmo polo noso presidente, Xulio Xiz Ramil, interviron Marisol Bravos, expresidenta de Auxilia; Montserrat Mulet, alcaldesa de Paradela; Xosé Luís Rivas Cruz, Mini e Eva Mato, sobriña de D. Xesús. Todos eles lembraron a figura irrepetible do finado destacando a súa bonhomía e o seu legado.
A continnuación celebrouse unha misa na que a nosa coral, dirixida por Marcos Fernández Mosquera, interpretou o seguinte repertorio:
- Aledémonos. J. Castiñeira.
- Aleluia. I. G. Ramos.
- Deus do universo. L. Olano.
- Zum Sanctus. F. Schubert.
- O pan do ceo. X. Portas Ferro / I. G. Ramos.
- Más cerca, oh Dios. L. Mason.
Rematouse a actuación cun pequeno concerto no que soaron estas pezas:
- Compañeira. Trad. galega. Harm. J. Domínguez.
- O meu amor mariñeiro. X. L. Rivas Cruz / B. Blanco.
- O voso galo comadre. Popular.
Finalizou a xornada cun xantar de confraternidade.
Na imaxe un momento da actuación no Centro Multiusos de Paradela
Ningún comentario:
Publicar un comentario