Premio de Humanidades José Castiñeira 2024

   O Orfeón Lucense en colaboración coa Diócese de Lugo, a Catedral de Santa María e a familia Castiñeira, convocou o Premio de Humanidades José Castiñeira 2024 na memoria do seu fundador para "honrar a persoas ou institucións que se distingan polo seu labor humanístico, a prol da convivencia social e na mellora das relacións humanas".

   A esta primeira edición foron presentadas por institucións e particulares un total de trece candidaturas que foron examinadas por un xurado composto polos seguintes membros:

   - Mario Vázquez Carballo, Deán da Catedral e Vicario Xeral do Bispado.

   - Jesús Salvador López, Director de Patrimonio Cultural da Diócese.

  - Luís Varela Castiñeira, Coengo, Prefecto de Música, en representación da             familia Castiñeira.

   - Beatriz Enríquez Parga, Secretaria do Orfeón.

   - Jesús Conde Freire, Vicepresidente do Orfeón.

   - Xulio Giz, Presidente do Orfeón Lucense.

   Reunido dito xurado, acordaron outorgar por unanimidade o Premio de Humanidades José Castiñeira 2024 a Marisol Bravos López, por toda unha vida a prol das persoas con diversidade funcional, de superación de todo tipo de barreiras físicas ou sociais, dando exemplo permanente de integración e abrindo camiños que centos de persoas poden percorrer libremente nun mundo máis grande e máis humano.

   Reproducimos aquí a acta de dita reunión:

Acta do Xurado do primeiro 

PREMIO JOSÉ CASTIÑEIRA DE HUMANIDADES 

   No pazo do Bispado de Lugo, o 21 de outubro de 2024, reúnese o Xurado do primeiro CERTAME “JOSÉ CASTIÑEIRA” DE HUMANIDADES, convocado polo Orfeón Lucense en nemoria do seu fundador, en colaboración coa Diocese de Lugo, a Catedral lucense e a Familia Castiñeira, formado por: MARIO VÁZQUEZ CARBALLO, Dean da Catedral e Vicario Xeral do Bispado; JESÚS SALVADOR LÓPEZ, Director de Patrimonio Cultural da Diocese; LUIS VARELA CASTIÑEIRA, Coengo, Prefecto de música e párroco do Sagrado Corazón, en representación da Familia Castiñeira; e, por parte do ORFEÓN LUCENSE, BEATRIZ ENRIQUEZ PARGA, Secretaria; JESÚS CONDE FREIRE, Vicepresidente e XULIO GIZ RAMIL, Presidente, 

     Estúdanse as trece candidaturas propostas por institucións e particulares, e por unanimidade acordan conceder o PREMIO “JOSÉ CASTIÑEIRA DE HUMANIDADES” correspondente ao ano 2024, a MARISOL BRAVOS LÓPEZ, polo labor de toda unha vida a prol das persoas con diversidade funcional, da superación de todo tipo de barreiras físicas ou sociais, dando exemplo permanente de integración e abrindo camiños que centos de persoas poden percorrer libremente nun mundo máis grande e máis humano. 

   A placa que acredita esta concesión, vai ser entregada nun acto no claustro da Catedral de Lugo o próximo domingo, 27 de outubro, inmediatamente despois da celebración (às 13,00 h.) do cabodano do P. Castiñeira, e antes da ofrenda que tradicionalmente se celebra diante da súa tumba.

   O premio non tén dotación económica e a placa que o acredita seralle entregada á gañadora nun acto que se celebrará no claustro da Catedral o domingo, 27 de outubro, despois da misa de cabodano de Don José Castiñeira.

Tarxetón conmemorativo